2Korɛntea 1:4 - BII BILA

⁴ O co naa ɲɔɔloo o sangala naalan kpow nin, haliko mi naa bɛɛ n tiwba vanaa co o sangala súú-súù ka nin-nda ɲɔɔloo a ɲɔɔlu naa pila n sɔla ndu o ba-o.

2Korɛntea 1:4 Iomraidhean Croise

Condii lisai 32:5

O kon kɔɔli, mí sɔlɔlan haki nuu, i vin tɛɛmbuu nuu le. Mí dimi aa: «I co hakila nilan sɔlalan Mɛlɛka o hɔl». Ɛ̀ɛ̀ nduyɛ, má mal-la haki le tɛɛmbuula nilan.

Condii lisai 32:7

Nɔm co nɛɛ nia viannannda ni, nɔm co ya kandaa a buulannda nilan ni. I solinin condon le baŋa n baŋa ya-o.

Condii lisai 66:16

Niaa vanaa nɔ siòòŋii Hala-e-a kpow, la hun mì la yaŋnun, mì dimul niaa ɲɛ ndu Hala tosal-la-o.

Condii lisai 86:17

Cɔm ya tɔɔmasele nɔmndo, mì yaamɔaa nia kpow a ce, mì siɛmbulan la bii nda, kani nɔm Mɛlɛka mala ya ni, má ɲɔɔlu ya.

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Esai 40:1

Hala niaa dimi aa: La ɲɔɔlu vanaa niaa! La tamala le dɛ!

Esai 49:10

Yima venin nda coo le, bolola vesanin nda le, yelenyelenndo a paalen le saangiaanin nda le, kani vana nɔ ɲíí ndɛi-yo simnin nda laci, o kɔanin a nda o peela leboltan.

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

Esai 52:9

Lelan, niaa bémbélan Yerusalɛm, la vɔnga latulu mì la viow kponyoo a kɔlkɛndɔɔ! Kani Mɛlɛka co vanaa ndɔa ɲɔɔloo, o co Yerusalɛm baŋaa.

Nsaŋ 14:16

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o:

Nsaŋ 14:18

I mɛinin niaa n'víí le, i co niaa muungu o ibuŋ.

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

2Korɛntea 7:13

Lelan naa n sɔla ɲɔɔloo o dɛnndan ndan kpow nin ni. Handɔɔ o kon coo, mí ɲɔɔ hɛnan naa taw le ɲaale Tite dɔwnun a niaa, mó komal naa a kɔlkɛsiaa le biyɔɔ kɛndɛ niaa kpow bii ndu-o.

2Korɛntea 7:4

I laalan niaa taw, nduyɛ i nɔla mì kelu yongaa a niaa o kɔɔ. I co ɲɔɔloo sɔlaa o sangalan nin kpow, i co a kɔlkɛndɛ bɛndoo.

Filipea 1:14

Vanaa bɔɔ-bɔɔ o vanaa laalannda tɛɛn a sɔla laalanndo ɲɛkɛndɛi le cɔ nda co ya o kaasoo-o. Nduyɛ, a co cɔɔloo yoomuan sɔlaa le vannda sɔɛi Hala-e dimullo, o co a isióón te.

1Tesalonikea 4:18

Lelan, la vá yoomuan lueinanndo vellaa-velle a diomndan ndan.

1Tesalonikea 5:11

Lelan, la lueinan yoomuan mì la va kɔltan kennanndo vellaa-velle mɛɛ niaa co tosaa sunsun yɛ.

Hebreea 12:12

Lelan la siɛndi bala niaala sangɛilan, mì la simi vula co niaa ɲiiyaa lan.