Mateo 3:2 - Lalang Hu Dios

² ha tagyanaen, “Hinulsuli sa mga salà nuy ta madani en sa pagharì hu Dios kanuy.”

Mateo 3:2 Iomraidhean Croise

Mateo 10:7

Ku tagdiyà kaw en itultul nuy kandan ha madani en sa pagharì hu Dios.

Mateo 11:20

Hinukuman hi Jesus sa tagtimà duun hu mga banuwa ha pigpaahaan din hu mga belenganen ta hurà sidan maghinulsul. Inikagiyan din sidan,

Mateo 12:41

Asem ku Aldaw hu Paghukum sukmatan kaw hu silut taena ha mga taga-Ninive ta mighinulsul sidan hu mga salà dan su mapaliman dan sa intultul hi Jonas. Ba iman dini en sa labaw pa dì ki Jonas ba harì nuy agdawaten.

Mateo 13:11

Tuminubag si Jesus, “Sa inlilung su anay mahitenged hu pagharì hu Dios impadayag en inyu, ba saena hurà katun-i hu duma ha mga etaw.

Mateo 13:24

Amin pa pananglitan ha inikagi hi Jesus ha tagyanaen, “Sa pagharì hu Dios agkailing hu etaw ha namegas hu maayad ha binhì duun hu uma din.

Mateo 13:31

Amin pa pananglitan ha inikagi hi Jesus ha tagyanaen, “Sa pag-adagi hu tagharian hu Dios agkailing hu lisu ha impamegas duun hu uma.

Mateo 13:33

Amin pa lain ha pananglitan ha inikagi hi Jesus ha tagyanaen, “Sa tagharian hu Dios agkailing daan hu igpatulin ha iglamud duun hu madakel ha harina dayun su harina agtulin.”

Mateo 13:47

“Sa tagharian hu Dios agkailing daan hu baling ha inlabya duun hu danaw. Ku mataguan en haena hu migkalain-lain ha sedà

Mateo 13:52

Inikagiyan din sidan, “Sa manunudlù hu Kasuguan ha tinudluan mahitenged hu tagharian hu Dios agkailing hu etaw ha madakel tungkay sa mga butang din diyà ta balay din, daw saena ha mga butang kenà alan dà karaan ba amin daan duun mga bag-u.”

Mateo 18:23

“Sa pagharì hu Dios agkailing hu harì ha nakahenà-henà ha husayen din sa mga utang hu mga suluguen din diyà ta kandin.

Mateo 20:1

“Sa pagharì hu Dios agkailing hu etaw ha suminelem nan-ahà hu agsuhulan din ha magtrabahu duun hu uma din.

Mateo 22:2

“Sa tagharian hu Dios agkailing hu harì ha nangandam hu kaamulan ta sa batà din agpangasawa.

Mateo 23:13

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Harì kaw agkabayà ha maharian kaw hu Dios daw saena ha agkabayà ngaay agbaldengen nuy.

Mateo 25:1

“Duun taena ha panahun sa tagharian hu Dios agkailing hu sampulù ha mga laga ha natukid hu mga sulù ta tag-angat hu agpangasawa.

Mateo 25:14

“Sa tagharian hu Dios agkailing daan hu etaw ha aghipanaw aman inamul din sa mga sinaligan din ta igpiyal kandan sa mga salapì din.

Mateo 4:17

Sugud taena ha panahun nanunultul si Jesus hu kagi din, “Hinulsuli sa mga salà nuy ta madani en sa pagharì hu Dios inyu.”

Mateo 4:23

Nalekep hi Jesus sa alan ha banuwa ha sakup ta Galilea. Duun hu mga simbahan hu mga Judio migtudlù si Jesus hu Maayad ha Tultulanen mahitenged hu pagharì hu Dios daw naulian din daan sa alan ha mga dalu hu mga etaw.

Mateo 5:10

“Malipayen gayed sa tagpasipalahan tumenged hu pagbuhat dan hu matareng ta agharian sidan hu Dios.

Mateo 5:3

“Malipayen gayed sa nakatuen ha ku harì buligan hu Dios hurà dan mahimu, ta agharian sidan hu Dios.

Mateo 6:10

Harii kay ikaw daw sa pagbayà nu iyan matuman dini ta kalibutan iling daan diyan ta langit.

Mateo 6:33

Una hu alan ipagharì nuy sa Dios diyan ta inyu daw buhaten nuy sa matareng dayun iila din gayed inyu sa alan ha agkinahanglanen nuy.

Marcos 1:15

ha tagyanaen, “Iyan en haini panahun ha madani en sa pagharì hu Dios aman maghinulsul kaw daw tuuwi sa Maayad ha Tultulanen.”

Marcos 1:4

Aman nakauma si Juan Ha Tagpamautismu duun taena ha pinakabulung-bulung ha lugar daw tagpanunultul ha tagyanaen, “Maghinulsul kaw ta daw mapasaylu sa mga salà nuy daw magpabautismu kaw.”

Marcos 6:12

Aman namanhipanaw su mga tinun-an hi Jesus daw nanunultul ha kinahanglan gayed ha maghinulsul sa mga etaw.

Lucas 1:16

Pinaagi kandin madakel ha mga kaliwatan hi Israel sa lumikù duun hu Dios ha iyan Magbabayà dan.

Lucas 11:20

Saini ha gahem ku duun gayed napuun hu Dios. Iyan haini ikatun-i taw ha iman tagharì en sa Dios dini ta kanuy.

