2Korɛntea 10:4 - BII BILA

⁴ Kani ɲɛm cɔvun naa n co cɔlɔbaa-on n co ɲɛm cɔvun n'vanndaciee le. Kɛ ɲɛm cɔvun kpaayan Hala yɔngu-on n co ni, n vana tɛɛmbuu fondala mayoomulan-ndon. Naa n co vanaa co tùúla fondolan tɛɛmbuuo-a ni.

2Korɛntea 10:4 Iomraidhean Croise

Condii lisai 110:2

Mɛlɛka tondunin masale nɔmnden cɔnɔnndo Siɔn, a tosanin masalen yaamɔaa nɔmaa balu nɔm-nda coo.

Esai 30:25

O paale diuvaa n'vanndacieele bɛndulen coo, paale cɛila coocoola vilɛilan la koombiaanin-nden, peelan la vanin a mɛnndan taw o pembun bɛndon a o pembun pɔmbɔn coo.

Yeremi 1:10

I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

Yeremi 23:29

Sɔɛi fula Mɛlɛka o sondo-e co hee ni aa: Maa leyin sɔɛi nii co ni, maa kunduva pesipesi pow bandíláà-o.

Dɛnnda kiilaa 7:22

O kon mí Moise pɛɛku dɛnɛ sinaa Esiptea kpow, mó siŋnun vana kpaayaa o sɔɔn ndɔn a o dɛnnda ndɔlan nin.

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

1Korɛntea 2:5

haliko la kɛsi laalan niaa o kɔlkalu ivanacieeya coo le, kɛ mì la laalan kpaaya Hala-o.

1Korɛntea 9:7

Nɛ̀ɛ́ sala yɛ saravusoo le vali o co tosaa lenin-ndo? Nɛ̀ɛ́ tɔal-lɛ nakɔ n'rɛsɛnndo mò kɛɛ kɔmnde ndɔlen dio? Nɛ̀ɛ́ manda yɛ cɔlua mò kɛɛ nɔnɔma ndan kolɔɔ?

2Korɛntea 10:8

Kani hali i lisan bɛɛ ɲɛ-pɔmbɔ le kpaaya Mɛlɛka yɔngu naa le niaa yoomuan lueiyo-o, o co le niaa tɛɛmbuu le, siɛmbula biinin ya le ken te.

2Korɛntea 13:10

I co niaa sɛbɔɔ ho sɛval a hɔlta kalalan, haliko lɔ́ɔ́ ya kɔanin o niaa lo-o, i soaa o niaa lo a hɔlta kala le kpaaya Mɛlɛka ke ya-o le. Kani kpaaya kon, le kunda niaa hivio laci o co ni, kɛ o co le ndu tɛɛmbuu le.

2Korɛntea 3:5

N tiwva mi dimi le maa naa pila co vallo ho tosaa ni, kɛ Hala o ba o co fulaa ni.

2Korɛntea 4:7

Kɛ naa nɔ ɲɛ-sɔlaa kɔl kon-nda co macoaa maa kpɛɛnɛn puulu. Haliko mi vana sínà maa Hala o ba kpaaya bɛndu kon fula ni, o co naa o ba le.

2Korɛntea 6:7

a sɔɔn toɲan vannda dimullo a o kpaaya Hala-o nin. A sɔɔn dɛnɛ sandan naa n co vannda cɔlɔbaa ni, mì n va vɛlɛ cɛvɔnndo a mun.

1Tesalonikea 5:8

Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.

1Timote 1:18

Po nuu Timote, i co nɔm sɔɔn mun pɛɛkoo mɛɛ sɔɔn siɔdii laci-on n dimin paandu a nɔm o kɔɔ yɛ, haliko ma cɔlɔba cɔlɔba kɛndɔɔ,

2Timote 2:3

N sàngà latulu mɛɛ vana cɔw kɛndɛ Yeesu Krista-o sàngà nuaa yɛ.

Hebreea 11:30

Israɛlla ndáà laalan Hala. O kon ndáà balɔɔ Yeriko palɛi ndii ŋɔmmɛw, mí kpaki kobio komba.

Yosue 6:20

Mɛɛ vannda yonda yonda cɔwvo, mí bululan la hɔŋnun, mí kpakio komba. Fɔ́ɔ́fɔ̀, mí vana-vana kɔa ndu pila laci sanaa, mí Israɛlla luɛi ciee, má kɔ bii kobio.