2Samiɛl 1:21 - BII BILA

²¹ Pembon Kilboa, màá mɔ́mndo a piɔɔ toal-lɛ niaa coo le! Màá vana ca lɛ ciɛɔn kɛndɔn niaa coo le! Kani niaa coo siɛmbulan la tol kɔ̀ɔ̀la cɔwla kuubaa cɔwva ni! Kɔ̀ɔ̀ cɔw Saul-lo suínùn ndɛnin macuɛi lɔ́ɔ́-lɔ́ɔ̀ le.

2Samiɛl 1:21 Iomraidhean Croise

1Dɛnnda lemasalan 10:1

Paale pum, mí Filistia del Israɛlla coo a cɔwvo o pembei Kilboa coo. Mí vanaa bɔɔ-bɔɔ vu o Israɛlla tɛɛn. Mí Israɛlla ɲaanun Filistia.

1Dɛnnda lemasalan 10:8

Diimandɔɔ, telen Filistia kɔɛ le vanaa vi-a faaŋiaa-o, má komal Saul nda poaa ndɔa ihini a vílɛ́iya o pembei Kilboa coo,

Condii kɛndɛ-kɛndɛi 4:4

Vana ca ko kɛsii nɔmnde aa cɛi coocoo masaa David tangul le ɲɛm cɔwvon kɛsio lenin-ndo ni. Kɔ̀ɔ̀la cɔwlan vàá pilɛ la co lalɛɛndua lon, lon ɲɛm cɔvun kuubaa cɔwva kpow n co ni.

Esai 21:5

Vannda kɛsi tabalio ma pɛngɛla kolaa lecoo, a co dioo a kolɔɔ. Niaa cuavaa lemasaa sei, la cɔn! La suu cuɛiyan kɔ̀ɔ̀la cɔwla niaalan.»

Esai 5:6

I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.

Esekiɛl 31:15

Nuaa Maalii, o co Mɛlɛka-o dimi ni aa: «Paale yɔm sɛɛdre bɛndu kon tol ciee-piɔ́m nden, mí saŋ dɛnɛ biisi ndɔɔ o lɛŋnden coo, mí kumbu soon bɛndu co lɛŋ-ndo le ndu, mí bii mɛmma pee bɛnduan, mí mɛmma bɛndu-bɛnduan ma sim, mí tuisi ɲumndan o pembei Liban coo le ndu, mí yɔmii co yondoo nin-nde kpow i vesa kékélé le ndu.

Yɔɛl 1:9

Sálà kpeyanndo a sálà mamɔiyo co lɛ solin o Cɛi-Mɛlɛka-o nin te. Lelan, vanaa nia baalaa, a co vanaa-solia-lasálàá-a co o mɔnɛi nin taw.

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Masaa kialaa n'yamaa 5:23

Mí mɛlɛkanɔ Hala-o dimi aa: ‹La dɔw kobio Merɔs danga, La dɔw vanaa co icali lon-nda danga. Kani a cɛl le vanaa Mɛlɛka-a malaa le, a cɛl le kuubaa Mɛlɛka-a sɔɔnguuo ikɛi le cɔwvo le.

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

1Samiɛl 31:1

Mí Filistia del Israɛlla coo a cɔwvo. Mí Israɛlla ɲaanun, mí vannda taw vu nda tɛɛn o pembei Kilboa.

1Samiɛl 31:8

Diimandɔɔ, telen Filistia hin le vanvílɛ́iya yaasiaa le ɲɔɔn cɔwviaa-o, má komal Saul nda poaa ndɔa a vílɛ́iya o pembei Kilboa coo.