Mateo 5:22 - Lalang Hu Dios

²² Ba ikagiyen ku inyu ha bisan sin-u sa bà din dà agkapauki sa duma din mahukuman en daan haena hu silut. Sa tagpaamaniyan din sa duma din makapanubag duun hu alan ha mga labaw ha agalen. Daw bisan sin-u sa mag-ikagi duun hu duma din, ‘Buang-buang ka’ saena ha tag-ikagi taghipanaw duun hu dalan payanaen ta Impirnu.

Mateo 5:22 Iomraidhean Croise

Mateo 10:17

Magbantay kaw ta itugyan kaw asem duun hu maghukum inyu daw lagkutan kaw pa gayed kandan duun hu mga simbahan.

Mateo 10:28

Harì nuy agkahaldeki sa iyan din dà agkapatay sa lawa, ba harì din mapatay sa gimukud nuy. Ba iyan nuy kahaldeki sa Dios ha makapaagbul hu lawa daw hu gimukud nuy diyà ta Impirnu.

Mateo 12:24

Ba su mapaliman haena hu mga Parisiyu minikagi sidan, “Sa gahem taini ha etaw hu pagbugaw hu busaw diyà dà napuun ki Beelsebul sa agalen hu mga busaw.”

Mateo 17:5

Su tag-ikagi pa si Pedro amin tagpangaluanlag ha gabun ha nakabungkus kandan, daw amin lageng ha napuun duun ku gabun ha tagyanaen, “Iyan en haini pinalanggà ku ha Batà ha tigkabayà-bayà ku. Magpaliliman kaw kandin.”

Mateo 18:21

Duminiyà si Pedro ki Jesus daw nanginginsà, “Ginuu, kapila ku ba pasayluwa sa duma ku ha sigi dà pakasalà dini ta kanak? Taman ba hu kapitu?”

Mateo 18:35

“Iling daan taena sa buhaten diyan ta inyu hu Amay ku diyà ta langit ku harì nuy gayed pasayluwen sa duma nuy.”

Mateo 23:15

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Madiyù gayed sa napayanan-an nuy ta bà nuy en nangalayun sa dagat hu pagkabig hu sabuwa ha etaw, ba sa intudlù nuy taena ha kinabig nuy nakapadaet kandin ha iyan ipaka-Impirnu din.

Mateo 23:33

“Iling kaw gayed hu mga bunsalagan. In-inuwen nuy gid ha harì kaw makaagbul diyà ta Impirnu?

Mateo 25:41

“Dayun ikagiyan ku daan sa mga etaw ha dini dapit ta gibang ku, ‘Sinyu sa hinukuman en hu Dios, paman-awà kaw dini daw duun kaw hu hapuy ha harì en gayed agkapedengan ha intagana ki Satanas daw hu mga ginsakupan din.

Mateo 26:59

Sa mga labaw ha sinaligan hu paghalad daw sa alan ha duma dan ha mga labaw ha agalen hu mga Judio nan-ahà gayed hu mga bidù ha katarengan ta daw mahimatayan dan si Jesus.

Mateo 3:17

Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Mateo 5:34

Ba ikagiyen ku inyu ha harì kaw gayed manumpà pinaagi hu langit ta iyan haena trunu hu Dios

Mateo 5:44

Ba ikagiyen ku inyu ha palanggaa sa mga kuntra nuy daw iampù nuy haena sa tagpasipala inyu

Marcos 14:55

Sa mga labaw ha sinaligan hu paghalad daw sa alan ha duma dan ha mga labaw ha agalen hu mga Judio nan-ahà gayed hu mga katarengan ta daw mahimatayan dan si Jesus, ba hurà dan gayed agkaahà.

Marcos 15:1

Su maselem en sa mga labaw ha sinaligan hu paghalad daw sa mga manunudlù hu Kasuguan, sa mga magulang daw sa alan ha duma dan ha mga labaw ha agalen hu mga Judio miglalang-lalang ku in-inuwen dan si Jesus. Dayun binakus dan haena daw itugyan diyà ki Pilato.

