Mateo 7:23 - Lalang Hu Dios

²³ Ba bà ku dà sidan ikagiyi, ‘Harì ku inyu agkakilala aman paman-awà kaw dini ta kanak sinyu sa mga madaet sa buhat din.’

Mateo 7:23 Iomraidhean Croise

Mateo 25:12

“Ba saena ha agpangasawa tuminubag, ‘Laus gayed sa ag-ikagiyen ku inyu ha harì ku inyu agkakilala.’

Mateo 25:41

“Dayun ikagiyan ku daan sa mga etaw ha dini dapit ta gibang ku, ‘Sinyu sa hinukuman en hu Dios, paman-awà kaw dini daw duun kaw hu hapuy ha harì en gayed agkapedengan ha intagana ki Satanas daw hu mga ginsakupan din.

Lucas 13:25

Amin panahun ha sa tag-iya taena ha balay sirahan din dayun magpangumawà kaw diyà ta guwà, ‘Ginuu, puwai kay man ikaw.’ “Ba umikagi haena, ‘Harì ku inyu agkakilala daw harì ku daan agkatun-an ku hindu kaw duun nangapuun.’

Lucas 13:27

“Ba ikagiyan kaw kandin, ‘Harì ku gayed inyu agkakilala daw harì ku daan agkatun-an ku hindu kaw duun nangapuun. Aman awà kaw dini ta kanak sinyu sa alan ha mga madaet sa buhat dan.’

Juan 10:14

“Iyan a gayed maayad ha magbalantay hu mga karniru. Nakilala ku sa kanak ha mga karniru daw nakilala a daan kandan

2 Timoteo 2:19

Ba henhenaa ha sa kamatuuran harì gayed tagkahalin-halin ta saena nakasulat en duun hu lalang hu Dios ha tagyanaen, “Sa Ginuu natun-an din sa alan ha mga sakup din” daw inikagi daan, “Sa tag-ikagi ha tumutuu hu Ginuu kinahanglan ha umendà pagbuhat hu madaet.”

Impadayag 22:15

Ba diyà dà ta guwà su mga etaw ha pinakagalugayhà sa mga buhat dan daw sa mga barangan, sa mga tagbuhat hu malaw-ay daw sa talamunù, sa tagsimba hu mga diyus-diyus daw sa mga babayaen hu pagpanlimbung.