2Samiɛl 12:7 - BII BILA

⁷ Mí Natan dimul David aa: «Nɔm kpeekpei co vana tosa dɛnɛ kon-ndo ni. Mɛlɛka Hala Israɛlla dimi aa: ‹Ya pɔla nɔm ni mí siinguu nɔm masaa Israɛlla coo. Ya baŋa nɔm Saul o ba ni.

2Samiɛl 12:7 Iomraidhean Croise

2Samiɛl 14:13

Mí cuaa ɲuna ndu aa: «Kɛ le yɛɛ nɛ n co yɛ niko dɛnɛ súú vaa lende tosaa a vanaa Hala-a? Mɛɛ nɔm pila langa soo nuaa yɛ, vɛ̀ɛ̀ o co yaalanndo le nɔm pila yaalan nuaa le? Kani a kɛɛ le po nɔm co o lekáá-o mingio nanu.

2Samiɛl 22:1

Paale Mɛlɛka baŋa David yaamɔaa ndɔa kpow o ba len, taama-taama paale o baŋa ndu Saul o ba len, mí ndu David solul Mɛlɛka condei.

2Samiɛl 22:49

Mɛlɛka, nɔm hɛlu ya yaamɔaa nia o ba ni, nɔm yɔŋ mí nɔla vanaa nɔ nɛyɔn nuu-a, nɔm puu ya vanaa kɔlvesɛiya o ba ni.

2Samiɛl 7:8

Lelan sisa, dimul David vana ni baala aa: ‹Mɛlɛka-Nɔ-Kpaayaa-Kpow-vo dimi aa: Ya cua nɔm nɛɛ n va cɔlua mandaa yondoo nin-nda ni, mí siinguu nɔm simlacinɔ Israɛlla, vanaa nia pɛɛn.

1Masaa 14:7

Muungu, mà kɔ dimul Yeroboam maa diom Mɛlɛka Hala Israɛlla dimi-o co hoo ni aa: ‹I hɛli nɔm caanda tɛɛn, mí siinguu nɔm simlacinɔɔ vanaa nia coo, Israɛlla pɛɛn.

1Masaa 18:18

Mí Elii mulul ndu aa: «O co ya le co dɛnɛ palaa tuisio Israɛlla coo le, kɛ nɔm pila kpeekpei a yungu fuɲa nɔm-ndo, niaa co dɛnɛ palaa tuisio Israɛlla coo ni. Kani la kɛɛ le tɔŋnda Mɛlɛka lan biyɔɔ, mí la mulin Baalla sooloo.

1Masaa 20:40

Nduyɛ, telen ya va o hɔlaa hiŋaa nin-ndo, mí vana va kon o biyɔɔ nin-ndo hialun, mó luusian ya o ba.» Mí masa Israɛlla mulul ndu aa: «Nɔm pila cii yamɛi kilulɔn.»

1Masaa 20:42

Mí vana-tɛɛngaa-diom Hala kon tɛɛngul niko masaa diom Mɛlɛka-o aa: «Le tùú n mal vana yáà dimi le diyɔɔ-o kɔnndan-ndo, nɔ́m co vu o fonda ndɔɔ ni, mí vanaa nɔmnda vi o fonda vanaa ndɔa.»

Condii lisai 18:1

Condii David-e, í fula o condun simlacinɔ vanaa n'condua nin-nde. David vana baala Mɛlɛka-o condu ndi tuma Mɛlɛka baŋa ndu yaamɔaa ndɔa kpow o ba-o, kɛ taama-taama Saul o ba.

Yeremi 34:6

Mí Yeremi vana-tɛɛngaa-diom Hala-o dimul Sedekia masaa Yuda sɔɔn mun kpow Yerusalɛm.

Daniɛl 4:22

A toawnunnin ma faŋan vanndacieea tɛɛn. Nɛɛ nɔmaa calaa vanin yondoo nin niaa visia latulu ni. A yɔngunin nɔm billo le dioo maa naw. A liwviaanin nɔm yɔ́-yɔ́ o kɛmndan nin, ma lo lende háá vɔsilan laŋɔmmɛw, háá ma sina maa Ó-Hiow-Ɲɔɔn-Kpow-vo nɔ masalen o ceendo coo o labɛngunin ni. Nduyɛ vana hɛnan ndu-o, ndu o sííngùù masaa ni.

Matie 14:14

Ndóò fulaa o dɛ̀ndɔ̀ɔ́ nin, mó ca vannda sɛ́lɛ́ bɛndoo, mí ɲííye bii ndu a nda, mó singi namtaa va lon-nda.

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

1Samiɛl 15:17

Mí Samiɛl dimi aa: «Paandu, nɔm pila va cɔnnɔnndo o pɔmbɔ, vɛ̀ɛ̀ o co nɔm kon te siŋnun simlacinɔ polama Israɛlla le? Vɛ̀ɛ̀ o co nɔm kon te Mɛlɛka pɔla ma siŋnun masaa o lɛŋnde Israɛl-ten coo le?

1Samiɛl 16:13

Mí Samiɛl cua lee macuɛiyo, mó tala cuɛima va lenin-ndan David o lebol bɛndaa ndɔa o hɔl. Kandɔɔ paale len, mí kɔl Mɛlɛka-o toal David coo. Mɛɛ Samiɛl cii tosa lende, mó can, mó muungun Rama.

1Samiɛl 18:11

mó heelu bál kon, mó dimi o kɔl nin aa: «Fɔ mì cuku poombɔɔ ho, mì buli ndu, mì bállo kɔ baŋ ndu o cɛiyo.» Mó vuu háá bɛmbɛ le diin, kɛ mí David kpakpala bállo.

1Samiɛl 18:21

Mí Saul dimi o kɔl ndɔɔ nin aa: «I co David Mikal cua ni yɔngu o nɔ̀u nin, haliko mi kon va yaŋɔɔlen le ndu malɔɔ Filistia o ba.» Mí Saul dimul David bɛmbɛ lediin maa o siŋnun lefu ndɔ paale len.

1Samiɛl 23:14

Mí David kɔannun o lɛŋnde veselɛilen Sif nin, mó kɔ calnun o fondala feke-fekela co o pembon coo lan. Lepalaa-lepala Saul va ndu nuwviaa, kɛ Hala cɛl le David malɔɔ ndu o ba le.

1Samiɛl 23:7

Saul tueyɔɔ maa David va Keila, mó dimi aa: «Mbɔ̀ Hala cii ya ndu biilul o yaŋɔɔlen, kani o kɔ luɛi o kobi nɔ sɔkɔma n'cilinndan-ndo nin.»