2Korɛntea 7:1 - BII BILA

¹ Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

2Korɛntea 7:1 Iomraidhean Croise

2Dɛnnda lemasalan 19:9

Mó dimul nda aa: «La ke Mɛlɛka bɛɛlen mì la tosa dɛnndan a toɲaa a kɔlta niaalan kpow.

Condii lisai 119:9

Vɛɛ nɛ langbanɔ felengoo looku yɛ mo va o diandaa nɔm Mɛlɛka o hɔl? Mɛɛ mo bii sɔɛi nɔmnde.

Condii lisai 19:9

Silala Mɛlɛka lan la sandu, la yɔ̀ngu vana ɲaaloo o kɔl. Tɔŋnda Mɛlɛka lan la dendu, la mala vana le dɛnndan cɔu ɲɛkɛndɛi.

Condii lisai 51:10

Tosa mì tuei condun kponyon a condun kɔlkɛndɔn. O kon mì dɔwnun ɲaale, ya vana n yimi hoo paalan-ndo.

Talelan 16:6

Vana nɔla biondɔnndo toosiaa a vanakɛndɛyɛi a á sakpoyɛi. A siòòŋii Mɛlɛka-e vana nɔla dɛnɛ vɔɔndo kpakpalaa.

Talelan 20:9

Nɛ̀ɛ́ tiw yɛ ba mò dimi aa: «I dindi kɔl nuu valan, i dendu, haki oo haki co ya le»?

Talelan 30:12

Vanaa pum a yiyan maa a co a diandaa, nda yɛ a pilun bɛɛ a nɔɔla co nda-o le.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Vana Kɔlkaloo 11:10

Lelan, faŋan dɛnɛ palaa o kɔl, má faŋan dɛnnda vɔɔnndan o n'dial. Kani sanga fondoo fúú felengiyɛi a dialun fulan ifelengiyan co ni.»

Esai 1:16

Le hee, la pulun few-few mì la dindin, la faŋa kɔlvesɛi niaa co tosaa o dɛnnda niaalan nin-ndo ya o hɔl. La pɛngi dɛnɛ vɔɔndo tosaa.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Yeremi 13:27

I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Tɔŋ lasálàá 13:58

Te sɔŋ vaa lende fula pɛ o volɔɔ cuɛinanndo coo, o va o volɔɔ toosian a funnden-ndo coo, te kon te o ɲɛ toosian a yáw visio-o coo, mà tɔɔ volɔɔ kon mì sɔŋ kon faŋan, fɔ mà tɔɔ ndu vɛlɛ tɔɔ diinndɔɔ haliko mo siŋnun volɔɔ diandaa.»

Matie 12:33

«Yɔm oo yɔm naŋ pɛ, naŋɔɔ komɔɔ ndɔɔ naŋ ni, te kon te yɔmndo vɔw pɛ, vɔwlen komɔɔ ndɔɔ bɛɛ vɔw ni, kani o komɔɔ lo vana sina yɔmndo ni.

Matie 5:48

Lelan, niaa la peelun mɛɛ fuɲa niaa co o halataala-o peelun yɛ.»

Matie 5:8

Dɛnɛ kɛndɔɔ co le vanaa dendu kɔltan-nda, kani a canin Hala.

Dɛnnda kiilaa 9:31

O kon mí vanaa Krista-aa va Yuda, Kalile a Samari-a kpow sɔla kɔlɲuloo. Mí Hala Kɔl-Diandaa tosa má sɔla yoomuan, má hindu, a va kelaa o nɛila Mɛlɛka lan coo.

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

1Korɛntea 6:20

Hala pendu niaa a vɔngu bɛndoo ni. Lelan la biilu ndu a dialun nian a á kɔlta niaalan.

2Korɛntea 1:20

Kani Yeesu co Oi peelu kpemala Hala lan kpow-vo ni. Lelan, o ndu nin naa n dimi ni aa: «Amiina», mì Hala sɔla biiloo.

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

1Tesalonikea 3:13

Màá o luei kɔlta niaalan yoomuan mì la siŋnun vanaa diandaa a vanaa nɔ isɔw le-a Hala fuɲaa o hɔl telen Maalii Yeesu hunnin a vanaa ndɔa diandaa kpow-vo!

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.

Hebreea 12:28

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

Hebreea 4:1

Hala cii naa dimul maa n luɛinin o pɛngi o toosial naa-o nin. Lelan n mandan taw, vana-vana o niaa tɛɛn bɛnda mò lo kɔɔli le luɛyɔɔ o pɛngi kon nin te.

Hebreea 6:9

Kɛ nduyɛ puapilɛa nia, n co bɛɛ dimio lende, kɛ n laalan maa la co o nɛi kɛndɔɔ coo, nɛi cindaa pɛɛn.

Nsaki 4:8

La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

1Piɛr 1:15

Kɛ mɛɛ vana veelu niaa-o co o diandaa yɛ, niaa bɛɛ la va a diandaa lende o kela niaa nin kpede.

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.