2Korɛntea 7:4 - BII BILA

⁴ I laalan niaa taw, nduyɛ i nɔla mì kelu yongaa a niaa o kɔɔ. I co ɲɔɔloo sɔlaa o sangalan nin kpow, i co a kɔlkɛndɛ bɛndoo.

2Korɛntea 7:4 Iomraidhean Croise

Dɛnnda kiilaa 5:41

Mí kiilaa faŋan vanaa kialaa n'yamaa o hɔl a ɲaaloo taw le tùú Hala cɛl má sɔla sangaa o diola Yeesu lan-ndo.

Rɔmnda 5:3

Hiovɔɔ o kon coo, hali n co bɛɛ o sangaa nin, n nɔla mì n kuundian, kani n sinà maa o sangaa nin biuvɔnndo fulà ni,

1Korɛntea 1:4

I co Hala balikaa mello lɔ́ɔ́-lɔ́ɔ̀ le kɛndɛi ndɔɛi, i yɔngun niaa o Yeesu Krista nin-nde.

2Korɛntea 1:4

O co naa ɲɔɔloo o sangala naalan kpow nin, haliko mi naa bɛɛ n tiwba vanaa co o sangala súú-súù ka nin-nda ɲɔɔloo a ɲɔɔlu naa pila n sɔla ndu o ba-o.

2Korɛntea 10:8

Kani hali i lisan bɛɛ ɲɛ-pɔmbɔ le kpaaya Mɛlɛka yɔngu naa le niaa yoomuan lueiyo-o, o co le niaa tɛɛmbuu le, siɛmbula biinin ya le ken te.

2Korɛntea 11:21

Siɛmbulan la co ya le hee dimio ni, n yɔŋnun bɔɔ vanaa yoomuma lepɛŋ. Nduyɛ, te vana tɔɔndan pɛ le vana pila kuundianndo, mɛɛ ya bɛɛ i co tɔɔndan. A diɔmii nii ya co hee dimio ni.

2Korɛntea 2:14

Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

2Korɛntea 3:12

Le tùú naa n tiindan kon-ndo naa n nɔ kɔlkɛsiaa ɲɛkɛndɛi ni.

2Korɛntea 7:14

I lisan bɛɛ ɲɛ-pɔmbɔ ndu o hɔl a niaa o kɔɔ, siɛmbula bii ya le. Maa mɛɛ naa n dimul niaa dɛnndan kpow a toɲaa-e, mí lisan naa n lisan Tite o hɔl-lo siŋnun toɲaa.

2Korɛntea 8:24

Lelan, la cɔm nda kaola kpeekpeiyo a kɔlɔ naa n co yongaa sɔɛi a niaa o kɔɔ-o, o kon mì kundala vanaa laalannda ce.

Filipea 1:14

Vanaa bɔɔ-bɔɔ o vanaa laalannda tɛɛn a sɔla laalanndo ɲɛkɛndɛi le cɔ nda co ya o kaasoo-o. Nduyɛ, a co cɔɔloo yoomuan sɔlaa le vannda sɔɛi Hala-e dimullo, o co a isióón te.

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

Filipea 1:26

O kon i muungu pɛ niaa tɛɛn, la sɔla yoomuma sɛnɛi, la lɔɔnun vɛlɛ ibuŋ le ya o Krista nin.

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Kolɔsea 1:24

Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.

1Tesalonikea 2:19

Kani niaa naa n tiindan ni, o niaa nin naa n dɔawnun ɲaale ni. Telen Maalii Yeesu hunnin-ndo, niaa vanin tɔɔmasele cɔ̀m maa n nɔla-o ni.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

2Tesalonikea 1:4

Lelan naa n co lisanndo a niaa o lasondo o kundala vanaa laalannda tɛɛn ni, kani la co kindinndo o laalanndo nin, o yɛle tolaalen nin a o tɔɔndannda niaa co sɔlaa lan nin.

Filemɔn 1:7

Puapilɛ nuu, i dɔwnun ɲaale taw mí sɔla yoomuan a kaola nɔmndo, kani a tosa mí vanaa laalannda ɲulul kɔltan.

Nsaki 1:2

Puapilɛa nia, la cɔ̀ tɔɔndannda niaa co keiyo nin-ndan kpow maa dɛnɛ kɔlkɛndɛ bɛndu,