Lucas 13:3

Ba saena kenà laus ta ikagiyen ku inyu ha ku harì kaw maghinulsul mangamatay kaw daan iling kandan.

Lucas 13:5

Ba saena kenà laus ta ikagiyen ku inyu ha ku harì kaw maghinulsul matay kaw daan iling kandan.”

Lucas 15:10

Ikagiyen ku inyu ha adagi daan sa kalipay hu mga balinsuguen hu Dios tumenged hu sabuwa ha makasasalà ha maghinulsul.”

Lucas 15:7

Ikagiyen ku inyu ha iling daan taena kaadagi sa kalipay diyà ta langit ku amin sabuwa ha makasasalà ha maghinulsul dì taena ha kasiyaman daw siyam ha mga tagpasibù-sibù ha matareng en daw taghenà-henà ha harì en tagkinahanglan ha maghinulsul.

Lucas 16:30

“Ba tuminubag su sapian, ‘Amay ku ha Abraham, harì sidan magpaliliman taena ba ku amin ngaay mabanhaw daw dumiyà ta kandan maghinulsul gayed sidan.’

Lucas 21:31

Iling daan taena ku maahà nuy asem ha matuman en sa alan ha inikagi ku inyu matun-an nuy ha ubay en sa pagharì hu Dios.

Lucas 24:47

Aman agsuguen ku inyu ha isangyaw nuy duun hu kaet-etawan sugud ta Jerusalem payanaen hu alan ha mga nasud ha ku maghinulsul sidan mapasaylu gayed sa mga salà dan.

Lucas 6:20

Sumininalu si Jesus duun hu mga sumusunud din daw ikagi, “Sinyu sa makaluluuy iman, malipayen kaw gayed ta agharian kaw hu Dios.

Mga Buhat 11:18

Su mapaliman dan haena nakaghagteng sidan dayun dinayè dan sa Dios. Kagi dan, “Intugut diay daan hu Dios ha sa kenà mga Judio makaghinulsul daw mailahan hu kinabuhì ha hurà din katapusan.”

Mga Buhat 17:30

Su anay inantus hu Dios sa mga madaet ha buhat hu etaw tumenged ta hurà dan pa haena kakilala. Ba iman sinugù din sa alan ha maghinulsul gayed

Mga Buhat 2:38

Tuminubag si Pedro, “Alan kaw maghinulsul ta daw mapasaylu sa mga salà nuy daw magpabautismu kaw duun hu ngaran hi Cristo Jesus. Dayun maulinan kaw hu Balaan ha Ispiritu

Mga Buhat 20:21

Inikagiyan ku sa mga Judio daw sa kenà ha maghinulsul sidan duun hu Dios daw tumuu sidan ki Cristo Jesus ha Ginuu taw.

Mga Buhat 26:20

Sa una ha tinultulan ku iyan sa mga etaw diyà ta Damasco dayun sa diyà ta Jerusalem daw nalekep ku daan sa alan ha banuwa diyà ta Judea daw nakaduun a daan hu kenà mga Judio. Tinultulan ku sidan ha kinahanglan ha maghinulsul daw tumuu hu Dios dayun ipaahà dan gayed ha laus ha mighinulsul en sidan pinaagi hu maayad ha mga buhat dan.

Mga Buhat 3:19

Aman maghinulsul kaw gayed daw likù kaw duun hu Dios ta daw mapasaylu sa mga salà nuy daw sa kalinaw ha napuun duun hu Dios makadiyan ta inyu.

2 Corinto 7:10

Sa kaguul ha duun agkapuun hu Dios agkahimu ha iyan pakapahinulsul hu etaw ta daw maluwas. Ba sa kaguul hu etaw ha hurà makakilala hu Dios duun pakapayanaen hu kamatayen.

Colosas 1:13

Ta iyan sa Dios migluwas kanuy duun hu kasukileman ha tagharian hi Satanas daw imbalhin kuy kandin duun hu tagharian hu pinalanggà din ha Batà.

2 Timoteo 2:25

Kinahanglan agnayù-nayuan din sa mga agsupak kandin ta kan ku sa Dios magbulig kandan ha makahinulsul daw matun-an dan sa kamatuuran

Hebreo 6:1

Aman harì en iyan dà henhenaen sa nauna ha katudluanan mahitenged ki Cristo ba ipaiseg sa natun-an taw ta daw kenà iyan dà matun-an sa pagtuu duun hu Dios pinaagi hu paghinulsul hu mga salà ha iyan ngaay tag-uwit kanuy duun hu kamatayen,

2 Pedro 3:9

Sa Ginuu harì tagyawat hu mga saad din ha iyan taghenhenaayen hu duma ha mga etaw. Harì pa iman aglikù tumenged ta tagpailub pa inyu ta harì din gayed agkabayaan ha amin sabuwa ha masilutan ba sa agkabayaan din iyan sa maghinulsul sa alan.

Impadayag 2:21

Nalugay en sa pag-angatà ku ha maghinulsul si Jezebel hu mga buhat din ha malaw-ay, ba harì din gayed haena agkabayaan ag-endai.

Impadayag 2:5

Aman henhenaa nuy ku nangkainu kaadagi sa pagpalanggà nuy su anay. Hinulsuli nuy en gayed sa mga madaet ha nahimu dayun likui dà su nauna ha pagpalanggà nuy. Ku harì nuy hinulsulan elegan ku inyu daw awaen ku sa sulù nuy duun hu inugsakan.