1Korɛntea 3:3 - BII BILA

³ Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

1Korɛntea 3:3 Iomraidhean Croise

Osee 6:7

«Kɛ mɛɛ Adam tosa yɛ, la tɛɛmbuu kpemaa, mí la yii ya dúmbú.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

1Korɛntea 1:11

Kani puapilɛa nia, yungu Kloe-o dimul-la maa sɛɛngianndan la co niaa tɛɛn.

1Korɛntea 11:18

Sɔɛi tasei co hee ni, i tuei maa la bɔɔŋian pɛ, la piɔvian kundalan yɛ́-yɛ́. Nduyɛ, i laalan kon ɲɛ-pɔmbɔ.

1Korɛntea 3:4

Te o niaa tɛɛn, vana pum dimi pɛ aa: «Ya le Pol ya co ni», mì o pillo ndu dimi aa: «Ya le Apolɔs», vɛ̀ɛ̀ o co maa vanaa ceenda le niaa co dɛnndan tosaa o kon te?

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

Kalatea 5:15

Kɛ te la co pɛ kisikisianndo mì la va misimisianndo vellaa-velle, mɛɛ la caa dɛ, yɔŋii niaa tɛɛmbuan vellaa-velle.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Nsaki 3:16

Kani nɛɛ paŋalaa a sɛɛngianndan la co-a, lon koni dɛnɛ laasiɛiyo a dɛnnda vɔɔnnda súú-súù ka la co vɛlɛ ni.

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.