1Timote 2:7 - BII BILA

⁷ Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

1Timote 2:7 Iomraidhean Croise

Condii lisai 111:7

Ɲɛ-ɲɛ o tosa pɛ, ndu cɔm maa Mɛlɛka lo o lediom coo-o a Mɛlɛka sandaa o co ni. Silala ndɔlan kpow, silala toɲalan la co ni.

Vana Kɔlkaloo 1:12

«Ya vana kɔlkaloo, i toso masalen Israɛlla coo Yerusalɛm,

Vana Kɔlkaloo 7:27

Mí vana kɔlkaloo dimi aa: ‹I yaasiaa dɛnndan ndan la pilɛn-pilɛn ndan le sinaa kɔlɔ la co tosanndo-o.

Nsaŋ 7:35

Mí Yuifia dimulan aa: «Kuɛɛ o kɔa yɛnin mì n bumba ndu saalɔn? Mo va o Yuifia co a sɛŋiannda Krɛkia tɛɛn-nda lo o kɔanin mo kɔ pɛɛku Krɛkia ni?

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Rɔmnda 10:14

Kɛ vɛ̀ɛ̀ nda veelu yɛnin vana nda laalan too? Vɛ̀ɛ̀ nda laalan yɛnin vana nda tui tɔ́ɔ́ loo? Nduyɛ vɛ̀ɛ̀ nda tuɛi yɛnin ndu tɔ́ɔ́, te o co mì vana yondal nda sɔɛi ndɔɛi le?

Rɔmnda 11:13

I co niaa dimul, niaa co N'Yuifi le-a, maa kiilaa le vanaa co N'Yuifi le-a ya co ni. Lelan, i naŋ kɔl le baala kennun ya kon-ndo.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

1Korɛntea 9:1

Vɛ̀ɛ̀ o co o ba nuu coo le ya co le? Vɛ̀ɛ̀ o co kiilaa le ya co le? Vɛ̀ɛ̀ i ci Maalii naa Yeesu le? Vɛ̀ɛ̀ o co niaa le co tɔnɔ vali fula o baala ya tosa le Maalii naa-o nin-ndo le?

2Korɛntea 11:31

Hala, o co Fuɲaa Maalii naa Yeesu-o, o co vana duaa le fɛɛn a fɛɛn-ndo sínà maa i co lacòòva dimi le.

Kalatea 1:16

mó ca maa o co fisa mò cɔm ya Po ndɔɔ, haliko mi dimi sɔɛi ndɔɛi vanaa co N'Yuifi le-a tɛɛn, fɔ́ɔ́fɔ̀, i ɲuna vanaciee le,

Kalatea 1:20

I ya co niaa hee dimullo-e, toɲaa i co ni, Hala o hɔl, o co lacòò le ya co niaa dimullo le.

Kalatea 2:16

Kɛ nduyɛ, n sínà ndi válán maa o co le dɛnnda tɔŋndan biyɔɔ le vanacieo va vana sandaa le, kɛ le laalan o laalan Yeesu Krista-o. Naa bɛɛ n laalan Yeesu Krista, haliko mi n siŋnun vanaa sandaa le laalan naa laalan Krista-o, kɛ o co le dɛnnda naa n co tosaa o tɔŋndo biyɔɔ nin-ndan te, kani vana-vana sɔlanin sandei le tɔŋnda o co biyɔɔ lan te.

Kalatea 2:9

Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

Kalatea 3:9

Lelan, vanaa laalannda sɔlanin duaa mɛɛ Abraham sɔla duaa le laalanndo yɛ.

2Timote 1:11

Lelan Hala vem ya ni, le vannda Yoongu Kɛndɔɔ dimullo, mì va kiilaa, mì va vɛlɛ vana pɛɛkaa.

2Piɛr 2:5

O mɛi ceen paandoo lon lende le, kɛ mó cuu mɛmma bɛnduan o ceen vanaa ndáà síná Hala le-a coo, fɔ Noe va diom Hala-o yondaa-o kínɛí o kanda ni a vanaa celen nda ŋɔmmɛw.