1Timote 1:5 - BII BILA

⁵ Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

1Timote 1:5 Iomraidhean Croise

Condii lisai 24:4

Fɔ vana tɛɛmbuu isɔɔ loo, vana dendu kɔllo-o, ó luei o dɛnnda lacòòvaalan nin too, ó mɛnan mɛnan lacòòva loo.

Condii lisai 51:10

Tosa mì tuei condun kponyon a condun kɔlkɛndɔn. O kon mì dɔwnun ɲaale, ya vana n yimi hoo paalan-ndo.

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Sofoni 3:7

O kon mí yiyan maa o laan nin, a kenin ya bɛɛlen, a cɛlnin silala nilan, o kon calta ndalan la tembunin te. Àá! Mbɔ̀ i soŋ nda bɔɔ!› Kɛ nda, idii púŋ nda laasiaa dɛnnda ndalan a yɔŋ vɔɔn nda tosa-o ni.

Matie 12:35

Sɔɔn kɛndɛn co vanaciee kɛndɔɔ o kɔl-lon, mun o soli ceen ni, sɔɔn vɔɔŋun co vanaciee vɔɔndo o kɔl-lon, mun koni ndu bɛɛ soli ceen ni.

Matie 5:8

Dɛnɛ kɛndɔɔ co le vanaa dendu kɔltan-nda, kani a canin Hala.

Dɛnnda kiilaa 15:9

O hiyan naa le, o cii nda kɔltan dindi le laalan nda laalanndo.

Dɛnnda kiilaa 23:1

Mí Pol tofa vanaa kialaa n'yamaa lelɛŋnda, mó dimi aa: «Puapilɛa nia, háá paalen nden hau, a kɔlkɛsiaa nuu kpow ya co Hala baalaa tosallo nuaa ni.»

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Rɔmnda 10:4

Nduyɛ mɛɛlula tɔŋndo la co Krista ni, haliko mi vanaa laalannda kpow a siŋnun vanaa sandaa.

Rɔmnda 12:9

Kaolaa bɛnda mò va a muulɔnndo le. La kpakpala dɛnɛ vɔɔndo, mì la kaola dɛnɛ kɛndɔɔ.

Rɔmnda 14:15

Taa saangiaa pɛ puapilɛ nɔmndo kɔllo le ɲɛdiaa n co dioo-o, mɛɛ a tosa dɛnɛ kaolaa le. Tosa mì ɲɛdiaa nɔmndo yɔŋnun sabu le delɔɔ vana Krista vi le ndu-o le.

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

1Korɛntea 13:1

I soo bɛɛ o sɔɔn mangalan vanndacieea a o sɔɔn mɛlɛkaa nin, te kaolaa co ya o kɔl te, mɛɛ i siŋnun maa diom ibamba, te kon te maa diom kɛ́ŋii comulaa.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Tɔŋ miingua 10:12

«Sisa, ɲɛ Mɛlɛka yeema mi niaa Israɛlla tosa-o co hoo ni: siòòŋii ndɔɛi nɔu, kelaa o nɛila o cɔm niaa lan coo, kaolaa ndu, vallo ndu tosallo a kɔlta niaalan kpow a á yoomu niaa kpow.

1Timote 1:18

Po nuu Timote, i co nɔm sɔɔn mun pɛɛkoo mɛɛ sɔɔn siɔdii laci-on n dimin paandu a nɔm o kɔɔ yɛ, haliko ma cɔlɔba cɔlɔba kɛndɔɔ,

1Timote 1:19

mà lo o laalanndo coo, mà nɔ yiyan kɛndɔɔ! Vanaa pum a tui yiyannda kɔlta ndalan diom te, ɛɛ nduyɛ, má mal laalanndo.

1Timote 3:9

mà va vanaa bii sɔɛi toɲa kpeekpeiye a laalanndo a á yiyan kɛndɔɔ-a.

2Timote 1:3

I mel Hala balika, o ya co baalaa tosallo a kɔl nuu o diandaa mɛɛ fuɲaa naa mamaa tosa yɛ-o. Idii a icɔl, i co nɔm yiyanndo coo, i co Hala piɛiyo le nɔm.

2Timote 1:5

I co loonɔnndo a laalan kpeekpei n nɔ-o o kɔɔ, laalan Lois mama nɔm ndóò nɔ sindɛ-o, laalan kon pɛɛn, ó va vɛlɛ Enise kala nɔm nin-ndo. Nduyɛ, i nɔ kɔlkɛsiaa maa laalan pilɛ kon koni co vɛlɛ nɔm nin nuaa ni.

2Timote 2:22

Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

Tite 1:15

Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Hebreea 13:18

La piɛi Hala le naa. N laalan maa n dendu kɔltan, nduyɛ yeemɛi co naa mì n kela kela kɛndɔɔ o dɛnndan kpow nin.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Nsaki 4:8

La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

1Piɛr 3:16

Kɛ la tosa kon o fɛ́ɛ́-fɛ́ɛ́o nin a o tuisinndo nin. La nɔ yiyannda kɛndɛlan, haliko o va bɛɛ o fondala nda co niaa congòó lan, mì siɛmbulan la bii vanaa co niaa diolan tɛɛmbuuo le kela niaa kɛndɔɔ-a.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

2Piɛr 1:7

mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.