1Timote 1:1 - BII BILA

¹ Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

1Timote 1:1 Iomraidhean Croise

Condii lisai 106:21

Má pɔɛɛnun Hala, vana ciindiaa nda-o, o tosa dɛnndan taw o lɛŋnde Esipte len nin-ndo,

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Esai 43:11

Ya ni, ya co Mɛlɛka ni, o ya kɔɔli, vana ciindiaa celen co le.

Esai 43:3

Kani ya co Mɛlɛka ni, Hala niaa pɛɛn, O-Diandaa-Israɛlla, vana ciindiaa niaa. I vɔngul lɛŋnde Esipte len haliko mi baŋa niaa. I yɔngu lɛŋnde Etiopii len a Seba o fonda niaa.

Esai 45:15

Éé Hala, lekɛ́ndɛi Hala vianunnun-ndo n co ni. Hala Israɛlla a vana ciindiaa n co ni!

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Esai 49:26

I miaanin vanaa dɔw nɔm yɛɛvɛ-a visin ndan nda pilan ma de mun, a kolnin kooma ndan mi ma bii nda, mɛɛ mɔima yɛngian ma bii vana yɛ. O kon, vanndacieea yoomaa kpow sinanin maa ya co Mɛlɛka ni, vana nɔm ciindiaa, vana nɔm baŋaa, Vana Kpaaya Yakɔb-o pɛɛn.

Esai 60:16

A vɔɛinin mɛɛma vanaa-mangalaa-isɔɔa, a vɔɛinin vɛlɛ mɛɛma masaa, a sinanin o kon maa ya co Mɛlɛka ni, vana ciindiaa nɔmndo a vana baŋaa nɔmndo, vana kpaayaa Yakɔb-o pɛɛn:

Esai 63:8

Mí ndóò dimi aa: «Vanaa niaa kpeekpei nda co ni, cuavaa fulanin ya kɔɔli le-a nda co ni!» Le hee, mó yɔŋnun vana ciindiaa le nda.

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Luke 1:47

i dɔwnun ɲaale le Hala, Vana Ciindiaa nuu,

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

1Korɛntea 1:1

Ya Pol sɔla veeloo le vaa kiilanɔ Maalii Yeesu-o o hɛnan Hala-o nin-ndo naa puapilɛ naa Sɔstɛne.

1Korɛntea 9:17

Te i tiiyal pɛ vannda Yoongu kɛndɔɔ a kɔl nuu, i sɔla vɔ̀ngɔ̀ɔ́. Kɛ te i tosa pɛ kon mò ve a kɔl ni le, mɛɛ baala yɔngun ya-o daama ya co tosa kon lende ni.

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

Kalatea 1:1

Ya kiilaa Pol, o kiilale ndɔlen le fula vanaciee o ba loo, o vanaciee vim too, kɛ o Yeesu Krista nda Hala Fuɲaa tindi ndu Yeesu fulaa vanvílɛ́iya tɛɛn-ndo vem-ndo,

Kalatea 1:11

I co niaa ndi dimul puapilɛa nia: Yoongu Kɛndɛ ya dimi-o fula vanaciee o ba le,

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

1Timote 1:12

I mel Maalii naa Yeesu Krista balika, ó luei ya yoomuan le baala ndɔɔ tosaa-o. I mel ndu balika le laalan o laalan ya, mó hɛli ya le baala ndɔɔ tosaa-o.

1Timote 2:3

Ɲɛ naŋ mo hɛnan Hala vana ciindiaa naa-o co kon ni,

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

Tite 1:3

Nduyɛ, mɛɛ telen o kelu-o tiiya, mó cɔm sɔɛi ndɔɛi o yɔngu ya le vannda tiiyallo-e mɛɛ ndu Hala Vana naa Ciindiaa dimi yɛ.

Tite 2:10

a ciimbuu ɲɛ-ɲɛ nda kɔɔli le. Kɛ a va dɛnɛ kɛndɔɔ tosaa lɔ́ɔ́-lɔ́ɔ̀, mà lo o lediom coo, haliko mi vannda ke pɛɛkula Hala Vana ciindiaa naa bɛɛlen.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

Tite 3:4

Kɛ lɔ́ɔ́ Hala Vana naa Ciindiaa cɔm kɛndɛi ndɔɛi a kaola ndɔɔ le vanndacieea-o,

Tite 3:6

Kani Hala sɛŋi naa Kɔl-Diandaa kon coo o diola Yeesu Krista Vana Ciindiaa naa,

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

Yude 1:25

biiloo co le Hala Vana naa ciindiaa ndu pilɛ kpé, o Maalii naa Yeesu Krista nin. Biiloo, bɔɔbɔɔyɛi, kpaayaa a dio co le ndu kabi paandu, sunsun a le fɛɛn a fɛɛn. Amiina!