Mateo 9:33 - Lalang Hu Dios

³³ Su bugawen hi Jesus su busaw sagunà nakaikagi su emaw. Sa mga etaw diyà tungkay nangabeleng hu kagi dan, “Dini ta bugtà ta Israel daw pa gayed nahitabù sa iling taini.”

Mateo 9:33 Iomraidhean Croise

Mateo 8:10

Su mapaliman haena hi Jesus nabeleng gayed daw inikagiyan din su mga etaw ha namanduma kandin, “Laus gayed sa ag-ikagiyen ku inyu ha hurà ku pa gayed naahà duun hu mga kaliwatan hi Israel ha agkailing taini sa pagtuu din.

Mateo 9:32

Su maipus en su nakaindan ha mga buta amin daan etaw ha naemaw tumenged ta tinaguan hu busaw, saena inuwit hu mga etaw diyà ki Jesus.

Marcos 2:12

Sagunà haena minangun daw uwita su banig din dayun awà diyà ta kandan. Sa alan ha mga etaw nangabeleng daw dinayè dan daan sa Dios hu kagi, “Hurà kuy pa gayed makaahà hu agkailing taini.”

Lucas 11:14

Amin panahun ha binugaw hi Jesus sa busaw ha pakapaemaw hu etaw. Su umawà en haena sa busaw nakaikagi dayun su etaw aman nangabeleng sa kaet-etawan.

Lucas 7:9

Su mapaliman haena hi Jesus nabeleng gayed dayun sumininalu duun hu mga kaet-etawan ha namanduma kandin daw migyanaen, “Ikagiyen ku inyu ha hurà ku pa gayed naahà duun hu mga kaliwatan hi Israel ha agkailing taini sa pagtuu din.”