2Samiɛl 11:11 - BII BILA

¹¹ Mí Uri mulul David aa: «Masaa, kesu kpema Mɛlɛka-o, vanaa cɔvaa Israɛlla a haa Yuda a co o cɛila-kolala-toandaalan bɛngu, handɔɔ o kon coo, Yoab simlacinɔ vanaa cɔwva a vanaa nɔmaa baalaa kpow a co lɔan yondoo nin, vɛɛ nɛ ya-ya tiw yɛnin ba, mì kɔɛ o ya lo cɛinin le dioo, le kolɔɔ a le lɔan naa laa nuu? Kɛì-kɛì bɛɛ! Te nɔm masaa co yoomu, màá i tosa sɔɛi vaa lende le!»

2Samiɛl 11:11 Iomraidhean Croise

2Samiɛl 11:10

Má hun dimul David aa: «Uri kue o ndu lo cɛinin te». Mó ɲuna Uri aa: «Nɛɛ levil n co fulaa nuaa ni, vɛ a kue o nɔm ndo cɛinin mà kɔ pɛngi le?»

2Samiɛl 14:19

Mí masaa ɲuna ndu aa: «Vɛ̀ɛ̀ o co Yoab le cɔm nɔm dɛnndan ndan kpow le?» Mí cuaa muli aa: «Masaa, màá viow yoomu naa coo! Sɔɛi n dimi-e vana nɔla mì vana sɛɛngiaa ndi o nɛi oo nɛi coo le! Yoab buɛi nɔm vem ya ni, ndu sɔɔ ya sɔɔn mun kpow o sondo le nɔm dimullo ni.

2Samiɛl 20:6

O kon mí David dimul Abisai aa: «Dɛnɛ Seba, po Bikri-o hiawnin naa kindila a dɛnɛ Absalɔm tosa-o. Lelan sim vanaa cɔvaa co ya kandaa-a laci, mì la kɔɛ ndu kɔɔli, yɔŋii o kɔ luɛinun o kobila mayoomulan lapum nin, mò hɛlun naa.»

2Samiɛl 7:2

Paale pilɛ, mí masa kon dimul Natan vana-tɛɛngaa-diom Hala-o aa: «Tofa vɔ, ya i co icali o cɛi tangulun a yɔmii sɛɛdrei-yo nin, mì kesu kpema Mɛlɛka-o ndu va o cɛi-kola-toandaa nin.»

2Samiɛl 7:6

Kabi ya co nuaa, i cel-lɔ cɛinin te, kandɔɔ o paale ya soli Israɛlla Esipte len háá hau, o cɛi-kola-toandaa nin a o kùùlan bɛngu ya co kelaa ni.

Kundalan 32:6

Mí Moise mulul vanaa fula kan o polale Kad len nin a o polale Rubɛn-nden nin-nda aa: «Le yɛɛ mì puapilɛa niaa kɔɛ o cɔwvo, mì niaa lonnun icali nanu yili?

Nsaŋ 13:14

Te ya co vana bɛndoo a Maalii-o pulu pɛ niaa pelon, mɛɛ niaa bɛɛ, o bɛnda mì la puuluan pelon vellaa-velle.

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

1Samiɛl 1:26

Mí Anɛɛ ɲuna Helii aa: «Vɛ̀ɛ̀ a loonun pá a cuaa pum o kɔɔ, ó va ɲin pilɛ isisi nanu nɔm ikɛi le Mɛlɛka piɛiyo-o? Ya kpeekpei va piɛile len ni.

1Samiɛl 14:18

Mí Saul dimul Ahiya vana-solia-lasálàá aa: «La hun a kesu kpema Mɛlɛka-o nanu.» Ɲinkon yɛ, kesu kpema Hala-o va o dɔ́ɔ́ngɔ́ Israɛlla nin.

1Samiɛl 17:55

Tuma Saul ndóò ce David Koliat kuello-o, mó ɲuna Abnɛr va simlacinɔ vanaa cɔwva-o aa: «Abnɛr sei! Nɛ̀ɛ́-nɛ̀ kpeekpei velu yɛ poombɔ felengoo ho?» Mí Abnɛr mulul ndu aa: «Masaa a toɲa, i sínà le.»

1Samiɛl 20:3

Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

1Samiɛl 25:26

I laalan maa Mɛlɛka pila kuuna nɔm le koovan solio ni, ndu kuuna nɔm le cɔlɔbaa le nɔm pila ni. Lelan te Mɛlɛka co yoomu, mí nɔm pila bɛɛ va yoomu, yaamɔaa nɔmnda a vanaa yeema dɛnɛ nɔm kɛndɔɔ le-a kpede a siŋnunnin maa Nabal.

1Samiɛl 4:4

Má viam vannda Silo le kɔlan hunɔɔ a kesu kpema Mɛlɛka-Nɔ-Kpaayaa-Kpow-vo-o, o co icali o mɛlɛkaa kanda ɲɛm Hala-on-nda tɛɛn-ndo pɛɛn. Poaa ŋiɔŋaa Helii-a, Hɔfni nda Pineas a va o kesu kpema Hala-o ikɛi lon.