1Timote 2:4 - BII BILA

⁴ o yeema mì vannda kpow a sɔla cindaa, mà bii toɲaa bila.

1Timote 2:4 Iomraidhean Croise

Esai 45:22

Lelan la mulin mì la hin ya o ibuŋ, o kon la sɔlanin cindaa, niaa co o lɛŋnden mɛɛlulan-nda kpow! Kani ya co Hala ni, Hala celen co o ya kɔɔli le.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Esekiɛl 18:23

Vɛ̀ɛ̀ yeemɛi nii co le vana kɔlvesɛiyo vuo ni? Ɛ-ɛ, o co kon te ya yeema le, kɛ i yeema mò mulul nɛi yɔŋ ndɔ vɔɔndo kɔɔ haliko mo va yoomu. Sɔɛi fula Maalii, o co Mɛlɛka-o o sondo-e co ken ni.

Esekiɛl 18:32

Nduyɛ ya, i yeema mi vana co vuo-o vi le. Lelan la mangalan mì la va yoomu.» Sɔɛi fula Maalii, o co Mɛlɛka-o o sondo-e co ken ni.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Habakuk 2:14

Kani vannda sinanin biilu Mɛlɛka-o mò hiow ba,

Matie 28:19

La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa,

Marke 16:15

O kon kɔɔli mó dimul nda aa: «La kɔ o ceendo coo nɛɛ-nɛɛ ka, mì la kɔ yonda Yoongu Kɛndɔɔ o ɲɛm cɔwnun-ndon kpede lo.

Luke 1:77

le vanaa ndɔa pɛɛkoo maa Hala mal nda haki, mà sɔla cindaa.

Luke 14:23

Mí vana bɛndoo dimul ndu vɛlɛ aa: ‹Kɔ o nɛilan a o kungalan demullo, ma baŋ vannda le luɛyɔɔ haliko mi cɛi nuu ho pɛ cá.

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 17:17

Dindi nda a toɲaa: sɔɛi nɔmnde co toɲaa ni.

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

2Timote 2:25

O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa,

2Timote 3:7

Vanlaandua kan a vanin Hala piɛiyo lɔ́ɔ́-lɔ́ɔ̀, kɛ a nɔlanin toɲaa sinaa le.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Tite 2:11

Kani Hala cɔm kɛndɛi ndɔɛi, i yɔngú vannda kpow cindaa-e.

Hebreea 10:26

Kani te n va pɛ hiovɔɔ laci a nila kalulan tosaa o hakilan nin, nduyɛ n sina nin toɲaa, mɛɛ sálà faŋa hakila vaa lende-o co le,

Nsaki 3:14

Kɛ te la nɔ pɛ paŋala vɔɔndo a sɛɛngianndan niaa o lakɔl, mɛɛ la kuundian mì la dimí còòlan a toɲaa o kɔɔ le.

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.

2Nsaŋ 1:1

Ya bɛndu kalaa, i co sɛbɔɔ ho sɛvaa le Vanalanɔ Hala hɛli-o nda cuavaa ndɔa ya kaola o toɲaa nin-nda, o co ko ya le kaola nda le, kɛ vanaa-vanaa sínà toɲaa.

Dɛnnda cɔɔmuanndan 14:6

Mí ca mɛlɛkanɔ celen, o va cɔnɔnndo coocoo o halataalaa tɛɛn, ndóò nɔ Yoongu kɛndɛ fɛɛn-fɛɛndo le vannda dimullo: vanaa co o lɛŋnden coo-a, vanaa fula o lɛŋii yɛ́-yɛ́i nin-nda, vanaa fula o lepola oo lepola coo-a, vanaa-mangalaa-isɔɔa súúlan kpow a vannda kpede.