2Korɛntea 4:3 - BII BILA

³ Te Yoongu kɛndɛ naa co vɔ pɛ o viannanndo, mɛɛ le vanaa co kɔlan o lou nin-nda o co lende ni,

2Korɛntea 4:3 Iomraidhean Croise

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

1Korɛntea 1:18

Kani sɔɛi Krista vi o yɔm singafilaa coo-e, diɔmnde i co le vanaa co kɔlan o ɲɛ palaa fɛɛn-fɛɛndo nin-nda ni, kɛ le naa vanaa sɔla cindaa-a, kpaaya Hala-o i co ni.

1Korɛntea 2:6

Nduyɛ, kɔlkaloo naa n co niaa vanaa sínà sɔɛi Hala-e-a pɛɛkoo ni, o co kɔlkalu ceendo ho le, o co vɛlɛ kɔlkalu masaa ceenda haa sunsun te, a co kan hunɔɔ itambu-a.

2Korɛntea 2:12

Lɔ́ɔ́ ya tiiya Troas le vannda Yoongu kɛndɛ Krista-o tiiyallo-o, mí Maalii kumbil-la dioo vakpa le baalaa tosaa.

2Korɛntea 3:14

Kɛ mí dɛnɛ sinaa ndaa laasian. Kani háá paalen nden hau, a va pɛ kpema paandoo dimio, kola vaan-vaan pilɛ kon co lon. O feŋan te, kani o Yeesu Krista nin kínɛí kola kon nɔla mò faŋan ni.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

1Timote 1:11

Pɛɛku kalaa co o Yoongu kɛndɔɔ nin, ó yɔngùn ya fulaa Hala biiloo bɛnda-o o ba-o.