2Korɛntea 3:3 - BII BILA

³ La co cɔmndo maa sɛbɛ fula Krista o ba-o niaa co ni, o fula o baala naa nin-ndo pɛɛn. O sɛvan a malankili le, kɛ a Kɔl-Diandaa Hala nɔ yoomoo o ba-o. O sɛvan o powta yɛ́ndɛ́lan coo le, kɛ vanndacieea o lakɔl.

2Korɛntea 3:3 Iomraidhean Croise

Condii lisai 40:8

O kon mí dimi aa: «Má cè ya! Ya pila i hin o nɔm ndo. I saalun ɲɛ ya bɛnda le tosaa-o o sɛvaa o sɛbɛ simbulaa nin.»

Condii lisai 42:2

Òó Hala! Mɛɛ kial kolɔɔ bii-o yeema mɛmma pee pɔmbɔan nuaa yɛ, lende koni ya co nɔm yeemaa ni.

Condii lisai 84:2

Éé Mɛlɛka-Nɔ-Kpaayaa-Kpow-vo, i kaola bɔɔ cɛi nɔmndo!

Fulaa 24:12

Mí Mɛlɛka dimul Moise aa: «Hel nɛɛ ya co o pembei coo nanu-a ma sim nanu. I co nɔm powta yɛ́ndɛ́la ya sɛva tɔŋndan a silalan coo lan yɔngu, haliko ma kɔ pɛɛku vannda lan.»

Fulaa 31:18

Mɛɛ Mɛlɛka cii Moise sɔɔn mun dimul o pembei Sinai coo, mó yɔngu ndu powta yɛ́ndɛ́la kpemalan tan tiɔn, powta yɛ́ndɛ́la ndu Hala pila sɛva coo a suei ndɔɛi lan pɛɛn.

Fulaa 32:15

Mí Moise faŋan o pembei coo, mó toal, powta yɛ́ndɛ́la tiɔnnda kpemalan la va ndu o ba. Sɛvaa va o powta yɛ́ndɛ́la lan nin a o kɔɔ, sɛvaa va o kpengun miuŋun pow oo pow.

Fulaa 34:1

Mí Mɛlɛka dimul Moise aa: «Nɔm pila siɔl powta yɛ́ndɛ́lan tan tiɔn maa lataselan, mì sɛva sɔɔn va n'sɛvaa o latasela n pesi lan coo-on lecoo.

Talelan 3:3

Sakpoyɛi a toɲaa bɛnda mì la fáŋàn o kela nɔmndo nin te, yiinun ndan o labolo, sɛva lan o pɛngɛi kɔl nɔmndo coo.

Talelan 7:3

Yiinun ndan o n'su ma sɛva lan o pɛngɛi kɔl nɔmndo coo.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Yeremi 17:1

«Haki Yudaa co mɛɛ vana sɛva sɔɛi pum a tuɛndɔɔ, te kon te a pɔɔndɔɛi diamannde yɛ. O co nda o sɛvaa o lakɔl a o kpɛ̀ɛ́n fondala-loamaa-lasálàlan coo.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Esekiɛl 11:19

I yɔngunin niaa kɔl pilɔɔ. I vownin yiyan sɛnɛiyo nia nin. I solinin kɔl co niaa nin o kala kpoke maa pow-vo, mì yɔngu niaa kɔl n'diallo,

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

2Korɛntea 3:7

Sɔɔn tɔŋun mun n va n sɛvaa o powta yɛ́ndɛ́lan coo, Moise va baala tɔŋ kon tosaa, tɔŋ yɔngu kon vana piɔ́mndo sɔlaa-o pɛɛn. Mí hɔlaa ndɔa a deŋi deŋio pila, cuavaa Israɛlla a tiwba ndu tofaa le biilu va kon hiownɔn-ndo le. Nduyɛ, le telen bingi koni biilu kon va ni. Te tɔŋ dii kon vana-o deŋi pɛ deŋi vaa lende,

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Hebreea 10:16

«Mɛlɛka dimi aa kpema ya yiinin a nda o palɛi ken kɔɔli-o co hoo ni: I vownin tɔŋnda nilan nda nin, mì sɛva nda lan o lakɔl.»

Hebreea 8:10

Kani kpema va naa tɛɛn naa cuavaa Israɛlla-o va hoo ni aa: ‹Palɛi ken hiow pɛ, i vownin tɔŋnda nilan nda nin, mì sɛva vɛlɛ lan nda o lakɔl. I vanin Hala ndaa, mì nda va vanaa nia.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Yosue 3:10

Mɛɛ niaa sinanin maa Hala kiyɛiyo co niaa tɛɛn, maa ndu toawnin Kanannda, Hitiia, Heviia, Perisiia, Amoriia a Yebusiia niaa laci ni yɛ co hoo ni.

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

Dɛnnda cɔɔmuanndan 2:12

«Sɛval mɛlɛkanɔɔ vanaa laalannda Pɛrkam aa: ‹Ɲɛ vana nɔ mɔɛi cɔvii sondola tiɔɔŋii cɛɛŋɛi o ba-o dimi-o co hoo ni aa:

Dɛnnda cɔɔmuanndan 2:18

«Sɛval mɛlɛkanɔ vanaa laalannda Tiatir aa: ‹Ɲɛ Po Hala-o, o nɔ hɔltan maa yinnde biyaa, mì pelon va ndu volio maa n'daɲa-o dimi-o co hoo ni aa:

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Dɛnnda cɔɔmuanndan 3:22

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.›»

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»