1Korɛntea 3:1 - BII BILA

¹ Puapilɛa nia, yáà tiwba sɔɛi niaa o lani maa vanaa Hala Kɔl-Diandaa co nin-nda le, kɛ mí soaa maa mɛɛ ya soaa vanaa ceenda o lani yɛ, mɛɛ ya dimul vanaa sɔla laalanndo sɛnɛi o Krista nin-nda sɔɔn yɛ.

1Korɛntea 3:1 Iomraidhean Croise

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

Rɔmnda 7:14

N sinà ndi maa dɛnɛ kɔllo tɔŋndo co ni, kɛ ya, vanaciee n'faloo daama ya co ni, o pisia ya co hakio o ba ni, mì va cɛ ndɔɔ.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

1Korɛntea 14:37

Te vana pum cennun pɛ maa vana-tɛɛngaa-diom Hala-o o co ni, te kon te maa Kɔl Hala-o cɔm ndu dɛnɔɔ pum, mɛɛ mò sina maa tɔŋ Mɛlɛka-o sɔɔn ya co niaa sɛvallo-on n co ni.

1Korɛntea 2:6

Nduyɛ, kɔlkaloo naa n co niaa vanaa sínà sɔɛi Hala-e-a pɛɛkoo ni, o co kɔlkalu ceendo ho le, o co vɛlɛ kɔlkalu masaa ceenda haa sunsun te, a co kan hunɔɔ itambu-a.

Kalatea 6:1

Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.

Hebreea 5:13

Vana co vɔ vɔɛiyo-o ndu, cɛlɛkpɔɔ o co ni. O tiwba dɛnɛ sandaa bilaa biyɔɔ le, kani cɛlɛkpɔɔ o co ni.

1Nsaŋ 2:12

Niaa cuavaa nia hɛnan ya-a, i co niaa sɛval, kani hakila niaalan la malnun haki le diola ndɔlan.