Mateo 5:11 - Lalang Hu Dios

¹¹ “Malipayen kaw gayed ku tameyesen daw ku pasipalahan hu mga etaw daw ku daet-daeten pinaagi hu mga bidù tumenged hu pagsunud nuy kanak.

Mateo 5:11 Iomraidhean Croise

Mateo 10:18

Ipaatubang kaw daan kandan duun hu mga gubirnadur daw mga harì tumenged hu pagtuu nuy kanak, ba iyan haena paagi ha matultul a inyu diyà ta kandan daw duun hu kenà mga Judio.

Mateo 10:22

Kuntrahen kaw hu kaet-etawan tumenged kanak, ba sa harì umendà hu pagtuu hangtud hu katapusan mailahan hu kinabuhì ha hurà din katapusan.

Mateo 10:25

Ikalipay gayed hu tinudluan ku mailing daan hu tagtudlù kandin, daw ikalipay daan hu suluguen ku mailing hu agalen din. Ku pigngaranan a hu mga etaw ha Yawà ayuwà pa madaet sa ingaran dan inyu sinyu sa mga sakup ku.

Mateo 10:39

Bisan sin-u sa agkanugun hu kinabuhì din matay dà gihapun, ba saena ha tagsunud kanak bisan duun hu kamatayen mailahan hu kinabuhì ha hurà din katapusan.

Mateo 19:29

Sa alan ha inawaan dan sa mga bugtà, balay, mga suled, mga laas, mga batà dan, tumenged hu pagsunud kanak, bisan iman ha panahun makadawat en gayed hu madakel pa dì taena ha inawaan dan daw maangken dan daan sa kinabuhì ha hurà din katapusan.

Mateo 24:9

“Dayun kuntrahen kaw hu alan ha kaet-etawan tumenged kanak daw itugyan kaw duun hu magpasipala inyu daw maghimatay inyu.

Mateo 27:39

Sa mga etaw ha agpamanagad tagkuyeng-kuyengà hu pagtameyes ki Jesus ha tagyanaen

Marcos 13:13

Kuntrahen kaw hu alan ha kaet-etawan tumenged kanak ba sa harì umendà hu pagtuu hangtud hu katapusan mailahan hu kinabuhì ha hurà din katapusan.

Marcos 13:9

“Aman kinahanglan ha magbantay kaw gayed ta itugyan kaw asem duun hu maghukum inyu daw lagkutan kaw pa gayed duun hu mga simbahan. Ipaatubang kaw daan kandan duun hu mga gubirnadur daw mga harì tumenged hu pagtuu nuy kanak, ba iyan haena paagi ha matultul a inyu diyà ta kandan.

Marcos 4:17

Ba tumenged ta harì agpanggamut sa pagtuu dan saena harì en agkalugay. Ku makauma sa malegen ha alantusen daw pasipalahan sidan tumenged hu pagdawat dan hu lalang hu Dios sagunà dà sidan ag-endà hu pagtuu.

Marcos 8:35

Ta bisan sin-u sa agkanugun hu kinabuhì din matay dà gihapun, ba saena ha tagsunud kanak daw tagsangyaw hu Maayad ha Tultulanen bisan duun hu kamatayen mailahan hu kinabuhì ha hurà din katapusan.

Lucas 21:12

“Ba sa harì pa haena mahitabù dakepen daw pasipalahan kaw. Itugyan kaw daan kandan duun hu maghukum inyu duun hu mga simbahan daw maprisu kaw. Ipaatubang kaw daan duun hu mga harì daw hu mga gubirnadur tumenged hu pagtuu nuy kanak.

Lucas 21:17

Kuntrahen kaw hu kaet-etawan tumenged kanak.

Lucas 6:22

“Malipayen kaw gayed ku kuntrahen kaw hu mga etaw daw harì kaw en kandan pagsimahen, ku sulaen kaw daan daw tameyesen kaw tumenged kanak siak sa Batà hu Etaw.

Lucas 9:24

Ta bisan sin-u sa agkanugun hu kinabuhì din matay dà gihapun, ba saena ha tagsunud kanak bisan duun hu kamatayen mailahan hu kinabuhì ha hurà din katapusan.

Juan 15:21

Pasipalahan kaw gayed kandan tumenged ta mga etaw ku inyu daw hurà dan kakilala sa Amay ku ha migsugù kanak.

Juan 9:28

Dayun tinameyes dan su etaw daw ikagiyi, “Iyan ka dà sumusunud din ba sikay mga sumusunud kay hi Moises.

Mga Buhat 9:16

Igpaahà ku kandin ku inu gayed kaadagi sa mga alantusen din tumenged hu pagsunud din kanak.”

Roma 8:36

Ta sa insulat ha lalang hu Dios tagyanaen, “Tumenged hu pagsunud day ikaw sigi kay dà tagsalap hu kamatayen iling hu karniru ha laus en ag-iyawen.”

1 Corinto 4:10

Tumenged hu pagtudlù day mahitenged ki Cristo kagi hu mga etaw ha mga buang-buang kay, ba taghenà-henà kaw ha matatau kaw gayed tumenged hu pagtuu nuy kandin. Sikay mga maluya kay ba sinyu mabis-ay kaw. Sinyu dinayè kaw ba pigtameyes kay hu kanay.

2 Corinto 4:11

Iman agkabayaan kay gayed aghimatayi hu mga etaw tumenged hu pagsangyaw day mahitenged ki Jesus, ba pinaagi hu pagbulig din nadayag gayed ha si Jesus bubuhay.

Filipos 1:29

Ta sa agkabayaan hu Dios kenà iyan dà sa pagtuu nuy ki Cristo ba mag-antus kaw daan tumenged kandin.

1 Pedro 2:23

Su tameyesen hurà en gayed magtubag-tubag. Su mag-antus daan hu pasipala hurà en panhulgà ba insalig din en sa kaugalingen din duun hu Dios ha iyan matareng ha Maghuhukum.

1 Pedro 4:14

Magmalipayen kaw ku pagagayhaan kaw tumenged hu pagsunud nuy ki Cristo ta iyan haena timaan ha sa Balaan ha Ispiritu ha sinugù hu Dios didiyan en gayed ta inyu.

Impadayag 2:3

Natun-an ku ha tagpailub kaw hu mga malegen ha alantusen tumenged hu pagtuu nuy kanak daw hurà kaw gayed luyahi.