2Samiɛl 13:1 - BII BILA

¹ Tofa vɔ ɲɛ tosan o kon kɔɔli-o: Absalɔm, po David-o ndóò nɔ yemaa, naŋɔɔ pila yema ndɔ kon ndóò naŋ ni, diolan aa Tamar. Kɛ mí Amnɔn, po celen David-o yeema cuaambɔ kon taw.

2Samiɛl 13:1 Iomraidhean Croise

O Kandɔɔ 29:18

Mí Yakɔb luɛi Rasɛl lehɔl, mó dimul Laban aa: «Taa kɛsi pɛ Rasɛl cua nɔm ya o ba o nɔ̀u, i tosal nɔm vallo vɔsilan laŋɔmmɛw.»

O Kandɔɔ 29:20

Mí Yakɔb tosa vallo vɔsilan laŋɔmmɛw le Rasɛl kɛsio o nɔ̀u ndu o ba. Kɛ mó ca vɔsila ŋɔmmɛwla lan maa palɛi bingi, kani ndóò kaola bɔɔ Rasɛl.

O Kandɔɔ 34:3

Mó holnun niko Dina, cua Yakɔb kon. Mó yeema ndu taw. Mó kindin le cuaambɔɔ kɔllo nanɔɔ o ndu lo a sondo yeelaa.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

2Samiɛl 11:2

Paale pum, a paale yɔngannden, David cɔnɔnndo o lɔma ipalan, mó kɔa kelaa o fonda yesa va o cɛi ndɔ lemasaa coo-o. O lo coocoo lon, mó ca vanalanɔɔ pum pulɔnndo, ndóò naŋ hɔlla taw.

2Samiɛl 13:15

O foofo kon, mí Tamar kuisin ndu Amnɔn o kɔl, hiovɔɔ mɛɛ ndóò nɔ yeemɛi ndɔɛi yɛ. Mó dimul ndu aa: «Cɔn ma fula!»

2Samiɛl 13:2

Amnɔn lo Tamar yema ndɔ yeemaa háá mo del a nàá. Kani cuaambɔ kon ndóò sina vɔ dɛnɛ vanapɔnɔ le. Le hee Amnɔn ndóò tiw vɔ ba mi ndóò tɔɔndan le ndu delɔɔ kɔɔli le.

2Samiɛl 14:27

Hɔ́aa piaandua nda yáá a hɔ́ɔ́ laandoo o pilɛ Absalɔm ndóò velu ni. Cua ndɔ laandu kon diolan Tamar, naŋɔɔ pila ndóò naŋ ni.

1Masaa 11:1

Handɔɔ o cua ndóò yil Faraɔnnɔɔ o ba o nɔ̀u nin-ndo coo, mí Salomɔn kaola vanlaandua mangalaa isɔɔa taw: Moabua, Amɔnnda, Edɔmnda, Sidɔnnda a Hitiia.

1Dɛnnda lemasalan 3:2

Po yàándɔɔ diolan Absalɔm, nda Maaka cua Talmai va masaa Kesur-o velu kon ni. Po hiɔɔlundɔɔ diolan Adoniya, po Hakit-o va kon ni.

1Dɛnnda lemasalan 3:9

Kan kpow yɔŋnun poaa David-a ni. Poaa o velu nda sámáá ndɔa-a co lecoo le. Tamar va yema nda ni.

Talelan 31:30

Dialun kɛndɔn hui vana, naŋɔɔ a hɔllo lo le. Kɛ vanalanɔ tuisin pɛ Mɛlɛka o labɛngunin, ndu sɔla candɔɔ.

Talelan 6:25

Fúlà naŋɔɔ ndɔɔ lehɔl o kɔl nɔmndo nin te. Del o tɔɔndan nin le hɔlta koongola ndɔlan te.