2Samiɛl 13:12 - BII BILA

¹² Kɛ mí Tamar mulul ndu aa: «Ɛ-ɛ yema, kpuva ya ma va a ya le. Vana tosa dɛnɛ vaa lende o lɛŋnde Israɛl-ten nin te. Tosa dɛnɛ lamàà kon te.

2Samiɛl 13:12 Iomraidhean Croise

O Kandɔɔ 34:2

Mí Sikɛm, po Hamɔr Heviinɔ va masalen tosaa o tàndà kon coo-o ca ndu. Mó kpuva ndu, mó hini a ndu, mó tɛɛmbuu ndu labɛɛ.

O Kandɔɔ 34:7

Poaa Yakɔb-a ndáà muungu nin ciee, má tuɛi sɔɛi he. Mɛɛ nda tuei ndi, mí mɔnɛi bii nda taw. Má tuulu kɔltan taw-taw, kani Sikɛm tosa dɛnɛ lamàà bɛndoo Israɛl le kpuva o kpuva cua Yakɔb-o mó hini a ndu-o. O co dɛnɛ bɛnda le tosan te o co le.

Talelan 7:7

mí ca poombɔ piaandu nɔ mahul too pum o vanaa nɔ taasi le-a tɛɛn, mí dɔaw ndu taasi poambɔa piaandua tɛɛn.

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.

Tɔŋ lasálàá 18:11

A bɛnda ma tosa kpelemɔɔsaa a cua lanɔɔ fuɲa nɔm velu nda fuɲa nɔm-ndo le. Kani yema nɔm o co ni.

Tɔŋ lasálàá 18:9

A bɛnda ma tosa kpelemɔɔsaa a yema nɔm te, o va yema nɔm fuɲa pilɔɔ o va yema nɔm kala pilɔɔ. Hali o va bɛɛ maa la vilun o yungule pilɛ nin niaa ndu le, te kon te la mandan o yungule pilɛ nin niaa ndu le, a bɛnda ma tosa kpelemɔɔsaa a ndu le.

Tɔŋ lasálàá 20:17

Te vanndo cua pɛ yema ndɔ fuɲa pilɔɔ, te kon te yema ndɔ nde pilɔɔ o nɔ̀u nin, mò tosa kpelemɔsaa a ndu, mɛɛ a tosa bɔɔ mààla bɛndu. A sɔlanin sala ndaa vannda kpow o hɔl. Vanapɔnɔ suunda kon a yema ndɔ fuɲa pilɔɔ, te kon te yema ndɔ nde pilɔɔ-o, ndu yɔŋnun sabu le mààla lan tosaa ni.

Tɔŋ miingua 22:21

a bii cua kon, a kɔɛ a ndu o cɛi fuɲa ndɔ-o sondoo, pilacieaa ndɔa vii ndu a powtan háá mo vi. Kani dɛnɛ nɔɔlɛiyo o tosa kon Israɛlla tɛɛn ni, bau telen o va vɔ fuɲa ndɔ o bɛngu coo-o, mó suunda. Mɛɛ lende niaa bɛnda ni mi la faŋa dɛnɛ vɔɔndo niaa tɛɛn.

Tɔŋ miingua 22:29

vanapɔnɔ suunda kon a cua pilaa-o bɛnda mò luɛi bɔnɔ, mò yɔngu fuɲaa cuaa volin latámán beleŋuɛɛnu, mò cua vɛlɛ cuaambɔ kon o nɔ̀u nin. Kani kpuvaa o kpuva ndu ni, handɔɔ o kon coo, háá mo vi o bɛnda lɛ mo kɛɛ ndu le few.

Masaa kialaa n'yamaa 19:23

Mí fallo fula mó dimul nda aa: «Puapilɛa niaa, i tɛɛlun niaa, la tosa dɛnɛ vɔɔn súú vaa nuaa le, la tosa dɛnɛ lamàà súú vaa nuaa le, kani sumialii nii langbanɔɔ ho co ni.

Masaa kialaa n'yamaa 20:6

Lelan ya cua dialun ndɔn ni, mí kilikili mun bungan, mí piɔw mun polama yɛ́-yɛ́ma Israɛlla kpow tɛɛn. Kani bɛɛtambɛiyo a mààla vɔɔnndan pila nda luei Israɛl nuaa ni.