2Samiɛl 10:6 - BII BILA

⁶ Mí Amɔnnda sina maa a nɛinun David le dɛnɛ nda tosa kon-ndo. Le hee, má cua vanaa cɔwva vaalan bidiin o Aramiia Bɛt-Rehɔb a o Aramiia Soba tɛɛn, má cua vɛlɛ vanaa cɔwva vàá pilɛ masaa Maaka o ba, má cua vɛlɛ vannda vaalan tɔ́ a latiɔn o vannda Tob tɛɛn.

2Samiɛl 10:6 Iomraidhean Croise

O Kandɔɔ 34:30

Mí Yakɔb dimul Simeɔn nda Levii aa: «La pìndul-la cɔwvo fɔ́! La siinguu ya vana vɔɔn bɛndoo pilacieaa lelɛŋnda o hɔl, Kanannda a Perisiia pɛɛn. Nduyɛ, vanpiaandua bɔɔ co ya o ba le. Te vannda ha mɔsɔŋan pɛ le ya tolɔɔ coo, a co ya nɔla, mà dii ya a yungu nuu kpede.»

2Samiɛl 10:5

Mɛɛ David tuei sɔɛi ken, mó viam vannda má kɔ dimul nda aa: «La cal Yeriko háá mì siayun niaan vil malan niaa muungu nanu.» Kani siɛmbulan láà hiw bɔɔ nda tolɔɔ.

2Samiɛl 10:7

David tueyɔɔ sɔɛi ken, mó viam Yoab a vanaa cɔwva, vanaa caa cɔwvo taw-va kpow le nda cɔlɔbaa.

2Samiɛl 16:21

Fɔ́ɔ́fɔ̀, mí Ahitofɛl mulul ndu aa: «Kɔ mà kɔ hini a sámáá fuɲa nɔm mɛi haa le cɛi lemasaa mandaa-a. Tuma Israɛlla kpow a tuɛinin sɔɛi ken-ndo, ɲɔɔ co nda pala mì fuɲa nɔm kelun nɔm vɛlɛ yii. O kon, vanaa yeema nɔm-nda kpow a sɔla niko yoomuan.»

2Samiɛl 23:34

Elifelɛt, po Ahasbai-yo, po langbanɔ Maakatiinɔɔ pum, Eliam po Ahitofɛl Kiloniinɔ-o

2Samiɛl 8:12

Ɲɛm ndóò poondiaa Aramiia, Moabua, Amɔnnda, Filistia a Amalɛkea o ba-on a ɲɛm ndóò poondiaa Hadadesɛr, po Rehɔb va masaa Soba-o o ba-on pɛɛn.

2Samiɛl 8:3

Tuma Hadadesɛr, po Rehɔb va masaa Soba-o, ndóò yeema le kɔlan tàndà va o peo Efrate leeloo-o hiɔlɔɔ-o, mí David nɔla vɛlɛ kon.

2Samiɛl 8:5

Mí Aramiaa va Damas-a sɔɔnguu le Hadadesɛr masaa Soba cɔwvo malaa. Kɛ mí David nɔla nda, mó diw vannda vaalan bidiin a latiɔn o nda tɛɛn.

1Masaa 11:24

Tuma David va vanaa cɔvaa Hadadesɛr-a diwvo-o, mí Resɔn cuungiaa langbaa sɛ́lɔ́ɔ́ taw, mó sim nda laci, má can má kɔ cal Damas, má va masalen tosaa lon.

2Masaa 7:6

Kani Mɛlɛka ndóò tosa ɲɛ pum ni, mí vanaa cɔvaa Aramiia va o dɔ́ɔ́ngɔ́ nin-nda tuɛi diom bɛndoo pum, vanáà tuɛi ko aa kunda vanaa cɔwva pum co hunɔɔ sɛ́lɛ́ bɛndoo a soa ndaa a á ɲɛla ɲaanannda soa nan-ndan taw-taw ni. Má dimulan vellaa-velle aa: «Má cè mɛɛ masa Israɛlla cii masa Hitiia a masa Esiptea volion yɔngu, má mɔɔsiaa vanaa ndaa cɔwva le naa hunɔɔ delɔɔ coo yɛ!»

