O kon mì la kɛsi ndu vanaa fondoa nda ŋiɔn laci, mì vanaa kan ɲiinduu ndu còòlan coo aa o dimi sɔɔn tanan a Hala a á masaa. O kon kɔɔli, la soli ndu o cieo kɔɔli, la kɔ vii ndu a powtan háá mo vi.»
Mí vanaa fondoa ŋiɔŋaa kan hun sim Nabɔt o hɔl, má kandu ndu sɔɔn ɲiinduuo coo vannda kpow o hɔl aa: «Nabɔt dimi sɔɔn tanan a Hala a á masaa!» Má kɔa a ndu o cieo kɔɔli, má vii ndu a powtan, mó vu.
Te vanndo dii pɛ vanacieo, fɔ mì seiya taw a tɛnda fɔlɔn seilen malan vana dii kon vanacieo-vo sɔla piɔ́mndo. Seiyo ndu pilɛ bɛnda mò tɛnda seilen mì vana kelu yamɛi vana dii kon vanacieo-vo le ndu diyɔɔ le.
I cii nin bɛɛndian le niaa kɔlan yilɔɔ, kɔla yàándɔlan la vanin ndan ni. I venin o ba vana bɛngu le. Kani o co bolofaa niaa le ya co nuwviaa le, kɛ niaa pila. Kani, o co cuawva le a cuungiaa volion le kala-ncuawva le, kɛ kala-ncuawva a cuungiaa mun le cuavaa ndaa ni.
«Seile seiyo ndu pilɛ timbi len le tiw le vanndo yaalaa le tɛɛmbuu oo tɛɛmbuu, te kon te le haki oo haki le. Fɔ mi seiya a ŋiɔn, te kon te a yaa a timbi seilen malan yamɛi kialun.