Mateo 25:1 - Lalang Hu Dios

¹ “Duun taena ha panahun sa tagharian hu Dios agkailing hu sampulù ha mga laga ha natukid hu mga sulù ta tag-angat hu agpangasawa.

Mateo 25:1 Iomraidhean Croise

Mateo 13:24

Amin pa pananglitan ha inikagi hi Jesus ha tagyanaen, “Sa pagharì hu Dios agkailing hu etaw ha namegas hu maayad ha binhì duun hu uma din.

Mateo 13:31

Amin pa pananglitan ha inikagi hi Jesus ha tagyanaen, “Sa pag-adagi hu tagharian hu Dios agkailing hu lisu ha impamegas duun hu uma.

Mateo 13:38

Saena ha uma iyan sa kalibutan daw su maayad ha binhì iyan sa mga tagharian hu Dios. Saena ha mga hilamunen iyan sa mga sakup hi Satanas

Mateo 13:47

“Sa tagharian hu Dios agkailing daan hu baling ha inlabya duun hu danaw. Ku mataguan en haena hu migkalain-lain ha sedà

Mateo 20:1

“Sa pagharì hu Dios agkailing hu etaw ha suminelem nan-ahà hu agsuhulan din ha magtrabahu duun hu uma din.

Mateo 22:2

“Sa tagharian hu Dios agkailing hu harì ha nangandam hu kaamulan ta sa batà din agpangasawa.

Mateo 25:7

“Dayun napukaw su mga laga daw susiya sa mga sulù dan.

Mateo 3:2

ha tagyanaen, “Hinulsuli sa mga salà nuy ta madani en sa pagharì hu Dios kanuy.”

Mateo 5:16

Aman ipasiga gayed sa sulù nuy ta daw maahà hu mga etaw ha maayad sa mga buhat nuy dayun madayè dan sa Dios ha Amay nuy diyà ta langit.

Mateo 9:15

Tuminubag si Jesus, “Mabaluy ba diay ku amin kaamulan ha sa mga inimbita maglugul ku diyà pa ta kandan sa agpangasawa? Harì gayed haena mabaluy. Ba mauma sa panahun ha ipaawà en diyà ta kandan su agpangasawa daw human sidan agsalang hu pagkaen.

Juan 18:3

Aman inuwit hi Judas diyà sa mga sundalu daw sa mga bantay hu Timplu ha sinugù hu labaw ha mga sinaligan hu paghalad daw hu mga Parisiyu ha tag-uuwit hu mga sulù daw hinagiban.

Juan 3:29

Sa agpangasawa iyan gayed pakaangken hu ag-asawahen din. Sa amigu din tag-angat kandin daw agkabayà-bayà ku mapaliman din sa lageng taena ha agpangasawa. Iling daan taena sa kalipay ku iman.

Mga Buhat 20:8

Diyà ta latun taena ha balay ha duun kay mig-amul-amul inugsakan hu madakel ha mga sulù.

1 Corinto 11:2

Nadayè ku gayed inyu ta harì a inyu agkalipatan daw agpangesegan nuy sa intudlù ku inyu.

2 Corinto 11:2

Agkasamukan ku gayed inyu iling hu kasamuk daan hu Dios ku sumuway kaw diyà ki Cristo, ta iling kaw iman hu laga ha insaad kud en ha igpaasawa hu sabuwa ha maama.

2 Timoteo 4:8

Aman intagana en sa bales ha ig-ila kanak hu Ginuu sa matareng ha Maghuhukum duun asem taena ha aldaw tumenged hu mga matareng ha binuhat ku. Daw kenà a iyan dà makadawat taena ta lagkes en daan sa alan ha tagsalap hu paglikù din.

Tito 2:13

Buhaten taw haena iman ha tag-angat kuy pa hu pagdini hu gamhanan ha Dios ha si Cristo Jesus sa Manluluwas taw

Impadayag 14:4

Saena mga maama ha himpit ta hurà gayed makasalà duun hu bahi. Sigi dà sidan taglupug taena ha Nati ha Karniru bisan hindu duun agpayanaen. Duun hu alan ha kaet-etawan iyan sidan linuwas iling hu lagunen ha inhalad duun hu Dios daw duun hu Nati ha Karniru.

Impadayag 19:7

Magmalipayen kuy daw dayeen taw sa pagkagamhanan din ta nakauma en sa panahun hu kaamulan hu Nati ha Karniru daw sa ag-asawahen din naandam en

Impadayag 21:2

Naahà ku daan sa balaan ha banuwa ha iyan sa Bag-u ha Jerusalem ha tagpakabulus ha napuun duun hu Dios daw tungkay gayed madagway iling hu ag-asawahen ha nabistiyan.

Impadayag 21:9

Dayun sa sabuwa duun ku pitu ha balinsuguen hu Dios ha tagbalabad hu yahung ha tinaguan hu mga alantusen inikagiyan a kandin, “Dini ka ta igpaahà ku ikaw sa tag-asawahen taena ha Nati ha Karniru.”

Impadayag 4:5

Duun taena ha trunu tagkasalasab sa kilat daw tagdaheneg sa lugung daw sa dagsang. Amin daan pitu ha sulù duun hu atubangan ku trunu ha tagkalegdeg ha iyan sa pitu ha paagi ha makapadayag sa pagkagamhanan hu Balaan ha Ispiritu.

Impadayag 8:10

Su ikatulu ha balinsuguen hiniyup din sa kandin ha trumpita. Sagunà nahulug sa adagi ha bituen ha tagkalegdeg ha nakatanà duun hu ikatulu ha bahin hu mga wahig daw hu mga tuburan.