2Samiɛl 15:8 - BII BILA

⁸ Kani telen ya va Kesur, o lɛŋnde Aram-nden nin-ndo, mí yii kpemaa o Mɛlɛka lo, maa te o mingi ya pɛ Yerusalɛm lekɛ́ndɛi, i solulnin ndu sálàlan Hebrɔn.»

2Samiɛl 15:8 Iomraidhean Croise

2Samiɛl 14:23

Mí Yoab can mó kɔa Kesur. Mó kɔ hun a Absalɔm Yerusalɛm.

2Samiɛl 14:32

Mí Absalɔm mulul Yoab aa: «Le tùú yáà veelu nɔm le ya kuello o masaa lo ma kɛɛ-o. Yáà yeema mì nɔm óò kɔ ɲuna ndu kɔlɔ ya mal niko Kesur mí hun-ndo, ndóò ve fisa mì yáà lonnun ndon te? O laan ndu, mɛɛ mí tiiya o masaa lo! Te diyɔɔ o co ya ni, o dii ya.»

2Samiɛl 15:9

Mi masaa dimul ndu aa: «Kɔ a kɔlɲuloo!» O kon mó bii nɛiyo, mó kɔa Hebrɔn.

2Samiɛl 3:3

Kileab va po ndɔ diinndɔɔ ni, nda Abikail lanɔɔ fɔ̀nɔ̀ Nabal Karmɛlnɔ velu kon ni. Po ndɔ yàándɔɔ va Absalɔm ni, nda Maaka, cua Talmai va masaa Kesur-o velu kon ni.

Condii lisai 56:12

Ndu Hala ya tiindan ni, siòòŋii co ya le. Yɛɛ vanndacieea nɔla yɛnin tosaa a ya?

Vana Kɔlkaloo 5:4

O co fisa mà kɛɛ le ciɛ́i cuaa, a ndi cuaa ma kɛɛ le ndi peeloo.

Esai 28:15

La co dimio aa: «N yii kpemaa a piɔ́mndo, n cii cɛlan diom a ciee-piɔ́m, hali kpundɛ bɛndoo del bɛɛ, o komalnin naa le. Kani nɛɛ viannaŋaa naa co vanafondoyɛi ni, yasabaa naa n yifan nin-ndo co còòlan ni.»

Yeremi 42:20

Niaa pila dimul-la ni aa ya ɲuna Mɛlɛka Hala niaa. Mí la dimul-la aa: «Ɲɔɔlul naa Mɛlɛka Hala naa, mà tɛɛngul naa diomnde o dimulnin nɔm-nden sanaa, o kon mì n kela lecoo.» Niaa pila luei bollen o ken nin ni.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

1Samiɛl 16:2

Mí Samiɛl ɲuna aa: «Vɛ̀ɛ̀ ya looku yɛnin lakɔ? Te Saul tuei pɛ maa i kɔɛ lon, o dii ya.» Mí Mɛlɛka dimi aa: «Te a va pɛ kɔlan, a bii naw téndóó, a kɔɛ a ndu, a kɔ dimi aa: ‹Mɛlɛka ya hin sálàá solul ni›.