1Timote 3:3 - BII BILA

³ o yɔngún mɔiyan te, o va vana lacɔlɔba le, kɛ mò va vana cii sɔngɔlan-ndo a vana kɔlɲuloo. O va vana nɔ hɔlte ɲɛ-sɔlaa-o le.

1Timote 3:3 Iomraidhean Croise

Talelan 1:19

Lende dɛnɛ vanaa yeema ɲɛ-sɔlaa delɔɔcoo-a co ni, ɲɛ-sɔlaa vaa lende cii yoomu vanaa nuwviaa ndu-a ni.»

Talelan 15:27

Vanndo nɔ hɔlte ɲɛ-sɔlaa lakafaa, o tuisi dɛnɛ palaa yungu ndɔɔ coo. Kɛ vana ɲɛ-sɔlaa luɛyɔɔninndo nɛinun pɛ, ndu viow yoomu.

Vana Kɔlkaloo 7:8

Dɛnɔɔ siowvo hiow naŋɔɔ a ndu kandɔɔ, kɔl biuvanndo nɔu co fisa a kɔl yongaa nɔu.

Esai 28:1

Dɛnɛ palaa co le mɔsil lemasa co ɲɛ kuundian vanaa kolaa mamɔiya o tàndá Efraim-ndo nin-ndo. Dɛnɛ palaa co le punga bil kɛndɛ-kɛndɔɔ, o co kon volio ŋɛlɛngi-ŋɛlɛngi o cuɛinɔn ndɔɔ coo-o, punga bil co kon o pembii dɛɛla naŋ tɔlɔɔ-o balu-e coo-o. Dɛnɛ palaa co le niaa vanaa kolaa mamɔiya!

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Esekiɛl 44:21

Vana-solia-lasálà oo vana-solia-lasálà bɛnda mò kol mɔiyan telen o co va luɛyɔɔ o bɛ́ɛ̀ co lenin-ndo nin te.

Tɔŋ lasálàá 10:9

«Te la va pɛ le luɛyɔɔ o cɛi-kola-toandaa-labɔɔŋianndo nin, nɔm a poaa nɔmnda, la bɛnda mì la kol mɔiyan te, nduyɛ la bɛnda mì la kol ɲɛ-ɲɛ hiŋ vana hɔlla le, yɔŋii niaa sɔla piɔ́mndo. Silaa co hoo le niaa pila a le cuavaa niaa imamaa le fɛɛn a fɛɛn ni.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Matie 21:13

O kon kɔɔli mó dimul nda aa: «O co o sɛvaa aa: ‹Cɛi nuu veelunnin aa Cɛi lepiɛiyo.› Cɛi kon niaa niaa siinguu buulula vuiya nuaa ni.»

Dɛnnda kiilaa 20:33

I fula ɲɛ pila lehɔl te, o va n'voli, te kon te a n'siani, te kon te vɛlɛ a volɔɔ-cuɛinan.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

1Tesalonikea 5:14

N co niaa tɛɛlɔn puapilɛa naa, la kanalan vanaa siɛlɛiya, la luei vanaa nɔ siòònde-a yoomuan, la mala vanaa co o sangaa nin-nda mì la biwnun a vana-vana.

1Timote 3:8

Lende vɛlɛ koni, vanaa baalaa co vannda malaa o kunda vanaa laalannda tɛɛn-nda bɛnda mà va vanaa kennùn bɛɛlen-nda, ma va vanaa toɲaa. A yɔngun mɔiyan te, a va vanaa nuwviaa tɔnɔ lakafa-a le,

2Timote 3:2

Kani vanndacieea kaolannin nda pila, mà kaola volion. A vanin vanaa heelannda, a vanaa yongaa. A vanin sɔɔn tanan dimio a Hala o kɔɔ. A venin sɔɔn vanaa velu nda-a biyɔɔ le, a venin vanaa sinaa ikɛndɛ le, a kenin ɲɛm diandan Hala-on lebɛɛ le.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

Tite 2:3

Pɛɛku vɛlɛ vanlaandua yuuvɛiya, mà va vanaa diandaa o kela ndaa nin. A va vanaa dimi sɔɔn vɔɔnndon-nda le, a yɔngun mɔiyan te. A va vanaa yɔngu silala kɛndɛlan-nda,

Tite 3:2

A dimi dɛnɛ vɔɔn vana-vana le, a va vanaa kɔlta ɲulua a vanaa kɔlta kɛndɛa, mà va vanaa tuisiannda a vannda kpow.

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Nsaki 4:1

Kuɛɛ nɛ sɔngɔlan a cɔlɔbala co niaa tɛɛn-ndan la co yɛ fulaa? Vɛ̀ɛ̀ o co o yeeman co niaa cɔlɔbaa o lakɔl-lon nin te?

1Piɛr 5:2

la manda kunda saa Hala-a, a co niaa o ba bɛngu-a, ò va maa baŋɔɔ le nda baŋ niaa le, kɛ o va a yeemɛi niɛi mɛɛ Hala yeema yɛ. Ò va vɛlɛ a hɔlte ɲɛ-sɔlaa le, kɛ a kɔlkɛndɔɔ.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

1Samiɛl 8:3

Kɛ poaa ndɔa kan ve tosa mɛɛ fuɲa nda va tosaa yɛ le. Nda nda, volion ndáà luɛi hɔlten ni, má va ɲɛm vannda va nda yɔngoo-on biyɔɔ le yaman lacòòvan kiolɔɔ.