Condii lisai 48:4

O cɛila coocoolan Siɔn nin, vannda kpow a sina maa kpakio Hala co ni.

Fulaa 5:21

Má dimul nda aa: «Màá Mɛlɛka mɛɛndan dɛnɛ niaa tosa hoo-o, mò kilul niaa yamɛi fɔ́! Niaa, la kondul naa dɛnɛ dɛ! Niaa siinguu naa vanaa vɔɔnda Faraɔnnɔɔ nda vanaa ndɔa baalaa o hɔl ni. Mɔɔn cɔwvon niaa sɔɔ nda o ba nuaa ni le naa diwvo.»

Talelan 25:8

Keleŋa sɔɛi n ce-e dimi o cɛi kialaa n'yamaa nin te, kani te yaamɔɔ nɔmndo hun sɔla nɔm pɛ di, vɛ̀ɛ́ n tosa yɛnin o kon kɔɔli?

Yeremi 40:8

Mí simlacia kan muungu o Kedalia lo Mispa, nda co ha ni: Ismaɛl po Netania-o, Yohanan a Yonatan poaa Karea-a, Seraya po Tanhumɛt-o, poaa Efai fula Netofa-o, a Yesania po Maaka-o, a poaa va nda kɔɔli-a.

Yeremi 46:21

Vanaa cɔvaa mialaa Esiptea co salaa le cɔwvo tosaa-a co o biilu bɛndu nin. Kɛ hali nda, a kɔannunnin, a ɲaanunnin nda ndaa latulu. Vana-vana simulnin lɔ́ɔ́ paale dɛnɛ palaalen le komal nda-o le, paale ya tuisinin nda sangaa coo len pɛɛn.

Tɔŋ miingua 3:14

Mí Yair, po imama Manase-o hialu tàndàá Arkɔb kpow háá o pɛɛngulan a lɛŋnde Kesuriia a Maakatiia. Mó handu diola ndɔlan o sɔndɔkɔltan Basan coo. Háá paalen nden a co lan veeloo aa sɔndɔkɔlta Yair lan.

Masaa kialaa n'yamaa 11:3

Le hee, mí Yɛfte ɲaanun, mó faŋan puapilɛa ndɔa kan ikɛi, mó kɔ calnun o tàndàá Tob nin. Mí langbaa fondoa pum del ndu kɔɔli, má va keiyo cɔwlan tosaa nda ndaa.

Masaa kialaa n'yamaa 11:5

Tuma cɔwvo kandun-ndo, mí kaasoŋaa kɔlkalua Kalaad kɔa Yɛfte kɔɔli o tàndàá Tob nin.

Masaa kialaa n'yamaa 18:28

O bóllo Bɛt-Rehɔb nin Lais va ni, o va Sidɔn levil lándán. Vanaa va o kobi kon nin-nda ve vɛlɛ o ba vana bɛngu le. Lelan vana-vana hin le nda cɔwvo mala le. Mí vanaa fula o polale Dan-nden nin-nda mingi kobi kalaa tangul, má calnun ndon.

1Samiɛl 13:4

Mí Israɛlla tuɛi maa Saul cii masa ibunga Filistia diyɔɔ. Mí Israɛlla siŋnun vanaa vɔɔŋaa bɛndua Filistia o hɔl le dɛnɛ kon. O kon, mí vanaa cɔvaa Israɛlla kpow a cuungian Kilkal o Saul lo.

1Samiɛl 27:12

Le hee Akis ndóò laalan David taw ni, kani o va dimio o kɔl ndɔɔ nin aa: «Daama David cuu Israɛlaa ndɔa cunulɔn nuaa ni. Lelan o vanin buɛi nuu le lɔ́ɔ́-lɔ́ɔ̀.»