2Samiɛl 11:16 - BII BILA

¹⁶ Yoab va kobi ndáà tiila kon-ndo mɛɛndanndo ni, mó simi Uri o fondaa pum, kani o va sinaa maa lon vanaa cɔvaa mayoomua va ni.

2Samiɛl 11:16 Iomraidhean Croise

2Samiɛl 11:15

Mó sɛva o sɛbɛ kon nin aa: «Simi Uri nɛɛ cɔwvo kendu taw-taw-va, mì niaa niaa muungun a makɔɔ, mì la mal ndu ndu pilɛ kpé, haliko mo sɔla piɔ́mndo.»

2Samiɛl 11:17

Tuma vanaa va o kobio nin-nda del Yoab coo a cɔwvo-o, mí vannda vu taw o vanaa cɔvaa David-a tɛɛn. O kon, mí Uri Hitiinɔ bɛɛ sɔla piɔ́mndo.

2Samiɛl 11:21

La sina pá mɛɛ Abimelɛk, po Yerubesɛt-o looku vu yɛ? O co vanalanɔɔ le dii ndu Tebɛt le? O lo o kpakio coo, mó mal pow bɛndoo ndu o lebol, mó vu. Le kɔlɔ yɛɛ niaa sɔɔnguu yɛ niko o kpakio ikɛi kpɛɛlun?› O kon, a dimul niko ndu aa: ‹Uri Hitiinɔ, vana nɔm baala bɛɛ vi.›»

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

1Masaa 2:5

Handɔɔ o kon coo, nɔm Salomɔn, a sina ɲɛ Yoab, po Seruya-o tosal-la-o, ndu dii simlacia ŋiɔŋaa vanaa cɔvaa Israɛlla ni, Abnɛr po Nɛr-o nda Amasa po Yetɛr-o pɛɛn. Telen kɔlɲuloo va-o ndu kɔ mal kpundɛ cɔw kon ni, mó suinun kooma man o yáwle va ndu o caŋ-nden a o samtala va ndu o n'pelu lan.

2Masaa 10:6

Mí Yehu sɛval nda vɛlɛ sɛbɛ diinndɔɔ, sɔɔn va lenin-ndon yɔŋnun mun ni aa: «Te le ya niaa co ni, te la biinin pɛ sɔɛi nii, mɛɛ la kili poaa fula o polale vana niaa bɛndoo nin-nda bolle, mì la hin a ndi siɔdii a telen vaa nuaa o ya lo Yisreɛl nanu.» Nduyɛ, poaa belaŋɔmmɛvaa masaa va vanaa bɛndua va o kobio nin-nda o ba, nda va nda mandaa ni.

Talelan 29:12

Simlacinɔɔ yaŋ pɛ nilan o sɔɔn lacòòvan, vanaa bɛndua co ndu o ba bɛngu-a kpow a siŋnun vanaa tosaa dɛnnda vɔɔnda.

Osee 5:11

Cuavaa-imamaa Efraim-nda co kpukpaa sɔlaa. Ɲɛm va le nda-on hɛlun nda, kani a co kiltan ɲɛm fondon kɔɔli.

Dɛnnda kiilaa 5:29

Mí Piɛr nda kiilaa tɔ̀a a muli aa: «Diom Hala-o biyɔɔ co fisa a diom vanndacieea biyɔɔ.