Mateo 3:7 - Lalang Hu Dios

⁷ Ba su maahà hi Juan sa madakel ha mga Parisiyu daw mga Saduceo ha tagpabautismu kandin inikagiyan din sidan, “Sinyu sa mga bunsalagan, sin-u sa mig-ikagi inyu ha dumini kaw ta kanak? Abi nuy gid ha mapulaguyan nuy sa silut inyu hu Dios.

Mateo 3:7 Iomraidhean Croise

Mateo 12:24

Ba su mapaliman haena hu mga Parisiyu minikagi sidan, “Sa gahem taini ha etaw hu pagbugaw hu busaw diyà dà napuun ki Beelsebul sa agalen hu mga busaw.”

Mateo 12:34

Sinyu sa mga bunsalagan, in-inuwen nuy pag-ikagi hu maayad ha mga madaet kaw man? Ta ku inu sa duun hu henà-henà hu etaw iyan daan haena agkaikagi din.

Mateo 15:12

Dayun uminubay diyà ta kandin sa mga tinun-an din hu kagi dan, “Hurà nu ba katun-i ha nangasilag su mga Parisiyu taena ha inikagi nu?”

Mateo 16:1

Amin mga Parisiyu daw Saduceo ha duminiyà ki Jesus hu pagsulay kandin, aman hinangyù dan si Jesus ha ipaahà din kandan sa belenganen ha iyan timaan ha sinugù haena hu Dios.

Mateo 16:6

Inikagiyan sidan hi Jesus, “Magbantay kaw hu igpatulin taena ha mga Parisiyu daw Saduceo.”

Mateo 22:15

Naman-awà su mga Parisiyu daw miglalang-lalang ku in-inuwen dan ta daw amin maikagi hi Jesus ha ikasumbung dan.

Mateo 22:23

Duun taena ha aldaw amin mga Saduceo ha duminiyà ki Jesus. Saini ha mga etawa harì agtuu ha mabanhaw sa etaw,

Mateo 22:34

Su matun-an hu mga Parisiyu ha hurà en makatubag ki Jesus sa mga Saduceo sagunà sidan mig-amul-amul.

Mateo 23:33

“Iling kaw gayed hu mga bunsalagan. In-inuwen nuy gid ha harì kaw makaagbul diyà ta Impirnu?

Mateo 5:20

Ikagiyen ku inyu ha sa Dios iyan din dà tagharian sa matareng gayed dì taena ha mga manunudlù hu Kasuguan daw mga Parisiyu.

Marcos 12:13

Amin mga Parisiyu daw mga sakup hi Herodes ha sinugù diyà ki Jesus hu pagpanginginsà kandin ta daw amin maikagi hi Jesus ha ikasumbung dan kandin.

Marcos 12:18

Amin mga Saduceo ha duminiyà ki Jesus. Saini ha mga etawa harì agtuu ha mabanhaw sa etaw aman inikagiyan dan si Jesus,

Marcos 8:15

Inikagiyan sidan hi Jesus, “Magbantay kaw hu igpatulin taena ha mga Parisiyu daw hi Herodes.”

Lucas 16:14

Sa mga Parisiyu ha balimbayaen dan sa salapì bà dà migpatawahà su mapaliman dan haena sa inikagi hi Jesus.

Lucas 18:11

Saena ha Parisiyu mig-ampù ha tagyanaen, ‘Dios ha Magbabayà hu alan, tagpasalamatan ku ikaw ta harì a agkailing hu duma ha mga etaw ha agpanlimbung daw kenà matareng daw mananapaw, daw kenà a daan iling taini ha manunukut hu buhis.

Lucas 7:30

Ba sa mga Parisiyu daw sa mga manunudlù hu Kasuguan hurà dan dawata sa katuyuan kandan hu Dios aman hurà daan sidan kabautismuwi su anay hi Juan.

Juan 1:24

Saena ha mga sinugù hu mga Parisiyu

Juan 8:44

Sa amay nuy iyan si Satanas aman agkabayaan nuy agtumana sa kandin ha pagbayà. Sugud dà su anay talamunù en si Satanas. Hurà din labet hu kamatuuran daw pulus en bidù sa tagsubayen din. Iyan en kinaiya din sa biduen daw diyà agkapuun ta kandin sa alan ha mga bidù.

Juan 9:40

Amin mga Parisiyu ha nakapaliman hu inikagi din aman nanginginsà, “Buta kay ba diay?”

Mga Buhat 15:5

Ba amin daan mga tumutuu ha sakup hu mga Parisiyu ha huminitindeg daw ikagi, “Kinahanglan gayed ha sirkunsidahan sa kenà mga Judio ha tuminuu daw tumanen dan gayed sa Kasuguan hi Moises.”

Mga Buhat 20:31

Aman magbantay kaw gayed daw timan-i nuy ha aldaw daw ku daleman duun hu tatulu ha tuig sinambagan ku inyu daw inagalaan ku gayed inyu.

Mga Buhat 26:5

Nalugay en sa kakilala dan kanak daw ku agkabayaan dan ngaay makapanistigus en sidan ha siak na Parisiyu a daw tagtumanen ku gayed sa Kasuguan day.

Mga Buhat 5:17

Duun taena ha panahun sa tungkay labaw ha sinaligan hu paghalad daw sa sakup hu mga Saduceo ha mga duma din agkangasina gayed

Roma 1:18

Sa Dios diyà ta langit migpadayag gayed ha agsilutan din sa alan ha harì tagtahud kandin daw sa tagbuhat hu madaet, ta pinaagi taini ha mga buhat dan agkaelangan sa kamatuuran.

Roma 5:9

Pinaagi hu uminagas ha langesa hi Cristo inisip kuy hu Dios ha matareng aman natun-an taw gayed ha malibri kuy duun hu pagsilut hu Dios tumenged ki Cristo.

1 Tesalonica 1:10

daw tagsalapen nuy en daan ha lumikù dà dini sa Batà din ha si Jesus su binanhaw din ha iyan daan asem aglibri kanuy ku silutan hu Dios sa kaet-etawan.

Hebreo 11:7

Tumenged hu pagtuu si Noe su ikagiyan hu Dios mahitenged hu lenep tuminuu en bisan ku hurà din pa haena kaahà. Aman tinuman din sa insugù kandin hu Dios ha magbuhat hu arka ta daw malibri sa pamilya din. Pinaagi hu pagkamatinumanen hi Noe nakapadayag ha sa makasasalà ha etaw angayan gayed ha silutan ba si Noe inisip hu Dios ha matareng tumenged hu pagtuu din.

Hebreo 6:18

Sa Dios harì tagbidù ta sa insaad din daw sa impanumpà din agkasaligan gayed. Aman sikuy sa uminabut diyà ta kandin nadasig hu pagsalap taena ha insaad din kanuy.

1 Juan 3:10

Iyan haini timaan ku sin-u sa batà hu Dios daw ku sin-u daan sa sakup hi Satanas ta bisan sin-u sa tagbuhat hu matareng daw tagpalanggà hu mga duma din iyan gayed haena batà hu Dios.