2Korɛntea 4:1 - BII BILA

¹ Lelan, le tùú Mɛlɛka tuinun naa iɲíí, mó ke naa vallo ho le tosaa-o, n vunnun n'dial te.

2Korɛntea 4:1 Iomraidhean Croise

Esai 40:30

Poambɔa kpasua sanga ma vi diallon, hali vanaa hiow dɛnndan caa-a a nɔla mà del lɔ́ɔ́ lepum,

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Yeremi 45:3

A co dimio aa: ‹I kɔndu dɛnɛ fɔ́! I va o sangaa nin mí Mɛlɛka handu ya vɛlɛ mɔnɛi celen coo. I co sangaa koŋullo, kɛ i co pɛngi sɔla le.›

Luke 18:1

Mí Yeesu dimul kaandeŋaa ndɔa taloo le nda cɔmndo maa o bɛnda mà va Hala piɛiyo lɔ́ɔ́-lɔ́ɔ̀, maa a vu n'dial te.

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.

1Korɛntea 7:25

Le felengia sínà vɔ dɛnɛ vanapɔnɔ le-a yɛ, Maalii dimul-la isɔɔ a nda o kɔɔ le, kɛ yiyan nuu ya co dimi ni, ya Mɛlɛka ce ho ɲia mó siinguu ya vana o nɔla mò tiindan-ndo-o pɛɛn.

2Korɛntea 3:12

Le tùú naa n tiindan kon-ndo naa n nɔ kɔlkɛsiaa ɲɛkɛndɛi ni.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

2Korɛntea 4:16

Lelan, n vunnun n'dial te. Dialun naan ivanacieeyan n va bɛɛ tambei o pɔm-pɔmbɔ, kɔl naa ndu bɛnda mò va muungoo o sɛnɛi lepalaa-lepala.

2Korɛntea 5:18

Hala pila o ba kon kpow fula ni, o mingi naa diom pilɛ naa ndaa o Krista nin, mó ke vɛlɛ naa vallo le diom pilɔɔ mingio ndu Hala a vannda tɛɛn-ndo.

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Efɛsea 3:13

Lelan, i co niaa tɛɛlɔn, la vu n'dial le sanga ya co sɔlaa le niaa-o le, biilu niaa co kon ni.

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

2Tesalonikea 3:13

Niaa yɛ puapilɛa naa, la sangà a dɛnɛ kɛndɔɔ tosaa le.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

Hebreea 12:3

La yiyan ndɔ, mí vanaa lahakia simul ndu. Kɛ mó biwnun. Lelan, la vu n'dial te.

1Piɛr 2:10

Niaa ve paandu vanaa ndɔ le, kɛ hau nin, la siŋnun yungu Hala-o, ɲíí ve paandu le niaa le, kɛ hau nin la sɔla ɲííye tuinɔnndo.

Dɛnnda cɔɔmuanndan 2:3

Vana biwnanndo n co ni, a yulu sangaa le diola nilan, a vi n'dial te.