2Samiɛl 1:16 - BII BILA

¹⁶ Mí David dimi aa: «Nɔm pila cii yaalan, kani a dimi maa nɔm dii masa Mɛlɛka pɔla-o ni. Lelan nɔm pila nuwviaa piɔ́m nɔmndo ni.»

2Samiɛl 1:16 Iomraidhean Croise

2Samiɛl 1:10

Yáà cɔu maa ndóò nɔla lɛ lou yoomu le, mí sɔɔnguu ndu ikɛi, mí siow ndu tɛ̀i. O kon mí cua mɔsil lemasa va ndu o lebol-lo a kelɛi va ndu o ba-e. Nua vɔ í cuu nɔm ɲɛla kalalan.»

2Samiɛl 16:8

Màá Mɛlɛka tuisi nɔm sangaa coo le vanaa n diw o yungu Saul-lo nin-nda! Kani nɔm poonda Saul masalen o ba ni. Lelan Mɛlɛka siinguu Absalɔm po nɔm masa nuaa ni. A ce nihau mɛɛ dɛnɛ palaa tol nɔm coo yɛ? Nɔm, vana diyaa n'vanndo n co ni.»

1Masaa 2:37

Sina pɛngu maa paale n faŋannin ciee nanu mà taŋ pee pɔmbɔɔ Sedrɔn-nden, a co vu ɲinkon. A vi yɛ pɛ mɛɛ nɔm pila nuwviaa piɔ́m kon ni.

SƐBƐ YƆB-O 15:6

O co ya le, sondo nɔm nɔm pilaa yaala nɔm ni. Cɔcɔn nɔmndo vɔvi nɔm ni.

Talelan 6:2

taa luei pɛ bollen o sɔɛi pum nin a tombola nɔmndo, mì nɔm pila handun sɔɛi pum coo a sondo nɔmndo,

Esekiɛl 18:13

mó mal kueo le tɔnɔɔ sɔlaa, mó mal dɔndɔɔ le ndu mingullo a tɔnɔɔ lecoo, vɛ̀ɛ̀ po kon viawnin pá yoomu? O viwnin yoomu le! Le dɛnnda o tosa lan-ndan, o bɛnda mò vi kangalan, ndu pila nuwviaa piɔ́m ndɔ kon ni!

Esekiɛl 33:5

Kani o tuei diom buloo, kɛ o saalan sɔɛi ken te, lelan mɛɛ ndu pila cii yoomu ndɔɔ ni. Kɛ vana tuei pɛ yoongu kon, mò cɛwcɛw milin ndɔɔ, mɛɛ ndu baŋa yoomu ndɔɔ.

Tɔŋ lasálàá 20:16

Te vanalanɔɔ bɛɛ hini pɛ a cɔloo, Israɛlla bɛnda mà dii nda. A bɛnda mà sɔla piɔ́mndo, kani nda pila nuwviaa piɔ́m kon ni.

Tɔŋ lasálàá 20:27

Lelan, te vanapɔnɔɔ, te kon te vanalanɔɔ nɔ pɛ kpaaya o suukan a vanvílɛ́iya-o, te kon te vanndo va pɛ vana mangalaa le suukanndo a vanvílɛ́iya, vanaa nɔ kan kpaaya kon-nda bɛnda mà sɔla piɔ́mndo. Israɛlla bɛnda mà lo vanaa kan viiyo a powtan háá mà vi, kani nda pila nuwviaa piɔ́m kon ni.»

Tɔŋ lasálàá 20:9

Te vanndo mɛna pɛ fuɲa ndɔ, te kon te kala ndɔ, vana mɛna kon-ndo bɛnda mò sɔla piɔ́mndo. Ndu pila nuwviaa piɔ́m ndɔ kon ni, kani o mɛna vanaa velu ndu-a.

Matie 27:25

Mí vannda kpow a muli aa: «Sɔɛi piɔ́m ndɔɔ va naa pila a cuavaa naa coo!»

Luke 19:22

Mí vana ndɔ bɛndoo dimul ndu aa: ‹Nɔm vana baala vɔɔndo ho, i co nɔm iyama kiolɔɔ a sɔɔn fula nɔm pila o sondo-on. A va sinaa maa vana ya co-o, dɛnɛ nuu kendu bɔɔ, maa ɲɛ ya kɛsi loo ndu ya cua ni, ɲɛ ya seŋ too ndu ya koaw ni.

Dɛnnda kiilaa 18:6

Kɛ le mɛɛ Yuifia va ndu simullo ma va ndu yeowlan yɛ, mó koaŋ cundu va o doma ndɔɔ-o, mó dimul nda aa: «Te la sɔla lɛ cindaa le, mɛɛ a niaa pila ken fula ni, o co lɛ sɔɛi ni le co ken te. O hau kɔɔli, o vanaa co N'Yuifi le-a lo ya co lakɔ ni.»

Dɛnnda kiilaa 20:26

Lelan, mì dimul niaa hau toɲaa, te vana pilɛ o niaa tɛɛn mal pɛ nɛiyo, o ve lɛnin sɔɛi ni le.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Tɔŋ miingua 19:10

O kon vana venin vanaa tɛɛmbuu isɔɔ le-a diyɔɔ o lɛŋnde Mɛlɛka Hala niaa ke niaa kɛ́ɔ len nin te, yɔŋii sɔɛi piɔ́m vanaa vaa lende hel niaa o lebol.

Yosue 2:19

Vana-vana fula pɛ o nɔm ndo cɛinin le kɔlan o bɛ́ɛ̀, mɛɛ ndu pila nuwviaa piɔ́m ndɔɔ ni, naa n sɔlanin yaala le. Kɛ vana-vana lo pɛ o nɔm ndo cɛinin mi n yɔŋ ndu ɲɛ, mɛɛ kooma vana kon ma delnin naa o lebol.

Masaa kialaa n'yamaa 9:24

Mí vana-vana o nda tɛɛn o sɔla sala dɛnɛ vɔɔn o tosa-o: Abimelɛk ndu, le diyɔɔ o dii puapilɛa ndɔa-o, poaa belaŋɔmmɛvaa Yerubaal-la pɛɛn. Sikɛmnda nda nda, le tùú nda sim Abimelɛk kɔɔli le puapilɛa ndɔa diwvo-o.

1Samiɛl 25:39

David tueyɔɔ maa Nabal vi, mó dimi aa: «I mel Mɛlɛka balika le tùú o lɔɔnun ibuŋ le ya, mó mingi màá nuu le bɛ̀ɛ̀la Nabal tɛɛmbuu ya lan-ndo. O cɛl mì tosa dɛnɛ vɔɔn te, mó tuisi Nabal pila kɔlvesɛi ndɔ ndu pilaa coo.» Mí David viam kiilaa o Abikail lo le ndu kaolaa mò siŋnun laa ndɔ.

1Samiɛl 26:9

Kɛ mí David mulul Abisai aa: «Dii ndu le! A sina pá maa vana-vana hol pɛ masa Mɛlɛka pɔla-o baa, vana kon sɔla sangaa?»