Mateo 5:46 - Lalang Hu Dios

⁴⁶ Harì nuy aghenhenaa ha balesan kaw hu Dios ku iyan dà palanggaen nuy sa tagpalanggà daan inyu, ta bisan sa mga limbungan ha manunukut hu buhis tagbuhaten dan daan haena.

Mateo 5:46 Iomraidhean Croise

Mateo 11:19

Siak sa Batà hu Etaw sa harì tagsalang hu pagkaen daw pag-inum kagi nuy paman, ‘Ahà kaw tayana ha agapan daw beleng-beleng, sa mga amigu din mga limbungan ha manunukut hu buhis daw mga masinupaken.’ Ba pinaagi hu maayad ha bunga hu mga buhat day napamatud-an ha hustu gayed sa mga paagi hu Dios.”

Mateo 18:17

Ku harì pa gayed magpaliliman isumbung haena duun hu tagkaamul-amul ha mga tumutuu ha duma nu. Ku harì pa gayed magpaliliman isipen nuy en haena ha hurà makakilala hu Dios daw iling hu limbungan.

Mateo 5:47

Daw ku iyan dà pagsimahen nuy sa daan nuy en amigu inu man sa igkadayè inyu? Ta bisan sa mga etaw ha hurà makakilala hu Dios tagbuhaten dan daan haena.

Mateo 6:1

“Andama nuy sa pagbuhat hu matareng ha harì nuy bà dà makapaaluahà hu mga etaw, ta ku iyan hayana harì kaw balesan hu Amay nuy diyà ta langit.

Marcos 2:15

Su tagkaen si Jesus diyà ta balay hi Levi madakel ha mga manunukut hu buhis daw mga masinupaken sa nakigsalu kandin daw hu mga tinun-an din ta madakel sa namanlupug kandin.

Marcos 2:16

Su maahà hu mga manunudlù hu Kasuguan ha sakup hu mga Parisiyu ha si Jesus nakigsalu hu mga masinupaken daw hu mga manunukut hu buhis, ininsaan dan su mga tinun-an, “Imbà hayana pakigsalu hu mga limbungan ha manunukut hu buhis daw hu mga masinupaken?”

Lucas 15:1

Amin mga manunukut hu buhis daw mga masinupaken ha nangaamul-amul diyà ki Jesus hu pagpaliliman kandin.

Lucas 18:13

“Ba su manunukut hu buhis diyà dà tuminiyadeg ta suyuk. Duminunghuy ta agkaguul gayed hu mga salà din daw mig-ampù ha tagyanaen, ‘Dios ha Magbabayà hu alan, kahid-uwi a ikaw sa makasasalà.’

Lucas 19:2

Amin sapian diyà ha agalen hu mga manunukut hu buhis ha tagngaranan ki Zaqueo.

Lucas 19:7

Sa alan ha mga etaw ha nakaahà taena migtamudmud ha tagyanaen, “Imbà haini seled duun hu balay hu makasasalà?”

Lucas 3:12

Sa mga manunukut hu buhis duminiyà ki Juan ta tagpabautismu daan aman nanginginsà sidan, “Manunudlù, inu man sa kinahanglan ha buhaten day?”

Lucas 5:29

Miggastu si Levi diyà ta balay din para ki Jesus. Madakel ha mga manunukut hu buhis daw duma pa ha mga etaw sa nakigsalu kandan.

Lucas 5:30

Ba sa mga Parisiyu daw sa mga sakup dan ha manunudlù hu Kasuguan migtamudmud duun hu mga tinun-an hi Jesus ha tagyanaen, “Imbà kaw pakigsalu hu mga limbungan ha mga manunukut hu buhis daw hu mga masinupaken?”

Lucas 7:29

Su mapaliman haena hu mga etaw alan sidan bisan sa mga manunukut hu buhis ha nabautismuwan en hi Juan nakakilala ha hustu gayed sa mga paagi hu Dios.

Lucas 7:34

Siak sa Batà hu Etaw sa harì tagsalang hu pagkaen daw pag-inum kagi nuy paman, ‘Ahà kaw tayana ha agapan daw beleng-beleng, sa mga amigu din mga limbungan ha mga manunukut hu buhis daw mga masinupaken.’