Biblia Todo Logo
Bìoball air-loidhne

- Sanasan -




2Samiɛl 12:9 - BII BILA

9 Kɛ le yɛɛ n pɛɛsa yɛ sɔɛi nii, ya Mɛlɛka, má tosa ɲɛ hɛnan ya loo? Nɔm vɔngul Uri Hitiinɔ o mɔɛi cɔwve bɛngu ni, má cua laa ndɔ, má siinguu ndu laa nɔm. Nɔm tosa ni mí Amɔnnda dii ndu o cɔwvo.

Faic an caibideil Dèan lethbhreac




2Samiɛl 12:9
23 Iomraidhean Croise  

Mí David viam kiilaa le kɔlan ndu cuaa. Mí Bat-Seba hun o David lo, mí David sina ndu vanalanɔ. Ciiyo, mí Bat-Seba muungun o ndu lo. Nduyɛ Bat-Seba va pulɔnndo le dindinndo, kani ndóò cii ko sɛnɛi paangii ndɔɛi cɔ.


Lelan, kandɔɔ sisa, mɔɛi cɔwve feŋan ndɛnin lɔ́ɔ́-lɔ́ɔ̀ o nɔm ndo cɛinin te, kani a pɛɛsa ya, má mulin vɛlɛ má cua lanɔɔ Uri Hitiinɔ, má siinguu ndu laa nɔm.


Mó va David yeowlan aa: «Faŋan nanu! Kɔ! Nɔm vana diyaa n'vanndo ho, nɔm diɔmndo ho!


Kani faŋanndo o dɛnɛ Uri Hitiinɔ-o kɔɔli, dɛnnda sandaalan kínɛí David va tosaa Mɛlɛka o hɔl ni. O vi lende, o mel silala Mɛlɛka yɔngu ndu lan te.


ma kɔ soo o ndu lo, ma dimul ndu aa: ‹Nuaa Mɛlɛka dimi ni aa: Vɛ̀ɛ̀ a cii pɛ vanndo diyɔɔ a hin vɛlɛ ɲɛm ndɔn cuaa?› Mà soo vɛlɛ o ndu lo, mà dimul ndu aa: ‹Nuaa Mɛlɛka dimi ni aa: O fonda tunnda deembuu kooma Nabɔt-an-ndo, lon koni tunnda deembuunin vɛlɛ komaa nɔmndan ni.›»


Mó soli poaa ndɔa sálà, mó loam nda o yin o bóllo Bɛn-Hinnɔm nin. Mó vow balan o yavalan vomɔɔ, mó va kɔlan vanaa suukan a vanvílɛ́iya-a a mandea luɛyɔɔ coo, mó vow balan o cɔw-lekueiyo nin. Lende o va hiovɔɔ laci a dɛnnda nɛinun Hala lan tosaa ni, mí Hala tuulu kɔllo a ndu.


Mingi ya ɲaale vana sɔla o cinda nɔmndo nin-ndo o kɔl, mì yiyan yeemɛi kɛndɔɔ sim ya mayoomu.


Òó Hala! Nɔm co vana ciindiaa nuu-o, baŋa ya ma soli ya piɔ́mndo o ba. O kon, i yondanin a ɲaaloo, mì diɛɛmule nilen le cɔm sandii nɔmndo.


Pulu ya cɛ́kɛ́lɛ́ le tɛɛmbuu nuu, ma dindi ya le haki ya tosa-o.


Tɛɛmbuula naalan la co nɔm o hɔl, ɲɛ-tengaa nɔmndo co hakila naa n co tosaa o vionnɔnndo nin-ndan teengiaa.


Vana kela pɛ o sandei nin ndu ke Mɛlɛka bɛɛlen, kɛ vana kela pɛ o laasianndo nin mɛɛ ndu luei Mɛlɛka yii le.


Lelan, maa mɛɛ yinnden le loam tɛwvo yɛ, mɛɛ yinnde biyaalen le loam bil vesɛiyo yɛ, lende koni puundun ndan vanin maa ɲɛ siovɛi ni, lende koni yandɔɔ ndaa saŋnunnin maa cundu ni. Kani a kɛɛ tɔŋ Mɛlɛka-Nɔ-Kpaayaa-Kpow-vo, a pɛɛsa sɔɛi O-Diandaa Israɛlla.»


Kɛ te lɛŋnde len le tosa pɛ dɛnɛ hɛnan ya loo, mì kanalan nden, kɛ mì le kɛɛ le ya nilan yaŋɔɔ, o kon i mangala yiyan yáà nɔ le len dɛnɛ kɛndɔɔ tosallo-o.


Nuaa Mɛlɛka soo ni aa: «Le yɔŋnda vɔɔnnda yàála vannda Yuda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pɛɛsa tɔŋ Mɛlɛka-o, má kɛɛ le silala ndɔlan biyɔɔ. À laasian o piɔmaa lacòòvaa sooloo nin, piɔmaa fuɲaa ndaa bɛɛ a sooluu sindɛ-a pɛɛn.


Kɛ le yɛɛ niko, a bii diom ndɔɔ le? Le yɛɛ n tosa yɛ ɲɛ hɛnan Mɛlɛka loo, má cua bolofaa niaa bii yaamɔɔa o ba o cɔwvo-o?»


Kani mɛɛ yavaa vomɔɔ co dɛnɛ vɔɔndo yɛ, lende koni nila kalulan la co dɛnɛ vɔɔndo ni. Mɛɛ piɔmaa tongoninnda sooloo co dɛnɛ nɔɔlɛiyo yɛ, lende koni sɔɛi biyaa lepɛŋnde co dɛnɛ nɔɔlɛiyo ni. Lelan, mɛɛ n kɛɛ le diom Mɛlɛka-o biyɔɔ yɛ, Mɛlɛka bɛɛ kɛɛ nɔm. A co lɛ masa le.»


Mí Samiɛl mulul ndu aa: «Ɛ-ɛ, n co muungu naa ŋiɔn te. Kani a ci sɔɛi Mɛlɛka-e ɲɛ-ɲɛ le, lelan Mɛlɛka bɛɛ kɛɛ nɔm ni. A ve lɛnin masa Israɛlla coo le.»


Lean sinn:

Sanasan


Sanasan