1Timote 3:2 - BII BILA

² Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,

1Timote 3:2 Iomraidhean Croise

Esai 56:10

Kpalilaa cumulaa Israɛl, vanaa sumɛiya nda kpow co ni, a bii ɲɛ-ɲɛ bila le. Tunaa boboa kposon nda kpede co ni, a nɔla busɔɔ le, yiyannda lasiɛilan tuŋ la co nda o lakɔl ni, ihini tuŋ nda connun ni, a kaola bɔɔ lɔan dɔɔfɔlɔɔ.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Luke 2:36

Vanalanɔ-tɛɛngaa-diom Hala-o pum va lon, diolan Anɛɛ, cua Panuɛl-lo, fulaa o polale Asɛr len nin. Anɛɛ ndóò yuuva nin taw. Mɛɛ o cal o nɔu o felengiyɛi nin, vɔsilan tan ŋɔmmɛw o kon kɔɔli,

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

1Timote 3:12

Vana co vanaa laalannda malaa-o bɛnda mò nɔ lanɔɔ ndu pilɛ kpé, mo va vana caa cuavaa ndɔa a yungule ndɔlen biyɔɔ-o.

1Timote 3:8

Lende vɛlɛ koni, vanaa baalaa co vannda malaa o kunda vanaa laalannda tɛɛn-nda bɛnda mà va vanaa kennùn bɛɛlen-nda, ma va vanaa toɲaa. A yɔngun mɔiyan te, a va vanaa nuwviaa tɔnɔ lakafa-a le,

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

1Timote 5:22

Keleŋa baa handɔɔ vanndo coo le, luei balan o yɔŋ vɔɔn caanda nin te. Nɔm pila mandan mà va o diandaa.

1Timote 5:9

Le diola vanalanɔ pɔnɔ ndɔ vi-o sɛvaa o diola vanlaandua piaandaa vi-a coo, mɛɛ mò nɔ vɔsilan kandɔɔ belaŋɔmpum. Handɔɔ o kon coo, mò va vana kei vanapɔnɔɔ ndu pilɛ o ba o nɔu-vo,

2Timote 2:24

Nduyɛ vana baala Mɛlɛka-o bɛnda mò va vana lasɔngɔ le. Kɛ o bɛnda mò va vana sɔvɛɔ a vannda kpow, mò tiwba vannda pɛɛkoo, mò va vana biwnun dɛnndan-ndo.

Tite 2:2

Pɛɛku bɛndua yuuvɛiya mà va vanaa tosa dɛnndan tùúlen-nda, vanaa lebɛɛa, vanaa bii kɔltan o dɛnndan nin-nda a vanaa nɔ laalan kpeekpeiyo o kaolaa a o biuvɔnndo nin-nda.

Hebreea 13:2

La pɔɛɛnun le mialla biyɔɔ le, kani o mialla biyɔɔ vanaa pum a yiya mɛlɛkaa ni, a ve sina le.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

1Piɛr 4:9

La va vanaa bii mialla-a vellaa-velle, o va a sɔɔn pɔmbɔ le.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.