Lucas 12:5

Ba iyan nuy kahaldeki sa Dios ha makapatay hu lawa nuy daw makapaagbul pa inyu diyà ta Impirnu.

Lucas 22:66

Su maselem en sa alan ha mga labaw ha agalen hu mga Judio ha iyan sa mga magulang, sa mga labaw ha sinaligan hu paghalad daw sa mga manunudlù hu Kasuguan mig-amul-amul dayun impaatubang diyà ta kandan si Jesus.

Juan 11:47

Aman sa mga labaw ha sinaligan hu paghalad daw sa mga Parisiyu inamul-amul dan sa alan ha duma dan ha mga labaw ha agalen hu mga Judio. Miglalang-lalang sidan, “In-inuwen taw haena sa etaw ha madakel en sa nabuhat din ha belenganen?

Juan 15:25

Ba iyan haena katumanan hu insulat duun hu Kasuguan dan ha tagyanaen, ‘Bisan ku hurà dan gayed katarengan ha igkuntraha dan kanak ba kinuntra a gihapun kandan.’

Juan 7:20

Tuminubag haena sa mga etaw, “Agkalibeg ka man gid. Sin-u sa taghenà-henà hu paghimatay ikaw?”

Juan 8:48

Inikagiyan hu mga Judio si Jesus, “Laus gayed sa inikagi day ha taga-Samaria ka daw agkalibeg ka daan.”

Mga Buhat 17:18

Amin mga manunudlù hu tinumanan hi Epicurio daw hu mga Estoico ha nakigsawalà kandin. Sa duma nanginginsà, “Inu gid sa tag-ikagiyen taini ha pinakauleg?” Sa duma tagyanaen, “Saini bà su tagpanunultul hu langyaw ha diyus-diyus.” Inikagi dan haena ta sa insangyaw hi Pablo iyan sa mahitenged ki Jesus daw sa pagkabanhaw din.

Mga Buhat 22:30

Agkabayaan gayed taena ha labaw ha kapitan hu sundalu ha matun-an din ku imbà isumbung si Pablo hu mga Judio, aman duun hu isab ha aldaw inamul din sa mga labaw ha sinaligan hu paghalad daw sa alan ha mga labaw ha agalen hu mga Judio. Dayun pinahukadan din si Pablo daw ipaatubang kandan.

Mga Buhat 23:1

Pigtengtengan hi Pablo sa alan ha mga labaw ha agalen daw ikagi, “Mga suled, natun-an hu Dios ha sa henà-henà ku hurà gayed duun pagduwa-duwa mahitenged hu pagtuman ku hu insugù din.”

Mga Buhat 24:20

Daw maayad ngaay ku saini ha migsusumbung kanak ikagiyen dan ikaw ku inu sa naahà dan ha salà ku su bistigahen a hu alan ha mga labaw ha agalen hu mga Judio diyà ta Jerusalem.

Mga Buhat 4:15

Aman impaguwà sidan, dayun su mga labaw ha agalen hu mga Judio miglalang-lalang.

Mga Buhat 5:21

Su maselem en duminiyà sidan ta Timplu daw panudlù. Duun daan taena ha aldawa inamul ku tungkay labaw ha sinaligan hu paghalad daw ku mga duma din sa alan ha mga labaw ha agalen hu mga Judio. Dayun impatimù dan hu mga bantay su mga apustulis diyà ta prisuwan.

Mga Buhat 5:27

Impaatubang su mga apustulis duun ku mga labaw ha agalen. Dayun ininsaan sidan ku tungkay labaw ha sinaligan hu paghalad. Kagi din,

Mga Buhat 6:12

Tumenged taini nagubut sa kaet-etawan daw sa mga magulang daw sa mga manunudlù hu Kasuguan aman dinakep si Esteban daw ipaatubang duun hu alan ha mga labaw ha agalen hu mga Judio.

Mga Buhat 6:15

Sa alan ha mga labaw ha agalen ha naamul-amul diyà migtengteng ki Esteban na naahà dan sa weleng din ha agkailing hu balinsuguen hu Dios.

