2Samiɛl 15:12 - BII BILA

¹² Tuma Absalɔm va sálàlan solio-o, mó viam kiilaa Kilo le Ahitofɛl, vana silaa David-o veeloo. Mɛɛ vannda va hiovɔɔ laci a handɔɔ o kunda Absalɔm-ndo coo yɛ, lende koni dúmbóó va kɔlan a yiinɔnndo ni.

2Samiɛl 15:12 Iomraidhean Croise

2Samiɛl 15:31

Mí vannda dimul David aa: «Ahitofɛl co vana pilɛ o vanaa yii dúmbóó nda Absalɔm-aa latulu-a tɛɛn.» O kon mí David piɛi aa: «Éé Mɛlɛka! Tɛɛmbuu silala Ahitofɛl-tan yandi.»

2Samiɛl 16:15

O kon kɔɔli, mí Absalɔm a Israɛlla kpow a tiiya Yerusalɛm. Ahitofɛl bɛɛ va ndu Absalɔm ikɛi.

2Samiɛl 17:14

Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

2Samiɛl 23:34

Elifelɛt, po Ahasbai-yo, po langbanɔ Maakatiinɔɔ pum, Eliam po Ahitofɛl Kiloniinɔ-o

1Masaa 21:12

Má veelu vannda le sumndo biyɔɔ, má simin Nabɔt nda laci.

1Masaa 21:9

Mó sɛva o sɛbɛla lan nin aa: «La veelu vannda kpow le sumndo biyɔɔ, mì Nabɔt sim vanaa kan laci.

1Dɛnnda lemasalan 27:33

Ahitofɛl va vana silaa masaa ni, Husai Arkiinɔ va caaŋoo masaa ni.

Condii lisai 41:10

Hali caan ni yáà laalan-ndo, ó va ɲɛdiaa nuu dioo-o, ndu bɛɛ heelu bɛngoo le ya nɛiyo.

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Talelan 21:27

Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Kundalan 23:1

Mí Balaam dimul Balak aa: «Cow ya fondala-loamaa-lasálàlan tan ŋɔmmɛw, ma bɛɛndial-la navaa tovaa nda ŋɔmmɛw a saa kóndóa nda ŋɔmmɛw.»

Kundalan 23:14

Mí Balak kɔa a ndu o Yondo Mɛngɛlaa, o pembei Piska bollen. Lon bɛɛ, mó cɔaw fondala-loamaa-lasálàlan tan ŋɔmmɛw, mó soli naw tovaa o pilɛ a saa kóndóó o pilɛ sálà o fonda-loamaa-lasálà oo fonda-loamaa-lasálà coo.

Kundalan 23:30

Mí Balak tosa mɛɛ Balaam dimul ndu yɛ, mó soli naw tovaa o pilɛ a saa kóndóó o pilɛ sálà o fonda-loamaa-lasálà oo fonda-loamaa-lasálà coo.

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

Yosue 15:51

Kosɛn, Holɔn a Kilo. La va faw-faw kobilan tɔ́ a ò pilɛ a cieon va lan o ba bɛngu-on.