1Timote 2:5 - BII BILA

⁵ Kani Hala ndu pilɛ kpé co ni, vana toosiaa isɔɔ ndu pilɛ kpé co vɛlɛ Hala a vanndacieea tɛɛn ni, Yeesu Krista pɛɛn.

1Timote 2:5 Iomraidhean Croise

SƐBƐ YƆB-O 9:33

Te ndóò va vɛlɛ pɛ maa vana kialaa n'yamaa pum co, ó nɔla mò handu baa naa coo naa ŋiɔn kpow-vo!

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

Matie 1:1

Diola fuɲaa-mamaa Yeesu Krista, po David-o a po Abraham-ndo-a la co lan ni:

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Luke 14:22

Telen pum hiovɔɔ, mí buɛiyo hun dimul ndu aa: ‹Vana bɛndoo, sɔɔn cuu toosiaa mɛɛ n dimi yɛ, kɛ fondaa lo vɔ vɛlɛ.›

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Rɔmnda 1:3

A Po ndɔɔ o kɔɔ Yoongu kɛndɛ kon soo ni, o velun o falon nin fulaa o polale David len coo-o.

Rɔmnda 10:12

Lelan, hiyan co Yuifia a vanaa co N'Yuifi le-a tɛɛn te. Bau nda kpede, Mɛlɛka pilɔɔ nda nɔ ni, o co vanaa co ndu veeloo-a ɲɛm ndɔn keo-vo.

1Korɛntea 8:4

Le ɲuna niaa ɲuna ya a visin nda solul piɔmnda sálàlan-ndon dioo o kɔɔ-o yɛ, n sínà maa piɔmndo co ɲɛ-ɲɛ o ceendo ho coo le, n sínà vɛlɛ maa Hala ndu pilɛ kpé co ni.

1Korɛntea 8:6

kɛ, le naa naa, n sínà maa Mɛlɛka ndu pilɛ kpé co ni, Hala Fuɲaa, o cɔw ɲɔɔn kpow-vo. Nduyɛ le ndu naa n co yoomu ni. Maalii ndu pilɛ kpé co vɛlɛ ni, Yeesu Krista, o ɲɔɔn kpow n fula o ba-o, le ndu naa n co yoomu ni.

Kalatea 3:20

Nduyɛ vana tɛɛngaa kon co ndu pilɛ le, Hala yɛ, ndu pilɛ kpé co ni.

Efɛsea 4:6

Hala, o co Fuɲaa vanndacieea kpow-vo ndu pilɛ kpé co ni. Ndu nɔ vanndacieea kpow o ba bɛngu ni, o co dɛnndan tosaa o ɲɔɔn kpow nin mò va o ɲɔɔn kpow nin-ndo pɛɛn.

Tɔŋ miingua 6:4

La yaŋ nilan, niaa cuavaa Israɛlla, Mɛlɛka Hala naa ndu pilɛ kpé co Mɛlɛka ni.

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Hebreea 8:6

Kɛ Yeesu ndu, vali ndɔɔ hiow kon, kani ndu co simtɛɛndo le kpema hiow naŋɔɔ-o ni, o yiinun a diomnda hiow naŋɔɔ lan-ndo.

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.

1Nsaŋ 2:1

Cuavaa nia hɛnan ya-a, i co niaa sɔɔn mun sɛval, haliko la tosa haki le. Te vanndo pum tosa yɛ pɛ hakio, n nɔ vana soaa le naa-o o Pua lo, Yeesu Krista vana sandaa pɛɛn.

Dɛnnda cɔɔmuanndan 1:13

ɲɔɔ pum va isisi o ɲɛla-kɛsiaa-lafitinala lan tɛɛn maa vanaciee. Doma va ndu lekɔɔ-o ndóò tol háá o pelon, a yáwle n'sianilen o takpa.