Mga Buhat 7:37

Iyan si Moises su mig-ikagi duun hu mga kaliwatan hi Israel, ‘Amin sabuwa ha prupita ha humiwal duun hu mga kaliwatan nuy ha suguen hu Dios iling hu pagsugua din kanak.’

Roma 12:10

Magpinalanggaay kaw isip ha migsusuled daw magpatahud-tahurà kaw gayed.

1 Corinto 6:10

sa takaw daw sa agapan, sa beleng-beleng, sa tagpandaet hu dengeg daw sa mga limbungan harì gayed makaseled duun hu tagharian hu Dios.

1 Corinto 6:6

Kinahanglan pa ba gayed ha magsasabà sa migsusuled ha tumutuu daw ipahusay paman hu kenà tumutuu?

1 Tesalonica 4:6

Kinahanglan ha hurà inyu gumiek hu katenged hu suled nuy duun hu igbahi din ta inikagi day en inyu su anay ha sa tagbuhat taena silutan gayed hu Dios.

Tito 3:2

Kinahanglan ha harì sidan mandaet hu dengeg daw harì makigsawalà, ba magmahid-uwen sidan daw magmatinahuren gayed hu bisan sin-u.

Hebreo 12:25

Mag-andam kaw gayed ha harì kaw makasupak hu lalang hu Dios. Ku sinilutan hu Dios sa mga etaw su anay tumenged ta hurà sidan magpaliliman ki Moises, labaw pa gayed sa igsilut kanuy hu Dios ku harì taw pagpalilimanan sa tag-ikagiyen din diyà ta langit.

Hebreo 5:9

Su madayag en sa pagkahimpit din nahimu haena ha Manluluwas ha iyan tag-ila hu kinabuhì ha hurà din katapusan duun hu alan ha matinumanen kandin,

Santiago 2:20

Buang-buang kaw gayed. Hurà nuy ba diay katun-i ha ku hurà maayad ha buhat duma hu pagtuu saena hurà din pulus?

Santiago 3:6

Sa dilà hu etaw iling gayed hu hapuy ha pakadaet ta duun agkatubù sa mga lalang ha pakadaet hu etaw daw saena iyan tigsunugà hi Satanas hu etaw ku bubuhay pa.

1 Pedro 2:23

Su tameyesen hurà en gayed magtubag-tubag. Su mag-antus daan hu pasipala hurà en panhulgà ba insalig din en sa kaugalingen din duun hu Dios ha iyan matareng ha Maghuhukum.

1 Pedro 3:9

Harì nuy balesi hu madaet sa tagbuhat hu madaet diyan ta inyu daw harì nuy daan tameyesen haena sa tagtameyes inyu ba panalangini nuy sidan, ta inikagi hu Dios ha sa katuyuan hu paghimuwa din inyu ha tumutuu ta daw mapanalanginan kaw gayed kandin.

1 Juan 2:9

Bisan sin-u sa tag-ikagi ha duun en tagtimà hu mapawà ba tagkuntrahen din pa sa mga duma din saena duun pa tagtimà hu kasukileman.

1 Juan 3:10

Iyan haini timaan ku sin-u sa batà hu Dios daw ku sin-u daan sa sakup hi Satanas ta bisan sin-u sa tagbuhat hu matareng daw tagpalanggà hu mga duma din iyan gayed haena batà hu Dios.

1 Juan 5:16

Ku matun-an nuy ha sa suled nuy nakasalà ba harì pa tag-uwit kandin duun hu kamatayen ampuan nuy ha pasayluwen daw mailahan hu Dios hu kinabuhì. Ba sa etaw ha nakasalà ha pakauwit kandin duun hu kamatayen harì ku inyu agsuguen ha iampù nuy.

Judas 1:9

Ba bisan si Miguel sa kinatangkawan ha balinsuguen hu Dios su magsawalà sidan ki Satanas mahitenged hu lawa hi Moises hurà din tameyesa si Satanas ba bà din dà inikagiyi, “Iyan en sa Dios magbaldeng ikaw, Satanas.”

Impadayag 20:14

Sa kamatayen daw sa banuwa ta Hadis inlambeg en duun hu linaw ha tagkalegdeg, saena iyan en ikaduwa ha kamatayen.