Mateo 4:19 - Lalang Hu Dios

¹⁹ Inikagiyan sidan hi Jesus, “Dumuma kaw kanak ta agbuhaten ku inyu ha mamamaling hu mga etaw.”

Mateo 4:19 Iomraidhean Croise

Mateo 16:24

Dayun inikagiyan hi Jesus sa mga tinun-an din, “Bisan sin-u sa agkabayà agsunud kanak kinahanglan ha lipatan din gayed sa kandin ha agkabayaan daw antusen din sa alan ha mga malegen bisan duun hu kamatayen ta daw makasunud kanak.

Mateo 19:21

Minikagi si Jesus, “Ku agkabayà ka ha mahimpit ka gayed, ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Mateo 4:18

Su taghiphipanaw si Jesus duun hu kilid taena ha Danaw ta Galilea naahà din si Simon ha tagngaranan daan ki Pedro daw sa suled din ha si Andres. Tagpamaling sidan duun taena ha danaw ta mamamaling man sidan.

Mateo 4:20

Aman sagunà dan inawaan su mga baling daw duma ki Jesus.

Mateo 8:22

Ba inikagiyan haena hi Jesus, “Dumuma kad kanak ta su mga etaw ha hurà dan pa kinabuhì iyan en maglebeng hu mga minatay.”

Mateo 9:9

Su dumayun si Jesus naahà din sa tagpinuu ha tagpanukut hu buhis ha tagngaranan ki Mateo. Inikagiyan din haena, “Dumuma ka kanak” aman huminitindeg si Mateo daw duma kandin.

Marcos 2:14

Su taghipanaw si Jesus naahà din sa tagpinuu ha tagpanukut hu buhis ha tagngaranan ki Levi sa batà hi Alfeo. Inikagiyan din haena, “Dumuma ka kanak” aman huminitindeg si Levi daw duma kandin.

Lucas 5:27

Su maiwas en haena huminipanaw si Jesus, dayun naahà din sa tagpinuu ha tagpanukut hu buhis ha tagngaranan ki Levi. Inikagiyan din haena, “Dumuma ka kanak.”

Lucas 9:59

Amin pa sabuwa ha etaw ha inikagiyan hi Jesus, “Dumuma ka kanak.” Ba tuminubag haena, “Ginuu, harì a pa makaduma ikaw iman ta iglebeng ku pa si Amay ku.”

Juan 1:43

Su maisab ha aldaw nahenhenaan hi Jesus ha dumiyà ta prubinsya ta Galilea. Inelegan din si Felipe daw ikagiyi, “Dumuma ka kanak.”

Juan 12:26

Bisan sin-u sa agkabayà ha mahimu ha suluguen ku kinahanglan ha lumupug kanak daw bisan ku hindu a, duun en daan haena. Sa magtuman hu mga sugù ku madayè gayed hu Dios ha Amay ku.

Juan 21:22

Ba si Jesus tuminubag, “Ku iyan ku pagbayà sa bubuhay pa hayana ku lumikù a dini ta kalibutan hurà nu duun labet. Bà ka dà sunud kanak.”

2 Corinto 12:16

Ag-uyun kaw ha harì a tagpanayù diyan ta inyu, ba kan ku amin umikagi ha bà ku dà inyu pig-limbungi.