2Samiɛl 10:12 - BII BILA

¹² Lelan, tosa vanapɔnɔyɛi, mì n tosa cɔwvo a yoomuan le lɛŋnde naalen a le kobila Hala naa. Màá Mɛlɛka tosa ɲɛ hɛnan ndu-o!»

2Samiɛl 10:12 Iomraidhean Croise

2Samiɛl 10:11

Mó dimul pɔmbɔ ndɔ aa: «Te Aramiia va pɛ le ya nɔlaa, a sɔɔnguu le ya malaa. Kɛ te o va pɛ maa nɔm Amɔnnda co le nɔlaa ni, mɛɛ ya kɔanin le nɔm malaa ni.

2Samiɛl 15:26

Kɛ, te o ci lɛ ya ɲia le, mɛɛ o tosal-la mɛɛ o yiyannin yɛ.»

1Dɛnnda lemasalan 19:13

Veesiaa hɔlla ma sim yili, n tosa cɔwvo a dialun fulan le vanaa naa a le kobila Hala naa. O kon mì Mɛlɛka tosa mɛɛ hɛnan ndɔɔ co yɛ.»

2Dɛnnda lemasalan 32:7

«La sim yili mì la fula diallon! Siòòŋii bii niaa le, la ɲííyà masaa Asiri a vanaa cɔvaa sɛ́lɛ́ bɛndua co ndu haa kɔɔli-a o hɔl te. Kani vana co naa ikɛi-yo hiow o co ndu ikɛi-yo kpaayaa.

Nehemi 4:14

Nɛɛ-nɛɛ niaa tuei pɛ buloo diom, la cɛn o fonda niaa co và-o, la komal naa lon. Hala naa tosanin cɔwvo le naa.›

Nehemi 4:8

Yáà ciiyo sɔɔn mun mɛɛdianndo kpow, mí dimul vanaa bɛndua, vanaa kialaa n'yamaa a vanaa tɔ̀a kpow aa: ‹Siòòŋii bii niaa a nda le! La loonun maa Mɛlɛka co o bɔɔ, ndu co kpúlúnkùmaa ni. La cɔlɔba le puapilɛa niaa, le poaa niaa, le cuavaa niaa laandua, le laandaa niaa a le cɛila niaalan.›

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

Kundalan 13:20

Mì la tofa vɛlɛ te lɛŋnden le co lɛŋnde naŋaa ɲɛ, te le co lɛŋnde naŋaa ɲɛ le, te yɔmii bɛnduei co lon, te i co lon te. La kindikindin mí la hin a kɔmnde tɔlɔɔla co o lɛŋnde len nin-ndan.» Nduyɛ, a boondii ken ndáà kiandu rɛsɛŋun tason ni.

1Korɛntea 16:13

La pɔɛɛnun te, la sim yili o laalanndo nin, la luei yoomuan a kpaayaa.

Tɔŋ miingua 31:6

Lelan, la lueinun yoomuan mì la sim yili. Siòòŋii bii niaa le. La ɲiiya nda o hɔl te. Kani Mɛlɛka Hala niaa pila co va kɔlan a niaa latulu, o faŋannin niaa ikɛi le, o melnin niaa le.»

Tɔŋ miingua 31:7

Mí Moise veelu Yosue Irsaɛlla kpow o hɔl, mó dimul ndu aa: «Kindikindin ma sim yili. Kani nɔm lueinin vannda ha o lɛŋnde Mɛlɛka yiilu fuɲaa ndaa mamaa kpemaa a mɛnanndo le nda len keo len nin ni. Nɔm piɔwnin nda len ni.

Hebreea 11:33

Laalanndo yɔŋ ni mí vanaa kan a nɔla masɛi, má tosa dɛnɛ sandaa, má sɔla ɲɛm Hala ndóò dimul nda-on, má kinda yàlàá sondolan.

Hebreea 13:6

Lelan n tiwba mì n dimi a laalanndo aa: «Mɛlɛka co vana co ya malaa-o ni, siòòŋii co ya a ɲɛ-ɲɛ le. Yɛɛ vanndacieea nɔla yɛ ya yɔŋ?»

Yosue 1:18

Vana-vana tosal nɔm pɛ nila kalulan, mò bii sɔɔn nɔmndon te, vana kon ndu sɔlanin piɔ́mndo. Lelan, lueinun yoomuan ma sim yili.»

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Masaa kialaa n'yamaa 10:15

O kon, mí Israɛlla muli aa: «Mɛlɛka, n cua hakio. Tosa ɲɛ hɛnan nɔm-ndo a naa. Kɛ o va bɛɛ lende, baŋa naa vɛlɛ hau.»

1Samiɛl 14:12

Mí vanaa kan veelu Yonatan nda buɛi ndɔɔ, má dimul nda aa: «La hun-ndɔ nanu mì n dimul niaa sɔɛi pum.» Mí Yonatan dimul buɛi ndɔɔ aa: «Hun n kɔ, sim ya kɔɔli, Mɛlɛka cii nda malɔɔ Israɛlla o ba.»

1Samiɛl 14:6

Mí Yonatan dimul langbanɔ va ndu kon ɲɛm cɔwvon cuello-o aa: «Hun mì n sɔɔnguu vanaa dii haa tooma le-a macɛlu kpɛɛlun, bɔɔle mì Mɛlɛka mala naa mì n nɔla nda. Kani n va sɛ́lɛ́, n va sɛ́lɛ́ le, Mɛlɛka dimi pɛ le naa baŋaa, o baŋa naa.»

1Samiɛl 17:32

Mí David dimul Saul aa: «Vana-vana vu n'dial le Filistinɔɔ ho le. Ya, i co lakɔ ndu cɔlɔba.»

1Samiɛl 3:18

Le hee, mí Samiɛl dimul ndu sɔɔn mun kpow, o vin ndu ikɛ́-kɛ̀ le. Mí Helii dimi aa: «Ndu co Mɛlɛka ni, màá o tosa hɛnan ndɔɔ!»

1Samiɛl 4:9

Lelan naa Filistia, fɔ mì n sim yili, mì n tosa vanapɔnɔyɛi. N kɔ cɔlɔban Hebreea a yoomuan. Yɔŋii naa n siŋnun cɛa ndaa mɛɛ nda va paandu cɛa naa yɛ.»