Mateo 9:2 - Lalang Hu Dios

² Amin mga etaw ha taglanting hu minatay en sa dibaluy ha lawa din daw inuwit dan haena diyà ki Jesus. Su matun-an hi Jesus ha adagi gayed sa pagsalig kandin taena ha mga etaw inikagiyan din su agkadaluwan, “Magmalipayen ka ta napasaylu en sa mga salà nu.”

Mateo 9:2 Iomraidhean Croise

Mateo 14:27

Ba inikagiyan sidan hi Jesus, “Pandayai nuy sa gahinawa nuy daw harì kaw agkangahaldek ta iyan a haini.”

Mateo 4:24

Sa tultulanen mahitenged kandin nakalekep diyà ta prubinsya ta Siria, aman pinan-uwit dan diyà ta kandin sa mga etaw ha agkangadaluwan hu hurà mag-iling ha dalu daw sa agkangasakitan. Sa duma kandan agkangabidbid daw amin mga minatay en sa dibaluy ha lawa din daw sa duma tinaguan en hu mga busaw. Ba alan sidan naulian hi Jesus.

Mateo 6:12

Pasayluwa kay hu mga salà day ta pinasaylu day daan sa nakasalà dini ta kanay.

Mateo 8:10

Su mapaliman haena hi Jesus nabeleng gayed daw inikagiyan din su mga etaw ha namanduma kandin, “Laus gayed sa ag-ikagiyen ku inyu ha hurà ku pa gayed naahà duun hu mga kaliwatan hi Israel ha agkailing taini sa pagtuu din.

Mateo 8:16

Su madani en agpanukilem pinan-uwit hu mga etaw diyà ki Jesus sa mga pinanaguan en hu busaw, aman pinamugaw din sa mga busaw pinaagi hu mga lalang din daw naulian daan sa alan ha agkangadaluwan.

Mateo 9:22

Su lumingì si Jesus naahà din haena aman inikagiyan din, “Pandayai sa gahinawa nu ta sa ingkaulii nu iyan sa pagsalig nu kanak.” Sagunà naulian su bahi.

Mateo 9:5

Inu diay sa malumu ha ikagiyen duun taini ha agkadaluwan? Iyan ba sa ‘Napasaylu en sa mga salà nu’ daw ku iyan ba sa ‘Bangun ka daw hipanaw kad en’?

Mateo 9:6

Ba iman igpaahà ku inyu ha siak sa Batà hu Etaw amin ku kagahem dini ta kalibutan hu pagpasaylu hu mga salà.” Aman inikagiyan din su etaw ha minatay en sa dibaluy ha lawa din, “Bangun kad, luluna sa banig nu daw ulì kad en.”

Marcos 1:32

Su madani en agpanukilem pinan-uwit hu mga etaw diyà ki Jesus sa alan ha agkangadaluwan daw sa pigtaguan en hu busaw.

Marcos 10:49

Aman tuminaleen en si Jesus daw ipaumaw su buta. Inumaw dan haena daw ikagiyi, “Pandayai nu sa gahinawa nu. Hitindeg ka ta inumaw ka hi Jesus.”

Marcos 5:34

Inikagiyan haena hi Jesus, “Sa ingkaulii nu iyan sa pagsalig nu kanak. Ulì ka ha malinawen ta naulian kad en hu dalu nu.”

Juan 16:33

“Inikagi ku haena inyu ta daw malinawen sa henà-henà nuy pinaagi hu pagkasabuwa taw. Dini ta kalibutan madakel gayed sa kasamukan nuy ba pandayai sa gahinawa nuy ta nadaeg kud en sa alan ha amin din gahem dini ta kalibutan.”

Juan 2:25

Harì en kinahanglan ha tultulan pa si Jesus mahitenged hu mga etaw ta daan din en natun-an ku inu sa duun hu mga henà-henà dan.

Juan 21:5

Dayun ininsaan sidan hi Jesus, “Nakatimù kaw ba?” Tuminubag sidan, “Hurà kay gayed.”

Mga Buhat 14:9

saena migpaliliman gayed hu pagpanunultul hi Pablo. Dayun inahà haena hi Pablo daw natun-an din ha amin gayed pagtuu taena ha etaw ta daw maulian.

Mga Buhat 19:12

Bisan sa manggad ha pakaugsak diyà ta lawa hi Pablo ku ag-uwiten duun hu agkadaluwan daw duun hu pinasipalahan hu busaw agkaulian haena.

Mga Buhat 23:11

Su daleman en sa Ginuu migpaahà ki Pablo ha tagyanaen, “Pandayai sa gahinawa nu ta iling ha intultul nu sa mahitenged kanak dini ta Jerusalem itultul nu daan haini diyà ta Roma.”

Roma 5:11

Daw kenà iyan dà haini ba agkalipay kuy daan duun hu Dios ta pinaagi ki Cristo Jesus ha Ginuu taw nakag-uliay sa maayad ha pagdapità taw kandin.

Santiago 2:18

Ba amin gid umikagi, “Amin nu pagtuu ba siak maayad sa mga buhat ku.” Ipaahà nu kanak ku agkainu-inu sa pagtuu ha hurà duun maayad ha mga buhat, ta igpaahà ku daan ikaw sa mga buhat ha maayad ha iyan timaan hu pagtuu ku.