2Samiɛl 11:1 - BII BILA

¹ Tuma sialte taselen, telen masaa ndáà can le cɔwlan tosaa-o, mí masaa David viam Yoab a vanaa va ndu o ba bɛngu-a, má kɔ diw Amɔnnda diwvo pila, má tiila kobio Raba. Kɛ mí David ndu lo Yerusalɛm.

2Samiɛl 11:1 Iomraidhean Croise

2Samiɛl 10:14

Mɛɛ Amɔnnda ce Aramiia ɲaanɔnndo, mí nda bɛɛ ɲaanun Abisai, má muungun o kobi ndaa nin. O kon, Yoab cɔlɔba lɛ Amɔnnda le, mó muungu Yerusalɛm.

1Masaa 20:22

O kon kɔɔli, mí vana-tɛɛngaa-diom Hala-o komal masa Israɛlla, mó dimul ndu aa: «Lueí yoomuan, ma yiyan ɲɛ n tosanin-ndo ɲɛkɛndɛi. Kani a telen vaa nuaa ɲinasian, masaa Aram muungunin nanu, mò hun del nɔm coo a cɔwvo.»

1Masaa 20:26

Vɔsio pilɔɔ tiiyaa, o telen pilɛ kon bɛngu, mí Bɛn-Hadad cɔm vanaa ndɔa cɔwva, Aramiia pɛɛn. Mó kɔa a nda háá Afɛk le Israɛlla cɔlɔbaa.

1Dɛnnda lemasalan 20:1

O vɔsi kon kɔɔli, telen masaa dema fula le kɔlan cɔwvo tosaa-o tiiyaa, mí Yoab sim vanaa cɔwva sɛ́lɛ́ bɛndoo laci. Mó kɔ tɛɛmbuu lɛŋnde Amɔnnda, mó bii kobio Raba. Kɛ mí David ndu lonnun Yerusalɛm.

2Dɛnnda lemasalan 36:10

Vɔsi sɛnɛiyo kandɔɔ le tiiyaa, mí Nebukanɛsar viam vannda, má hun bii ndu mó kɔa a ndu Babilɔn a ɲɛm báà kalan va o Cɛi-Mɛlɛka-o nin-ndon. Mó suili Sedekia, puapilɛ ndu Yehoyakin-ndo masaa Yudaa a Yerusalɛmnda coo.

Condii lisai 60:9

Ya nɔ tàndá Kalaad-o a lɛŋnde Manase len ni. Mɔsil ni cɔwvo co tàndá Efraim-ndo ni, Yuda co tinda ni lemasaa ni.

Vana Kɔlkaloo 3:8

Telenndo co le kaolaa, telenndo co le nɛyɔnndo, telenndo co le cɔwvo, telenndo co le kɔlɲuloo.

Yeremi 49:2

Lelan sɔɛi fula Mɛlɛka o sondo-e co hee ni aa: «Paale vanin mì vannda tuei vóólun-vóólun cɔwvo Raba o kobi lebol Amɔnnda nin. Kobi kon siŋnunnin bémbélan, mà lom cieon pɔmbɔn balu ndu-on. O telen kon Israɛlla minginnin ɲɛm ndan o laba.» Mɛlɛka dimi lende ni.

Yeremi 49:3

Vannda Hɛsbɔn, la hiiliaa a mɔnɛi, kani Ai cuu itambu! La mɛli yeelan, niaa vanaa co o cieon balu Raba-on nin-nda. La vownun volɔɔla dɛnɛ palaalan, mì la soli condii biisiei, mì la va keiyo ba-ba fee o kolokololan, kani a co kɔlan a piɔmndo Molɛk o biyɔɔ nin a vanaa ndɔa solia lasálàá a simlacia ndɔa latulu kpow.

Esekiɛl 21:20

Haliko mi kɔltan la laasian nda nin, mì tɛɛmbuula ndalan la vangalan. I cumulnin nda o diola luɛyaalan kpow sondoo a mɔɛi cɔwve o ba. Mɔɛi cɔvii ken toosian le volio ŋuandi-ŋuandi, i co iyikpaa tɛm-tɛm le diyɔɔ.

Amɔs 1:14

Lelan, i co yinnden malɔɔ o kpakila kobio Raba, mì le lom cɛila lemasala co lon-ndan o vóólun-vóólunn cɔwvo bɛngu, o paale cɔwlen len pilɛ nin. La cuunin ŋɔ o felenfelen leyinndo nin o paale hoeyii fùkù-fùkùlen nin.

Sakari 14:3

O kon, Mɛlɛka fulanin ceen, mò cɔlɔba vanaa-mangalaa-isɔaa kan, mɛɛ o cɔlɔba o paale cɔwlen coo yɛ.

Tɔŋ miingua 3:11

Ɔk va kon masaa Basan-ndo ndu pilɛ kpé lo yoomu o Refaimnda nin ni. Kpele n'cilinndo kpele ndɔ hinia va ni. O co vɔ háá paalen nden o kobio Raba nin, kobi poaa Amɔnnda pum pɛɛn. Kpele kon bandii ndɔɛi va dunndo leŋɔmahiɔɔlu, buo dunndo lehiɔɔlu, dun vanacieo pɛɛn.»

1Samiɛl 18:30

O telen kon, simlacia Filistia va Israɛlla kuello a cɔwvo. Kɛ nduyɛ, o cɔw oo cɔw ndáà kɔɛ pɛ, David ndóò hiaw nɔlaa a kuubaa cɔvaa Saul-la ni. Lelan mí tɔ́ɔ́ David-o tiw kpede.