2Samiɛl 11:2 - BII BILA

² Paale pum, a paale yɔngannden, David cɔnɔnndo o lɔma ipalan, mó kɔa kelaa o fonda yesa va o cɛi ndɔ lemasaa coo-o. O lo coocoo lon, mó ca vanalanɔɔ pum pulɔnndo, ndóò naŋ hɔlla taw.

2Samiɛl 11:2 Iomraidhean Croise

O Kandɔɔ 12:11

Tuma nda va le tiiyaa Esipte-o, mó dimul Sarai laa ndɔ aa: «I sina maa a naŋ hɔlla taw.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

O Kandɔɔ 34:2

Mí Sikɛm, po Hamɔr Heviinɔ va masalen tosaa o tàndà kon coo-o ca ndu. Mó kpuva ndu, mó hini a ndu, mó tɛɛmbuu ndu labɛɛ.

O Kandɔɔ 39:6

O kon, mí Potifar sɔaa Yosɛf ɲɛm ndóò nɔ-on kpede o ba. Potifar ve lɛ ɲɛ-ɲɛ celen tosa le, fɔ ɲɛdiaa o va dioo-o. Yosɛf ndóò naŋ hɔlla taw, sálámaa lekɛ́ndɛi o va ni.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

2Samiɛl 13:1

Tofa vɔ ɲɛ tosan o kon kɔɔli-o: Absalɔm, po David-o ndóò nɔ yemaa, naŋɔɔ pila yema ndɔ kon ndóò naŋ ni, diolan aa Tamar. Kɛ mí Amnɔn, po celen David-o yeema cuaambɔ kon taw.

2Samiɛl 14:27

Hɔ́aa piaandua nda yáá a hɔ́ɔ́ laandoo o pilɛ Absalɔm ndóò velu ni. Cua ndɔ laandu kon diolan Tamar, naŋɔɔ pila ndóò naŋ ni.

2Samiɛl 4:5

Mí Rekab nda Baana, poaa Rimɔn Beerotiinɔ-a tiiya o Is-Bosɛt lo a paale kalalen, a komal ndu ihini pɛngio.

SƐBƐ YƆB-O 31:1

«Náà n cii nin cɛlan naa hɔlta nilan, yáà bɛnda lɛ mì yáà tofa cua laandoo tofa iyeema le.

Condii lisai 119:37

Tosa mì faŋa hɔlla ɲɛm fondon kɔɔli, mì tosa hɛnan nɔmndo.

Talelan 19:15

Dialun vílɛ́in bɛndon lɔ́ngùlɔn siɛlɛiyo tuisi vana coo ni. Vana soli yɛ kpeku loo, yima cuu ndu kuee le.

Talelan 31:30

Dialun kɛndɔn hui vana, naŋɔɔ a hɔllo lo le. Kɛ vanalanɔ tuisin pɛ Mɛlɛka o labɛngunin, ndu sɔla candɔɔ.

Talelan 6:25

Fúlà naŋɔɔ ndɔɔ lehɔl o kɔl nɔmndo nin te. Del o tɔɔndan nin le hɔlta koongola ndɔlan te.

Talelan 7:8

O va kɔlan o nɛi, mó kei o kolokoloo pum ikɛi, nɛɛ vanalanɔ tiamaa pum va-a, mí poombɔ kon bii kɔlan o pɔm-pɔmbɔ o cɛi cua kon.

Yeremi 19:13

Cɛilan Yerusalɛm, a cɛila masaa Yuda la siŋnunnin ɲɛ nɔɔlɛiyo maa Tofɛt, cɛila kɛ́-kɛ̀ nda va lan sálàlan lomɔɔ o yindɔla ndalan coo le loeon, ma va halaa celennda ansan a sálàla mamɔilan solullo lan pɛɛn.»

Matie 10:27

O ya co niaa dimullo o ɲumndan nin-ndo, la dimi ndu ipala déŋ. O niaa co tueinɔnndo o lani ɲiimu-ɲiimu-o, la yonda ndu o cɛilan coo.

Matie 24:17

Vana vanin o cɛiyo coo-o ndu bɛnda lɛ mo tol le ɲɛ vaa cɛinin cua le.

Matie 5:28

Kɛ ya, i co niaa dimul: vana-vana tofa pɛ vanalanɔɔ tofa yeemɛi vɔɔndo, mɛɛ ndu cii suunda a vanalanɔ kon o kɔl ndɔɔ nin.

Dɛnnda kiilaa 10:9

Diimandɔɔ, mɛɛ vanaa nda vem kan-nda tiiyaa Yopé ciee-lekɔɔ, mí Piɛr hel o sɛmtɛ a telen paalen le va nin le tiiyaa o pol-lo le Hala piɛiyo.

Tɔŋ miingua 22:8

Taa tangul pɛ cɛi sɛnɛiyo, a bɛnda ma balu kpakio cɔvɔɔ o yindɔɔ coo sɔ́, yɔŋii vanndo hiɔlun ndon mo del mo vi, mì sɔɛi piɔ́m ndɔɔ i hel nɔm o lebol.

Tɔŋ miingua 5:21

La fúlà lanɔ pilaa lehɔl te, la fúlà cɛi pilaa lehɔl te, la fúlà ciɛi pílɛi, cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúlà ɲɛ-ɲɛ co ɲɛ pilaa lehɔl te.›

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

1Nsaŋ 2:16

kani ɲɛ-ɲɛ co o ceendo nin, yeemɛi n'faluei, hɔlte ɲɛm kɛndɛlen a yonga ceendo, o fula Pua o ba le, kɛ o ceendo nin.

1Samiɛl 9:25

O kon kɔɔli, má faŋan o fonda-loamaa-lasálàá, má muungu ciee. Mí Samiɛl suukan nda Saul o cɛiyo sɛmtɛ.