2Samiɛl 12:1 - BII BILA

¹ O kon, mí Mɛlɛka viam Natan o David lo, mó kɔ dimul ndu aa: «Langbaa pum va o kobio pum nin nda ŋiɔn, o pilɛ vana bolofaa, o pilɔɔ vana bala fondoo.

2Samiɛl 12:1 Iomraidhean Croise

2Samiɛl 11:25

O kon mí David mulul kiilanɔ kon aa: «Kɔ mà kɛsi Yoab kɔllo, mà dimul ndu maa o vu n'dial le sɔɛi he le. Kani cɔwvo cuu vanvílɛ́iya kɔɔli kpengeí a kpengeí le. Lelan, o veesiaa hɔlla, mò del kobi kon coo, mò pɛl ndu vɔ́-vɔ́.»

2Samiɛl 12:2

Vana bolofaa ndóò nɔ nawva, saa a cuinnda taw-taw.

2Samiɛl 14:14

Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.

2Samiɛl 7:17

O kon mí Natan tɛɛngul David diomnda Mɛlɛka soo o vundulen nden nin-ndan kpow.

1Masaa 1:8

Kɛ nduyɛ, Sadɔk vana-solia-lasálàá, Benaya po Yehoyada-o, Natan vana-tɛɛngaa-diom Hala-o, Simei nda Rei a kuubaa cɔvaa David-a kpede, vana-vana sim Adoniya kɔɔli o tuu ndɔ kon coo le.

1Masaa 13:1

Mí Mɛlɛka viam vana-tɛɛngaa-diom Hala-o pum cɔnɔnndo Yuda, mó kɔa Betɛl. O komal kpafii Yeroboam va isisi o fonda-loamaa-lasálàá, o va ansan lomɔɔ.

1Masaa 18:1

Telen vilɛi hiovɔɔ o kon kɔɔli, mí sɔɛi Mɛlɛka-e dimulun Elii o vɔsi yàándɔɔ nin aa: «Kɔ, mà kɔ cɔmnun masaa Akab, kani i co hunɔɔ piɔɔ tuisi o lɛŋnden coo.»

1Masaa 21:18

«Cɔn ma kɔɛ o Akab masa Israɛlla lo Samari. A co ndu komal o nakɔ n'rɛsɛn Nabɔt o co le siinguuo ɲɛ ndɔ ndu pila-o nin,

1Masaa 4:5

Asaria, po Natan-ndo va bolle masaa n'bungaa ni, Sabud po Natan-ndo va vana-solia-lasálàá pilɛ, o va vɛlɛ caaŋoo masaa.

2Masaa 1:3

Kɛ mí mɛlɛkanɔ Hala-o hun dimul Elii fula Tisbe-o aa: «Cɔn ma kɔ bɔŋa kiilaa masaa Samari vem-nda, ma dimul nda aa: ‹Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa?›

1Dɛnnda lemasalan 29:29

Dɛnnda masaa David tosa lan kpow, kandɔɔ a mɛɛlulan, la co lasɛvaalan o sɛbɛla nda veelu aa dɛnnda Samiɛl vana-tɛɛngaa-diom Hala-o, Natan vana-tɛɛngaa-diom Hala-o a Kad vana-tɛɛngaa-diom Hala-o lan nin,

Esai 39:3

O kon mí vana-tɛɛngaa-diom Hala-o, Esai, kɔa o masaa Esekia lo, mó ɲuna ndu aa: «Yɛɛ nɛ vannda ha dimi yɛ? Kuɛɛ nda cɛn yɛ má hun o nɔm ndo?» Mí Esekia muli aa: «Nɛɛ levil di-di nda cɛn ni má hun o ya lo, Babilɔn pɔ́ nda cɛn ni.»