2Korɛntea 10:7 - BII BILA

⁷ Mɛɛ niaa co dɛnndan cɔw yɛ niaa co lan biyɔɔ ni. Te vanndo laalan pɛ maa le Krista o co ni, mɛɛ mò sínà maa naa bɛɛ le Krista naa n co ni.

2Korɛntea 10:7 Iomraidhean Croise

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Nsaŋ 7:24

La kialu yamɛi le kiolɔɔ lan te, kɛ la va pɛ yamɛi kiolɔɔ, la kiolu yamɛi sandɛi sakpo.»

1Korɛntea 1:12

Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»

1Korɛntea 14:37

Te vana pum cennun pɛ maa vana-tɛɛngaa-diom Hala-o o co ni, te kon te maa Kɔl Hala-o cɔm ndu dɛnɔɔ pum, mɛɛ mò sina maa tɔŋ Mɛlɛka-o sɔɔn ya co niaa sɛvallo-on n co ni.

1Korɛntea 15:23

Kɛ vannda a pilɛn-pilɛnnda a hunnin o polalen. Krista co vana tasoo ni. O ndu kɔɔli, vanaa vanin a ndɔa lɔ́ɔ́ o hunnin-ndo-a.

1Korɛntea 3:23

Kɛ niaa niaa, le Krista niaa co ni, mì Krista ndu va o Hala-o.

1Korɛntea 9:1

Vɛ̀ɛ̀ o co o ba nuu coo le ya co le? Vɛ̀ɛ̀ o co kiilaa le ya co le? Vɛ̀ɛ̀ i ci Maalii naa Yeesu le? Vɛ̀ɛ̀ o co niaa le co tɔnɔ vali fula o baala ya tosa le Maalii naa-o nin-ndo le?

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

2Korɛntea 11:18

Le mɛɛ vannda taw a co kuundianndo o falon nin yɛ, ya bɛɛ i kuundiannin o falon nin.

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

2Korɛntea 12:11

Maa vana kindu kɔl too ya va sɔɛi ni, kɛ niaa yɔŋ ken ni. Nduyɛ, oo bɛnda mì niáà soo le ya. Kani o va bɛɛ aa i co ɲɛ-ɲɛ le, i hiw kiilaa niaa latɔ́ɔ́-tɔ́ɔ́a dɔɔnanndo le.

2Korɛntea 13:3

Kani la co tɔɔmaseloo nuwviaa ya o n'dial le sinaa te Krista co sɔɛi ya nin ni. Krista vi n'dial niaa o hɔl te, kɛ o co kpaaya ndɔɔ cɔmndo niaa nin.

2Korɛntea 5:12

O co sɔɛi nɛi naa pila le naa n hin niaa vɛlɛ cɔm, haliko mi la bii naa biyɔɔ kɛndɛ le, kɛ le niaa fɛɛlɔɔ yɔngoo haliko mi la kelu yongaa a naa o kɔɔ, o kon la tiwnin ba mi la mulul vanaa tofa haa vanndo hɔlla, kɛ a sínà ɲɛ co ndu o kɔl-lo le-a.

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

1Nsaŋ 4:6

Kɛ naa, Hala nɔ naa ni. Nilan vana sínà Hala-o yaŋ naa ni. Vana co le Hala loo, ndu yeŋ naa lani le. O kon naa n sínà hiyan co Kɔl toɲaa a kɔl luei vana o pɔwlan nin-ndo ni.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»