1Korɛntea 10:1 - BII BILA

¹ Puapilɛa nia, i yeema mì la pɔɛɛnun te maa fuɲaa naa mamaa kei o tindilen bɛngu, mí nda kpow taŋ mɛmma ihɛllan.

1Korɛntea 10:1 Iomraidhean Croise

Nehemi 9:19

nɔm, a kaola nɔm nɔ lamɛɛlu loo, a mel nda o lɛŋnde veselɛilen nin te few! Tindile ikumnden le va nda vɛlɛ simndan laci, le va nda nɛiyo cɔmndo ipala, le faŋan nda ikɛi le, vundule leyinnden bɛɛ le va nda nɛiyo teengiaa laci icɔl o kɔlan.

Condii lisai 105:39

Mí Mɛlɛka soli yumbuyumboo, mó kumbu ndu nda coo, mó soli vɛlɛ yinnden le nda ɲɔɔ teengiallo icɔl.

Condii lisai 66:6

O veeliàà mɛmma ihɛllan, mì vannda taŋ a n'pelu. Lelan naa n dɔawnun ɲaale o ndu nin ni.

Condii lisai 78:53

Mó yaa nda nila ɲulu, siòòŋii bii nda le, mí mɛmma ihɛllan ma mial yaamɔaa ndaa coo.

Fulaa 14:29

Kɛ mí Israɛlla va kɔnndan a vesɛi sɛ́ɛ́n o mɛmma ihɛlma man tɛɛn, mí mɛnndan ma siŋnun yɛ́ndɛ́lan maa lakpaki o ba mɛl ndaa a o ba kɛndɛ ndaa coo.

Fulaa 40:34

O kon mí kumnde kumbu cɛi-kola-toandaa-labɔɔŋianndo mɔku-mɔku, mí biilu Mɛlɛka-o pia o Calta Mɛlɛka la lan nin ca.

Kundalan 14:14

mí nda pila dimul vanaa co o lɛŋnden nden nin-nda maa nɔm Mɛlɛka, a co nda tɛɛn, maa kpendekele n cɔmnun nda ni, maa tindile ikumnde nɔmnden le co nda isisi laci, maa o vundule leyinnden nin n sim nda laci icɔl ni.

Kundalan 33:8

Cɔnɔnndo Pi-Hahirɔt, má taŋ mɛmma ihɛllan, má kɔa a ba lɛŋnde veselɛilen. Mɛɛ nda kɔɛ palɛi ndii yáá o lɛŋnde veselɛilen Etam nin, má kɔ kila dɔ́ɔ́ngɔ́ɔ̀ Mara.

Nsaŋ 4:20

O pembei he coo fuɲaa naa biilu Hala ni, kɛ niaa Yuifia co dimio maa Yerusalɛm nɛɛ biilaa Hala-a co ni.»

Rɔmnda 1:13

Puapilɛa nia, i yeema mì la sina maa i co kɔngɔlanndo lɔ́ɔ́-lɔ́ɔ̀ le niaa kɔlan yilɔɔ (kɛ háá hau, i sɔlan-ndɔ ba le), haliko mi niaa bɛɛ sɔla vannda pum o niaa lo, mɛɛ ya sɔla nda vanaa-mangalaa-isɔaa tɔ̀a tɛɛn yɛ.

Rɔmnda 11:21

kani te Hala mɛi lɛvun fula o yɔmndo kpeekpei-yon ndon te, mɛɛ nɔm bɛɛ o mɛinin nɔm lon te.

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

1Korɛntea 12:1

Puapilɛa nia, i yeema mì la va o sínà lepɛŋndo nin a valta kɔltan o kɔɔ le.

1Korɛntea 14:38

Te vanndo sínà sɔɛi he pɛɛngu le, mɛɛ ndu bɛɛ la pɔɛɛnun a ndu.

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

Tɔŋ miingua 1:33

Nduyɛ, ndu va kɔlan niaa laci le niaa fondala niaa bɛnda le dɔ́ɔ́ngɔ́ɔ̀ kilaa lan nuwviallo ni. Icɔl, o va kɔlan niaa laci o tindile leyinnden nin le niaa nɛi niaa va kɔlan coo-o teengiallo, ipala o va kɔlan niaa laci o tindile ikumnden nin.

Hebreea 11:29

A laalanndo Israɛlla taŋ mɛmma ihɛlma makpɛ̀ndɛ̀an o lɛŋnde vesɛilen nin ni, kɛ Esiptea tɔɔndanndo le tolɔɔ, má miisuu o mɛnndan nin.

Yosue 4:23

Kani Mɛlɛka Hala niaa veesiaa pee kalaa niaa laci, háá mí la cuu taŋɔɔ kpow mɛɛ o tosa lɔ́ɔ́ kon a mɛmma ihɛlma makpɛ̀ndɛ̀an yɛ, ma o veesiaa naa laci háá mí n cuu taŋɔɔ-an pɛɛn.