Mateo 4:3 - Lalang Hu Dios

³ Dayun si Jesus inubayan hu Manunulay daw ikagiyi, “Ku Batà ka hu Dios ikagiyi haini sa mga batu ha mabuhat ha supas.”

Mateo 4:3 Iomraidhean Croise

Mateo 14:33

Dayun sa mga tinun-an din duun ku barutu suminimba ki Jesus hu kagi dan, “Batà ka gayed hu Dios.”

Mateo 16:16

Tuminubag si Simon Pedro, “Iyan ka su Misiyas sa Batà hu bubuhay ha Dios.”

Mateo 26:63

Ba si Jesus hurà en magtubag. Minikagi dà paman su tungkay labaw ha sinaligan hu paghalad, “Duun hu atubangan hu Dios ha bubuhay ipanumpà nu daw ikagiyi kay ku iyan kad ba su Misiyas ha Batà hu Dios.”

Mateo 3:17

Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Marcos 1:1

Iyan haini puunaan hu Maayad ha Tultulanen mahitenged ki Cristo Jesus sa Batà hu Dios.

Marcos 3:11

Su maahà haena hu mga etaw ha tinaguan hu busaw namanluhud sidan duun hu atubangan din daw namangulahì, “Iyan ka gayed Batà hu Dios.”

Marcos 5:7

Nangulahì gayed ha tagyanaen, “Jesus sa Batà hu Dios ha iyan Magbabayà hu alan, inu sa labet nu kanak? Aghangyuen ku ikaw ha harì a ikaw pasipalahan.”

Lucas 1:35

Ba inikagiyan hu balinsuguen, “Mabedes ka pinaagi hu Balaan ha Ispiritu daw sa gahem hu Dios ha Magbabayà hu alan iyan mag-ulin ikaw. Iyan haini hinengdan ha sa batà nu asem ngaranan ha balaan ha Batà hu Dios.

Lucas 22:70

Nanginginsà sidan, “Iyan kad en ba Batà hu Dios?” Tuminubag si Jesus, “Iyan ad en su inikagi nuy.”

Lucas 4:3

Inikagiyan hi Satanas, “Ku Batà ka hu Dios ikagiyi haini sa mga batu ha mabuhat ha supas.”

Lucas 4:41

Amin daan madakel ha mga busaw ha namangguwà duun hu mga etaw ha tagkulahiay hu kagi dan, “Iyan ka gayed Batà hu Dios.” Ba binaldeng sidan hi Jesus ha harì mag-ikagiyà ta nakilala dan en ha si Jesus iyan su Misiyas.

Lucas 4:9

Dayun si Jesus dinuma en paman hi Satanas duun hu kinatangkawan ha atep taena ha Timplu diyà ta Jerusalem daw ikagiyi, “Ku Batà ka hu Dios sabay ka duun taini

Juan 1:34

Iman naahà kud daw maikagi kud en inyu ha iyan gayed haini Batà hu Dios.”

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 20:31

Ba insulat haini ta daw makatuu kaw ha si Jesus iyan su Misiyas ha Batà hu Dios, daw pinaagi hu pagtuu nuy kandin mailahan kaw gayed hu kinabuhì ha hurà din katapusan.

Juan 9:35

Su mapaliman hi Jesus ha inabug dan su etaw, pinan-ahà din dayun haena. Su maahà din en ininsaan din, “Agtuuwan nu ba sa Batà hu Etaw?”

Mga Buhat 9:20

Dayun migtudlù duun hu mga simbahan ha si Jesus Batà hu Dios.

2 Corinto 1:19

Ta si Cristo Jesus sa Batà hu Dios ha insangyaw day ki Silas daw ki Timoteo kasaligan gayed daw harì tagbidù

Galacia 2:20

Iling a hu inlansang duun hu krus duma ki Cristo. Aman kenà ad en iyan tagbayà hu kinabuhì ku iman ba iyan en si Cristo sa tagtimà dini ta kanak, daw sa pagkinabuhì ku iman pinaagi en hu pagtuu ku hu Batà hu Dios ha iyan migpalanggà kanak daw migpakamatay para kanak.

1 Tesalonica 3:5

Tumenged ta harì a aghingan-an inyu impadiyan ku si Timoteo ta daw masusi kaw kandin ku mabis-ay kaw pa ba duun hu pagtuu ta agkasamukan ku inyu ku panulayen kaw hi Satanas daw hurà pulus hu pagtudlù day diyan ta inyu.

Hebreo 12:16

Mag-andam kaw daan ha hurà inyu makabuhat hu malaw-ay daw hurà inyu makasupak duun hu Dios iling ki Esau su anay sa imbaylu din hu kalan-enen dà sa pagkamagulang din.

Hebreo 4:14

Pangesegan taw gayed sa pagtuu taw tumenged ta amin taw gamhanan daw tungkay labaw ha sinaligan duun hu atubangan hu Dios ha iyan si Jesus sa Batà din.

Hebreo 7:3

Sa kapuun hi Melchizedek hurà katun-i daw sa mahitenged hu kamatayen din. Iling hu Batà hu Dios ha hurà din puunaan daw sa pagkasinaligan din hu paghalad harì en agkatapus.

1 Juan 3:8

Ba sa etaw ha tagpadayun duun hu salà sakup hi Satanas ta si Satanas tagpadayun duun hu salà sugud dà su anay. Sa hinengdan ha duminini sa Batà hu Dios ta kalibutan iyan sa daetan din sa mga buhat hi Satanas.

Impadayag 2:10

Harì kaw gayed mahaldek hu malegen ha ipaantus inyu hu harì en malugay ta ipaprisu hi Satanas sa duma inyu ta daw masulayan sa pagtuu nuy, daw malegen gayed sa alantusen duun hu sampulù ha aldaw. Magmatinumanen kaw gayed kanak bisan duun hu kamatayen ta ag-ilahan ku inyu kinabuhì ha hurà din katapusan ha iyan bales inyu hu pagpakadaeg nuy.