3 Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.
Kɛwvo ndóò hiow visia yondoa Mɛlɛka Hala cɔw-va kpow kɔlkalu vɔɔndo ni. Mó ɲuna vanalanɔɔ aa: «Bàà nuaa Hala dimul niaa ni aa niaa dia kɔmnde yɔmii co o nakɔɔ ho nin-nde le?»
Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.
Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.
Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.
Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.
Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.
Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.
O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.
Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.
La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.
Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.
La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.
Kɛ niaa vanaa hɛnan ya-a, la sina nin sɔɔn mun, la va o lapɔɛɛnɔn nin te, yɔŋii niaa del vanaa sina Hala le-a kɔɔli, mì la sungun o foofo kɛndɛ niaa sim-ndo.
Niaa cuaambɔa hɛnan ya-a, telen mɛɛlaa naa n co nuaa ni, maa mɛɛ niaa tuei maa yaamɔɔ Krista-o co hunɔɔ yɛ, la sínà maa yaamɔaa Krista-a co nin sɛ́lɛ́, ken cɔm naa ni maa telen mɛɛlaa tiiya.
Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.
Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.
Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.