2Samiɛl 1:23 - BII BILA

²³ O ceen ndaa kpow nin, kaolianndo pila Saul nda Yonatan ndáà kaolian ni. Hali o piɔ́m ndaa nin, a cɛl le sɛyanndo le. Ndáà hiow kovɛa keleŋaa, ndáà hiow yàlàá yoomuan.

2Samiɛl 1:23 Iomraidhean Croise

2Samiɛl 1:24

Niaa vanlaandua Israɛl, la caŋ Saul! Kani ndu va niaa cuɛyɔɔ a volɔɔla sɔvɛlan ni, ndu va sianion lɛnduuo o domala niaala bɛndulan ni.

2Samiɛl 2:18

Poaa yáá-aa Seruya-a va lon: Yoab, Abisai a Asaɛl. Asaɛl ve vana lusulan te, keleŋaa pila ndóò keleŋa ni maa púvɛ.

2Samiɛl 23:20

Benaya, po Yehoyada-o, kuubanɔɔ a vana dialun kalaa o va ni, Kabseɛl ndóò fula ni. Ndu dii kuubaa cɔvaa ŋiɔnda Moab ni. Ndu koni tol vɛlɛ paale pum o soon mandaa mamɛnndo nin ni, mó kɔ dii yàlàá. Paale len, mɛmma n'kpungban ma va delio.

1Dɛnnda lemasalan 12:8

Yoela nda Sebadia, poaa Yeroham fula Kedɔr-o-a.

SƐBƐ YƆB-O 9:26

Ì keleŋa bɔɔ hiovɔɔ maa dɛ̀ndɛ̀ macɔ́ɔ́cɔ́ɔ̀, maa mɛɛ kovɔ́ɔ̀ toal a kiltan ɲɛ ndɔ diaa kɔɔli yɛ.

Talelan 30:30

Yàlàá, ndu hiow kpaayaa o visia yondoa tɛɛn kpow, o ɲeenun ɲɛ-ɲɛ loo,

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Cɛɛŋɔnnda Yeremi lan 4:19

Vanaa co naa tovɔɔ-a hiow keleŋaa a kovɛa kela coocoo-a. À co naa kiltan kɔɔli o pembon coo, à co naa cumullo o lɛŋnde veselɛilen nin.

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.

Masaa kialaa n'yamaa 14:18

O paale ŋɔmmɛwndɔlen coo, lɔ́ɔ́ pá mí paalen le del, mí vanaa va o kobio nin-nda hun dimul Samsɔn aa: «Yɛɛ nɛ yeela yɛ mo hiaw lɛan yeelaa? Yɛɛ nɛ nɔ yɛ bɛmɛi mo hiaw yàlàá?» Mí Samsɔn mulul nda aa: «Te niaa véé a naw ni téndóó le, niaa nɔlanin kɔlɔ ndɔɔ sinaa le few.»

1Samiɛl 18:1

David ciiyo suukanndo nda Saul, mí Yonatan holnun David, mó kaola ndu maa ndu pila.

1Samiɛl 20:2

Mí Yonatan mulul David aa: «Kɛì-kɛì bɛɛ! A co vu le. Kani fuɲa nuu tósà ɲɛ-ɲɛ mò kɛɛ ya fɔlɔn dimul te. Le kɔlɔ yɛɛ nɛ o vin yɛnin ya tùú ndɔɔ ho? Dɛnɛ vaa lende tosannin te.»