2Samiɛl 1:8 - BII BILA

⁸ Mó ɲuna ya aa: ‹Vana súú yɛɛ nɛ n co yɛ?› Mí mulul ndu aa: ‹Amalɛkenɔɔ ya co ni.›

2Samiɛl 1:8 Iomraidhean Croise

O Kandɔɔ 14:7

Tuma nda va muungoo-o, má kei Ɛin-Mispat, Kadɛs pɛɛn. Lon bɛɛ, má tisa Amalɛkea a Amoriaa va icali Hasasɔn-Tamar-a coo, má tɛɛmbuu cieon ndan.

2Samiɛl 1:13

O kon kɔɔli, mí David ɲuna langbanɔ downun ndu kon kona-o aa: «Kuɛɛ nɛ n fula yɛ?» Mó muli aa: «Amalɛkenɔɔ pum va icali o lɛŋnden nden nin, ndu velu ya ni.»

2Samiɛl 1:7

Ndóò mulinndo, mó ca ya, o kon mó veelu ya. Mí cɛl aa: ‹Yoo masaa!›

2Samiɛl 1:9

Mó dimul-la aa: ‹Mɛɛ sɔɔnguu nanu mà dii ya, kani hali yoomoo co bɛɛ ya o milin nuaa, kɛ hɔlla co ya bɔɔ hiŋndo.›

Kundalan 24:20

Mɛɛ Balaam ce Amalɛkea, mó dimi aa: «Amalɛkea va vanaa-mangalaa-isɔɔa tɔ̀a kpow bollen ni, kɛ yɛyii ndɛi cuu itambu mí i ɲum.»

1Samiɛl 15:3

Lelan, kɔ sisa, mà kɔ del nda coo a cɔwvo, mà tɛɛmbuu ɲɛm ndan kpow. Mɛi ɲɛ-ɲɛ yoomu le, diw vanpiaandua a vanlaandua, cuaambɔa a cɛlɛkpɛa, nawva a saa, ɲɔɔmɛɛa a sofɛlɛa.›»

1Samiɛl 27:8

Telen David nda langbaa ndɔa va kon Siklak-o, a va kɔlan Kesuriia, Kirsiia a Amalɛkea delɔɔ coo a cɔwvo. Kabi paandu yɛ, vanaa kan kpow vannun icali o tàndà kon nin ni, kandɔɔ Sur kɔlan tiiyaa háá o lɛŋnde Esipte len.

1Samiɛl 30:1

O paale yàándɔlen, mí David tiiya Siklak a langbaa ndɔa. A komal Amalɛkea ndáà cii nin vanaa va a ba too-a delɔɔ coo a cɔwvo, má del vɛlɛ kobio Siklak coo, má tɛɛmbuu ndu, má mal ndu yin.

1Samiɛl 30:13

Mí David ɲuna ndu aa: «Nɛ̀ɛ́-nɛ̀ n co yɛ o ba? Kuɛɛ nɛ n fula yɛ?» Mó muli aa: «Esiptenɔɔ ya co ni, cɛ langbanɔ Amalɛkenɔɔ pum ya co ni. O co nin hau palɛi ndii yáá, mí vana ni bɛndoo mal-la, le nàà yaa naa-o.

1Samiɛl 30:17

Mí David del nda coo a cɔwvo kandɔɔ telen paale siaalen háá diimandɔɔ a paale yɔngannden, mó nɔla nda. Vana-vana helun te, fɔ langbaa felengia kɛmɛ lehiɔɔlu, a hel o ɲɔɔmɛɛa coo má ɲaanun-nda.