2Korɛntea 10:12 - BII BILA

¹² Kani n tɔɔndan bɛɛ le siimanndo, te kon te le tuwvanndo a vanaa nɔ yiyannda vaa lende-a a pum te. A co kan nda pila cuannɔnndo maa ɲɛ tuvaa-a, nda pilaa tɛɛn nda co tuuŋanndan ni. Diɔmnda nda co ni.

2Korɛntea 10:12 Iomraidhean Croise

SƐBƐ YƆB-O 12:2

«I co toɲa maa niaa o ba dɛnɛ sinaa kpede co ni, lɔ́ɔ́ niaa vunin-ndo, kɔlkaloo bɛɛ ndu vi ɲinkon.

Talelan 25:27

O niŋ mì vana hiw lɛan dio le. O niŋ vɛlɛ mì vana hiw bɛɛlen nuwviaa le.

Talelan 26:12

A ce nin vana cennun ndu pila vana kɔlkaloo-o? O co fisa ma tiindan diɔm sondo vesɛiyo a vana vaa lende kɔllo kɛsio coo.

Talelan 27:2

Vanaa celen naŋ mà sangala nɔm ni, kɛ o va nɔm pila le, o co fisa mì vana celen lisa nɔm.

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

Rɔmnda 15:18

Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken

2Korɛntea 10:11

Mɛɛ mì vanaa co dimi kon lende-a sínà maa mɛɛ naa n soaa o sɛbɛla naalan nin n ve niaa tɛɛn te yɛ, lende koni naa n kɔ vanin vɛlɛ niaa tɛɛn o dɛnndan nin ni.

2Korɛntea 10:18

Kani o co vana lisàn haliko mi vannda a bii ndu biyɔɔ kɛndɔɔ-o le Mɛlɛka cɛl te, fɔ vana ndu Mɛlɛka lisa-o.

2Korɛntea 3:1

Bàà le sɔɛi nɛi naa pilɛi vannda cɔmndo haliko ma caa naa biyɔɔ naa n co kindinndo ni? Te kon te vɛ̀ɛ̀ makoo naa n nɔ maa vanaa pum le niaa sɛbɛlan yoo a naa pila o kɔɔ mà caa naa biyɔɔ, te kon te le niaa sɛbɛla vaa lende ɲunaa naa n co kindinndo ni?

2Korɛntea 5:12

O co sɔɛi nɛi naa pila le naa n hin niaa vɛlɛ cɔm, haliko mi la bii naa biyɔɔ kɛndɛ le, kɛ le niaa fɛɛlɔɔ yɔngoo haliko mi la kelu yongaa a naa o kɔɔ, o kon la tiwnin ba mi la mulul vanaa tofa haa vanndo hɔlla, kɛ a sínà ɲɛ co ndu o kɔl-lo le-a.