Mateo 26:55 - Lalang Hu Dios

⁵⁵ Dayun inikagiyan hi Jesus su mga etaw, “Agalen a ba hu mga tulisan imbà kaw tag-uuwit hu mga ispada daw mga bunal hu pagdakep kanak? Aldaw-aldaw migpinuu a diyà ta Timplu daw nanudlù, imbà a hurà inyu dakepa diyà?

Mateo 26:55 Iomraidhean Croise

Mateo 21:23

Sumineled si Jesus diyà ta Timplu daw su tagpanudlù en duminiyà ta kandin sa mga labaw ha sinaligan hu paghalad daw sa mga magulang. Ininsaan dan haena, “Inu sa katenged nu daw sin-u sa mig-ila ikaw hu kagahem hu pagbuhat taena?”

Mateo 26:47

Su kamulu pa tag-ikagi si Jesus nakauma en sa sabuwa duun taena ha sampulù daw daruwa ha tinun-an ha iyan si Judas duma hu madakel ha mga etaw ha tag-uuwit hu mga ispada daw mga bunal ta sinugù sidan hu mga labaw ha sinaligan hu paghalad daw hu mga magulang.

Marcos 10:1

Uminawà diyà si Jesus daw duminayun ta prubinsya ta Judea daw layun ta Jordan. Inamul-amulan dà paman hu madakel ha mga etaw daw tinudluan din sidan sumalà hu naanadan din.

Marcos 12:35

Su tagtudlù pa si Jesus duun ku Timplu, nanginginsà haena, “Imbà agkaikagi hu mga manunudlù hu Kasuguan ha su Misiyas iyan kaliwat hi David?

Lucas 19:47

Si Jesus aldaw-aldaw migtudlù duun hu Timplu. Ba sa mga labaw ha sinaligan hu paghalad daw sa mga manunudlù hu Kasuguan daw sa duma ha mga agalen nan-ahà hu paagi ha mapatay dan si Jesus,

Lucas 20:1

Amin aldaw ha su tagpanudlù si Jesus diyà ta Timplu mahitenged hu Maayad ha Tultulanen sa mga labaw ha sinaligan hu paghalad daw sa mga manunudlù hu Kasuguan duma hu mga magulang duminiyà ta kandin

Lucas 4:20

Su makapenga si Jesus magbasa inlikù din su balasahen duun ku mig-ila kandin dayun mininuu hu pagtudlù. Sa mga etaw uminahà diyà ta kandin

Juan 7:14

Su agliwaraan en sa pagsaulug duminuun si Jesus taena ha Timplu dayun nanudlù.

Juan 7:28

Aman su tagpanudlù pa si Jesus duun hu Timplu minikagi haini, “Nakilala ad gayed inyu daw natun-an nuy en ku hindu a napuun. Hurà a dini hu kanak dà ha pagbayà ta sa migsugù kanak iyan sa laus ha Dios daw harì nuy haena agkakilala.

Juan 8:2

Su maselem en luminikù dà diyà ta Timplu. Madakel sa mga etaw ha nangaamul-amul diyà ta kandin aman mininuu daw migtudlù.

Juan 8:20

Inikagi haena hi Jesus su tagtudlù pa duun hu kuwartu ta Timplu ha duun sa talaguay hu salapì ha ighalad. Ba hurà pa kadakep si Jesus ta kenà pa haena iyan natugun ha panahun.